Fréttir & tilkynningar

Heitu pottarnir í sundlauginni verða ekki í notkun, vegna bilunar, fram yfir helgi. Sundlaugin verður eftir sem áður opin. 

Þar sem framkvæmdir eru hafnar við stækkun viðlegu í Suðurhöfn Grundarfirði (smábátahöfn) eru smábátasjómenn beðnir um að fara gætilega við komu og brottför í innrihöfn.  

Í dag 26. júlí 2011 hefur verið gengið frá sölu á 66% hlut í útgerðarfélaginu Farsæli hf. til Fisk Seafood, sem eftir þessi viðskipti hefur eignast allt hlutafé í félaginu.   Farsæll hf. hefur rekið útgerð í Grundarfriði frá því 1936 eða í 75 ár en vegna lítilla aflaheimilda hafa rekstrarskilyrði verið erfið síðustu ár og sýnilegt að þörf var á breytingum til þess að efla starfsemi félagsins.  

Þórir Bergmundsson háls, - nef og eyrnalæknir verður með móttöku á Heilsugæslunni Grundarfirði Miðvikudaginn 10. ágúst n.k. Tekið er á móti tímapöntunum á Heilsugæslustöð Grundarfjarðar í síma 432-1350  

Bæjarhátíð okkar Grundfirðinga, Á góðri stund, sem haldin var um helgina,tókst einstaklega vel. Skipuleggjendum, styrktaraðilum, bæjarbúum og öllum öðrum þátttakendum er þakkað fyrir þeirra framlag til að gera hátíðina eins glæsilega og raunin varð.   Bæjarstjóri

Unanfarnar vikur hafa bæjarbúar víða tekið til hendinni og snyrt sitt nánasta umhverfi. Þar sem trjágróður hefur vaxtið út fyrir lóðarmörk, yfir gangstéttir og stíga, eru lóðarhafar vinsamlegast beðnir um að klippa gróður svo ekki skapist hætta fyrir gangandi vegfarendur.

Mánudaginn 25. júlí verður einnar mínútu þögn í Noregi, til minningar um fórnarlömb harmleiksins í Noregi síðastliðinn föstudag. Ísland mun sýna norsku þjóðinni samstöðu með því að hafa einnar mínútu þögn á sama tíma sem er kl. 10:00 í dag að íslenskum tíma. Forsætisráðherrra hvetur alla Íslendinga til að sýna samhug sinn með þeim hætti.   Reykjavík 24. júlí 2011   FORSÆTISRÁÐUNEYTIÐ

Laus til leigu íbúð að Grundargötu 65. Íbúðin er þriggja herbergja 88 fermetrar. Nánari upplýsingar fást á skrifstofu Grundarfjarðarbæjar, sími 430 8500.  

Opna Soffamótið – golfmót í boði Soffaníasar Cecilssonar.   11:00 Eyþór Björnsson með myndasýningu og sögur frá ferðum sínum til Úsbekistan og Marokkó í Sögumiðstöðinni. Eyþór var í vetur með þessar sýningar og voru þær stórskemmtilegar.   13:00 Stuttmyndin Kría eftir Dögg Mósesdóttur sýnd í Sögumiðstöðinni. Dögg er forsprakki kvikmyndahátíðarinnar Northern Wave sem haldin er ár hvert í Grundarfirði. Kría var frumsýnd fyrir stuttu í Bíó Paradís og nú gefst hátíðargestum tækifæri á að sjá hana. Kría var tekin upp í kringum Grundarfjarðardagana 2009 á Snæfellsnesi, Vestfjörðum og í Flatey. Í myndinni er m.a. sena frá hátíðarhöldunum þar sem Grundfirðingar sjást skemmta sér. Sigrún Aðalheiður, ung grundfirsk stúlka fer með eitt aðalhlutverkið í myndinni. Myndin fjallar um sígauna á ferðalagi um Snæfellsnesið sem að gefur ungri stúlku á puttanum far og upp hefst mikið ævintýri. Myndin er 20 mínútur á lengd. aðeins 500 kr. aðgangseyrir.   14:00 Skemmtisigling um fjörðinn - Láki Tours siglir með farþega í skoðunarferð - fuglar, hvalir og jafnvel sjóstangveiði. Það þarf að bóka ferðina. Bókanir á Hótel Framnesi.   

