Fréttir & tilkynningar

Karate byrjar aftur miðvikudaginn 5.janúar. 1.-5. bekkur kl. 17:10-18:10 og 6.-10. bekkur kl: 18:10-19:10. Sömu æfingatímar og áður. Æft er á miðvikudögum og föstudögum. Á föstudögum eru æfingar hjá: 1.-5. bekkur kl. 17:40-18:40 og 6.-10. bekkur kl: 18:40-19:40.  

Nú í upphafi nýs árs er við hæfi að líta um öxl og renna augum yfir farin veg. Árið hefur sótt misjafnlega að okkur. Gleði og sorg, höppum og slysum verið misskipt milli okkar eins og gengur. Fyrir mitt leyti þakka ég traust sem mér hefur verið sýnt til að gegna starfi bæjarstjóra á tímum sem um margt eru óvenjulegir.  

Frá áramótum verður tekinn upp nýr opnunartími á bæjarskrifstofunni. Opið verður virka daga frá kl. 10-14. Hingað til hefur verið opið frá 9:30-15:30 mánudaga til fimmtudaga og frá 9:30-14 á föstudögum. Breytingin tekur mið af þróun undanfarinna ára í þá átt fólk eigi frekar í rafrænum samskiptum við stjórnsýsluna frekar en að koma í eigin persónu til að reka erindi sín. Bæjarskrifstofan verður opin samkvæmt venju 27.-30. desember, kl. 9:30-15:30 en opnar á nýjum tíma þriðjudaginn 4. janúar. Frá þeim degi verður opið kl. 10-14 mánudaga-föstudaga.

Á fundi hafnarstjórnar 30. desember var samþykkt að ráða Hafstein Garðarsson sem hafnarstjóra Grundarfjarðarhafnar frá 1. janúar 2011. Hafsteinn hefur starfað sem hafnarvörður við höfnina frá október 2000 og séð um daglegan rekstur hennar.   Fundargerð hafnarstjórnar

Það er tilvalið að kveðja gamla árið með hollri hreyfingu í góðum félagsskap og skora jafnvel á sjálfa(n) sig í leiðinni! Þess vegna er nú í annað sinn efnt til Gamlárshlaups 31. desember n.k.  

Sorp verður tekið miðvikudaginn 29. desember í stað 30. desember vegna slæmrar veðurspár. 

Félags- og skólaþjónusta Snæfellinga, FSSF,-  auglýsir lausa til umsóknar stöðu sálfræðings við stofnunina.  Um er að ræða 100% stöðugildi. Verksvið:  Félagsþjónusta og velferðarmálefni; ráðgjöf, greining, leiðsögn, einstaklinga og fjölskyldna;  barnavernd, málefni  fatlaðra;  teymisviðfangsefni. Sjá nánar auglýsngu hér.   

Leikklúbbur Grundarfjarðar og Foreldrafélag grunnskólans standa fyrir glæsilegu jólaballi fyrir alla Grundfirðinga, þriðjudaginn 28. desember í samkomuhúsi Grundarfjarðar klukkan 15:00. Hressir jólasveinar mæta á svæðið ásamt foreldrum sínum og frændfólki. Þau ætla að taka nokkur lög og jafnvel gefa góðum krökkum eitthvað góðgæti. Hægt er að reikna með óvæntum uppákomum, sérstaklega fyrir þá sem þykjast hafa sagt skilið við barnæskuna.500 krónur inn. Hver miði er með happdrættisnúmer og frábærir vinningar í boði.Hlökkum til að sjá ykkur,   Leikklúbburinn og Foreldrafélag grunnskólans.  

Organisti Grundarfjarðarkirkju mun spila létta tónlist milli kl. 21.30 - 22.30 sem gestir geta notið í styttri eða lengri tíma og mætt þegar hentar á tilgreindum tíma.  

Opnunartími bæjarskrifstofunnar verður sem hér segir um jól og áramót:   Aðfangadagur - lokað. 27. -30. desember - opið 9:30-15:30. Gamlársdagur - lokað. 3. janúar - lokað. Frá 4. janúar verður opið samkvæmt nýjum opnunartíma skrifstofunnar, kl. 10-14.