Fréttir & tilkynningar

Endurmenntun LbhÍ í samstarfi við Hestamannafélagið Snæfelling Stefnir á að vera með fræðslukvöld ef næg þátttaka næst.  

  Fjölmargir hæfileikaríkir áhugaljósmyndarar hafa notað tækifærið og tekið myndir af hvölunum sem hafa dvalið í Grundarfirði upp á síðkastið.Tómas Freyr Kristjánsson sendi okkur þessa glæsilegu mynd. Hér má sjá fleiri myndir Tómasar.

Fimmtudaginn 17. febrúar kl. 16:00 verður fundur í Sögumiðstöðinni með Atvinnuráðgjöf Vesturlands og Félagi atvinnulífsins í Grundarfirði.   Fundurinn er ætlaður atvinnurekendum í Grundarfirði og tilgangur hans er að:   ·       ræða stöðu og möguleika atvinnulífs á svæðinu. ·       kynna Vaxtarsamning Vesturlands. ·       kynna niðurstöður íbúakönnunar SSV.

Alþjóðlega Kvikmyndahátíðin Northern Wave verður haldin í Grundarfirði í fjórða sinn þann 4. til 6. mars næstkomandi. Í ár er von á meiri aðsókn en nokkru sinni fyrr ef marka má það litla gistirými sem eftir er fyrir hátíðarhelgina.

Á íbúafundi í nóvember gátu þátttakendur komið því á framfæri við bæjarstjórn, hvar þeir telja að slá megi af kröfum í starfsemi bæjarins.  Þessar ábendingar voru teknar til skoðunar við gerð fjárhagsáætlunar og hafa sumar komið til framkvæmda og aðrar ekki.   

Myndina tók Helga Ingibjörg Reynisdóttir   Nú hafa fjölmargir háhyrningar dvalið í Grundarfirði um nokkurt skeið í góðu yfirlæti. Eitthvað virðist það vera að fréttast því þeim hefur fjölgað töluvert undanfarna daga. Auk háhyrninganna er nú einnig hægt að sjá höfrunga, hrefnur og hnýsur bregða á leik. Dýrin eru talin í hundruðum og er þá aðeins átt við Grundarfjörð, en fjöldi dýra er einnig í Kolgrafafirði.

Fatlað fólk á tímamótum. Eru mannréttindi virt? Fundur í Grundarfirði þriðjudaginn 22. febrúar 2011 kl. 13 – 15.30.   Yfirfærsla á þjónustu fyrir fatlað fólk frá ríki til sveitarfélaga fór fram um síðustu áramót. Öryrkjabandalag Íslands (ÖBÍ) heldur af því tilefni fræðslu- og umræðufundi víðs vegar um landið. Næsti fundur verður í Samkomuhúsi Grundarfjarðar þriðjudaginn 22. febrúar nk. kl. 13 – 14.30  

Lögð hefur verið fram á Alþingi þingsályktunartillaga um lækkun húshitunarkostnaðar. Bæjarstjórn samþykkti eftirfarandi ályktun á fundi sínum 10. febrúar: „Bæjarstjórn Grundarfjarðar fagnar framkominni tillögu til þingsályktunar um lækkun húshitunarkostnaðar og áréttar að um gífurlegt hagsmunamál er ræða fyrir íbúa á svokölluðum „köldum svæðum““.   Tillaga til þingsályktunar um lækkun húshitunarkostnaðar.

Á fundi bæjarstjórnar Grundarfjarðar þann 10. febrúar var samþykkt ályktun um mikilvægi þess að óvissu um framtíðarskipan fiskveiðistjórnunarkerfisins verði eytt. Ályktunin er eftirfarandi:   „Bæjarstjórn Grundarfjarðar telur mikilvægt að óvissu um framtíðarskipan fiskveiðistjórnunarkerfisins verði eytt og varanleg sátt náist á grundvelli tillagna sáttanefndar um sjávarútveg, þannig að sjávarútvegurinn geti búið við stöðug starfsskilyrði. Bæjarstjórn Grundarfjarðar gerir einnig kröfu um að komi til aukinnar gjaldtöku á sjávarútveginn renni hluti hennar til sveitarfélaga.“

Þann 11. febrúar verður 112 dagurinn haldinn með látum hér í Grundarfirði. Stefnt verður á að leggja af stað með bílalest kl 17:30 frá slökkvistöðinni og fara hring um bæinn og enda í húsi björgunarsveitarinnar Klakks um kl 17:50. Þar verður opið hús og hægt að fá blóðþrýstings og blóðsykursmælingu. Einnig verður hægt að fá að skoða tæki og tól viðbragðsaðila hér í Grundarfirði.