10:00 Dorgveiði á Hátíðarsvæði í boði Arion banka.   11:00 Öllum krökkum boðið að prufa tól og tæki hjá fimleikahópi Gerplu. Hópurinn setur upp áhöld á túninu við Samkomuhúsið. Allir velkomnir í heimsókn til þeirra í boði Ragnars og Ásgeirs.   11:00 Eyþór Björnsson með myndasýningu og sögur frá ferðum sínum til Sýrlands, Líbanon og Palestínu í Sögumiðstöðinni. Eyþór var í vetur með þessar sýningar og voru þær stórskemmtilegar.   12:00 Fiskisúpa Lionsklúbbs Grundarfjarðar á Hátíðarsvæði – Það má enginn missa af þessari frábæru súpu.12:00 Markaður á hátíðarsvæðinu opnar – Grundarport markaður í Risatjaldinu, töff handverk, nuddpúðar og ýmislegt annað sniðugt í Grundarporti.Kvenfélagið verður með kakó, kaffi, vöfflur og skúffukökur til sölu í Risatjaldinu     Alvöru kaffihúsastemning.   13:00 Fjölskyldudagskrá á Hátíðarsvæðinu í boði Soffaníasar Cecilssonar -          Lalli Töframaður kynnir og sýnir listir sínar -     Menningar og Tómstundanefnd afhendir menningarverðlaunin Helgrindur -          Friðrik Dór syngur -          Grundfirsku strákarnir Aron, Bergur, Benni og Emil leika nokkur lög -          Hvanndalsbræður skemmta allri fjölskyldunni -     Afhending Vitans, menningarverðlauna Eyrbyggja Hollvinasamtaka Grundarfjarðar -          Dansnemendur Auðar B. taka sporið - Auður hefur verið með námskeið alla vikuna og nú sýna krakkarnir okkar afraksturinn -          Krakkar af námskeiðinu Sköpun og skemmtun koma fram -     Evrópumeistarar Gerplu stíga á stokk og stökkva jafnvel líka   14:00 Skemmtisigling um fjörðinn - Láki Tours siglir með farþega í skoðunarferð - fuglar, hvalir og jafnvel sjóstangveiði. Það þarf að bóka ferðina. Bókanir á Hótel Framnesi.    14:00  Franskir fiskimenn og fólkið í sveitinni – Sögur og spökúleringar í Sögumiðstöðinni. 1000 kr aðgangseyrir.   16:00 Söngtónleikar í Grundarfjarðarkirkju – Elmar Gilbertsson ásamt meðleikara flytja íslensk og erlend sönglög. Elmar er Snæfellingur sem hefur verið erlendis við nám og störf í söng og komið fram víða í óperuhúsum. Eitthvað sem tónlistarunnendur mega ekki láta fram hjá sér fara.  1.500 kr. Aðgangseyrir.   16:00 Stuttmyndin Kría eftir Dögg Mósesdóttur sýnd í Sögumiðstöðinni. Dögg er forsprakki kvikmyndahátíðarinnar Northern Wave sem haldin er ár hvert í Grundarfirði. Kría var frumsýnd fyrir stuttu í Bíó Paradís og nú gefst hátíðargestum tækifæri á að sjá hana. Kría var tekin upp í kringum Grundarfjarðardagana 2009 á Snæfellsnesi, Vestfjörðum og í Flatey. Í myndinni er m.a. sena frá hátíðarhöldunum þar sem Grundfirðingar sjást skemmta sér. Sigrún Aðalheiður ung grundfirsk stúlka fer með eitt aðalhlutverkið í myndinni. Myndin fjallar um sígauna á ferðalagi um Snæfellsnesið sem að gefur ungri stúlku á puttanum far og upp hefst mikið ævintýri. Myndin er 20 mínútur á lengd. aðeins 500 kr aðgangseyrir 17:00 Snæfellingurinn Bond í Sögumiðstöðinni. 1000 kr aðgangseyrir   20:00  Skrúðgöngur – Gulir hittast í þríhyrningi, Rauðir við Kaffi 59, Grænir við blokkina í Sæbóli og Bláir við kirkjuna    20:30  Hverfin skemmta sér á bryggjunni – Hvaða hverfi er með skemmiatriði ársins???   22:00  Bryggjuball með Draugabönum og Feik í boði Landsbankans   23:30  Stórdansleikur með Hvanndalsbræðrum í Risatjaldinu á Hátíðarsvæðinu.2500 kr aðgangseyrir – 18 ára aldurstakmark.