Fréttir & tilkynningar

Kjörfundur í Grundarfirði vegna forsetakosninga verður haldinn laugardaginn 30. júní 2012 í Samkomuhúsi Grundarfjarðar. Kjörfundur stendur yfir frá kl. 10:00 til kl. 22:00. Kjósendur þurfa að framvísa persónuskilríkjum.   Kjörstjórn Grundarfjarðar  

Næsta Ævintýranámskeið hefst mánudaginn 2. júlí næstkomandi og næsta Listasmiðja hefst þann 9. júlí. Skráning á öll námskeið er enn í fullum gangi!        

Laust er til umsóknar nýtt starf forstöðumanns íþróttamannvirkja hjá Grundarfjarðarbæ.   Helstu verkefni eru rekstur allra íþróttamannvirkja, samskipti við íþróttahreyfinguna, eftirlit með útgjöldum og starfsmannahald.  

Bókasafnið er opið í dag, fimmtudaginn 21. júní kl. 13-18, klukkan eitt til sex.   Flökkubækur og slatti af notuðum bókum á skiptibókamarkaði.   Opið næsta fimmtudag, 28. júní.   Tenglar bókasafnsins

Straumlaust verður aðfaranótt 22. júní frá klukkan 00:00 til 06:00 vegna vinnu í aðveitustöð við Vatnshamra í Borgarfirði. Um er að ræða vinnu við tengingu á öðrum 66/19 kV 10 MVA spenni sem settur er upp til að mæta aukinni aflþörf á svæðinu.   Straumleysið varðar allt dreifikerfi Rarik norðan Skarðsheiðar, þ.e. Borgarfjörð, Mýrarsýslu og Snæfellsnes og þar með talið allt þéttbýli á svæðinu s.s. Grundarfjarðarbæ. Rarik mun nýta þetta tækifæri til viðhaldsvinnu í dreifikerfinu eins og hægt er og á þann hátt að fækka straumleysistilvikum vegna nauðsynlegrar aðgerða í kerfinu, varavélar verða nýttar þar sem því verður við komið.

Kjörskrá vegna forsetakosninga þann 30. júní 2012 verður lögð fram þann 20. júní 2012. Kjörskráin mun liggja frammi til skoðunar á Bæjarskrifstofu Grundarfjarðar á opnunartíma skrifstofunnar.   Nánari upplýsingar um kosningarnar má finna á kosningavef innanríkisráðuneytisins.   Bæjarstjórinn í Grundarfirði  

Frá jólatónleikum 2011Undanfarin ár hefur verið unnið frábært starf í Tónlistarskóla Grundarfjarðar. Lúðrasveitirnar hafa verið efldar með frábærum árangri og þá hefur verið boðið upp á tónlistaráfanga í Fjölbrautaskólanum í samstarfi við tónlistarskólana á Snæfellsnesi.   Bæjarstjórn hefur samþykkt að efla enn frekar tónlistarskólann og bjóða upp á forskóla fyrir nemendur í 1. og 2. bekk grunnskólans. Fyrir nokkrum árum var boðð upp á forskóla og þá kennt á blokkflautu. Nú verða fleiri hljóðfæri kynnt fyrir nemendum og lögð áhersla á að glæða áhuga nemenda á frekara tónlistarnámi.  

Leikjanámskeið sumarsins eru fyrir börn fædd 2001-2006. Afsláttur er veittur vegna systkina á sama námskeiði þannig að 20% afsláttur er veittur vegna annars barns og frítt fyrir það þriðja.  

Íbúaþing er fyrirhugað laugardaginn 6. október nk. Takið daginn frá!  

Á bæjarstjórnarfundi þann 14. júní sl. var samþykkt samhljóða að ýtt yrði úr vör verkefni undir heitinu „Lifandi miðbær.“ Þar sem ekki er eftirspurn eftir miðbæjarlóðum í Grundarfirði um þessar mundir er lagt til að miðbæjarsvæði verði nýtt til að auka líf í miðbænum og gera hann meira aðlaðandi.   Byrjað verður á að skoða möguleika og vinna hugmyndavinnu. Meðal annars verður tekið til athugunar að koma fyrir hjólabrettarampi, gróðri og öðru sem bætir aðstöðu og auðgar mannlíf, allt árið um kring. Verkefnið verður til umræðu á íbúaþingi þann 6. október nk. og í framhaldi af því tekur bæjarstjórn ákvörðun um ferli og stýringu.   Framkvæmdir verða ekki óafturkræfar þannig að mögulegt verður að nýta þetta svæði fyrir verslun eða þjónustu ef aðstæður breytast.