Fréttir & tilkynningar

                                                Sjá nánar á mbl.is  

Hægt verður að rifja upp gamla tíma og njóta afslappaðs andrúmslofts á Sögumiðstöðinni og Bæringsstofu. Stórar myndir frá miðri síðustu öld eru á veggjum og myndasýningar í Bæringsstofu. Sýningunni Vitavörðurinn lauk um helgina. Sjá myndir frá opnuninni í júní.     

Hátíðarútvarpið fer í loftið í dag, miðvikudag og verður til laugardagsins 26. júlí – Verið rétt stillt fm 103,5.      

Vegna breytinga verður endurnýjun lyfja, hjá HVE Grundarfirði, eftirleiðis milli kl 11:00 og 12:00 alla virka daga í síma 432-1358. Best er að endurnýja lyf tímanlega, við bendum á að afgreiðsla lyfja getur tekið allt að 2 daga.    Með bestu kveðju,    Heilbrigðisstofnun Vesturlands, Grundarfirði

 

Þorsteinn Steinsson hefur verið ráðinn bæjarstjóri Grundarfjarðar. Gengið var frá ráðningu hans á fundi bæjarstjórnar síðdegis í gær. Alls sóttu 24 um starfið en þrír drógu umsókn sína til baka.   Áætlað er að Þorsteinn taki til starfa um miðjan ágúst.   Sigurlaug R. Sævarsdóttir, skrifstofustjóri og staðgengill bæjarstjóra, gegnir störfum bæjarstjóra þar til Þorsteinn tekur til starfa.  

176. fundur bæjarstjórnar Grundarfjarðar verður haldinn í ráðhúsinu fimmtudaginn 17. júlí 2014 kl. 16:30.   Dagskrá:  

Tilkynning um vinnu í aðveitustöð og vinnu við fluttiningslínu 66 kV. Búast má við rafmagnstruflunum í Grundarfirði, Framsveit og Fróðárhreppi í nótt frá kl. 00.00 til 06.00 vegna vinnu í aðveitustöð og vinnu við fluttiningslínu 66 kV. Til að minka líkur á rafmagnsleysi væri gott að koma í veg fyrir að stórir rafmótorar starti á þessum tíma ( t.d frystipressur). Rarik biðst velvirðingar á óþægindum sem af þessu kunna að leiða.  

Í dag lætur Björn Steinar Pálmason af starfi bæjarstjóra. Björn Steinar hefur starfað sem bæjarstjóri í fjögur ár en hann tók við af Guðmundi Inga Gunnlaugssyni.   Á dögunum var haldið kveðjuhóf þar sem að starfsmenn bæjarins og kjörnir fulltrúar kvöddu Björn. Sigurborg Kr. Hannesdóttir og Eyþór Garðarsson, fyrrverandi og núverandi forsetar bæjarstjórnar, þökkuðu fyrir samstarfið og færðu Birni blóm. Björn Steinar segir að nú hafi verið rétti tíminn til þess að hætta og kveður starfið sáttur. Við þökkum Birni Steinari fyrir samstarfið og óskum honum velfarnaðar í framtíðinni.    

Háskólalestin hefur ferðast víða, tuttugu ferðir að baki frá vorinu 2011! En í fimmtu ferð lestarinnar árið 2014 er fyrirhugað að heimsækja Snæfellsbæ og Grundarfjörð.  Og sem fyrr er lögð áhersla á lifandi, skemmtilega vísindamiðlun til ungs fólks og litríka dagskrá fyrir alla fjölskylduna.