Fréttir & tilkynningar

Grein bæjarstjóra í Bæjarblaðinu Jökli 31. maí sl. í tilefni af lokun útibús Landsbankans í Grundarfirði:   Stefnu Landsbankans er að finna í einkunnarorðunum „hlustum, lærum og þjónum“. Landsbankinn segist vera þjónustufyrirtæki með það meginmarkmið að þjóna viðskiptavinum. Gamla slagorðið „banki allra landsmanna“ finnst reyndar ekki lengur í stefnu hans. Það eru orð að sönnu.   Landsbankinn á sér langa og farsæla sögu í Grundarfirði allt frá því Samvinnubankinn opnaði útibú 1964 sem síðar varð útibú Landsbankans við sameiningu bankanna. Eftir 48 ára sögu ákveða yfirmenn bankans fyrirvaralaust að nú sé nóg komið, gróðinn er ekki nógu mikill og kostnaðarhlutfallið óhagstætt. Þetta eru þekktar forsendur sem okkur landsbyggðarfólki eru boðnar.  

Föstudagur 1 júní Kl17:30 Golfmót Guðmundar Runólfssonar skráning á golf.is Kl 20:00 Grundarfjörður- Kári á Grundarfjarðarvelli 3 deild karla  C-riðill   Laugardagur 2 júní Kl10:00 Krakkasprell á við hafnarskúrinn, reiptog, pokahlaup kókosbolluát, og stóra karið eins og í fyrra fullt af ísköldum sjó. Kl 13:00 Skemmtisigling um Grundarfjörð í boði útgerða, sjómenn grilla fyrir þreytta sæfara að lokinni siglingu. Grillið er í boði Samkaups Kl 14:00 Dagskrá á bryggjunni fyrirtæki bæjarins munu taka þátt í léttri keppni, keppt verður í flotgallasundi, kararóðri spottaklifri, bjórteygjan verður á sínum stað og svo verður bætt við greinum eftir þáttöku og þar mun hugvitsemi sjómannadagsráðs ráða ríkjum keppt verður um montbikarinn. Einnig verður keppt í koddaslag ef næg þáttaka fæst og er um einstaklingskeppni að ræða.  Það þarf 4 í lið og erum ÖLLUM heimil þáttaka og best væri ef lið myndu tilkynna þáttöku í liðakeppni og koddaslag  í síma 693-4749 hjá Jóni Frímanni, í síðasta lagi á föstudagskvöld. Kl 16:00 Knattspyrnuleikur Sjómenn  gegn Strandveiðimönnum á Grundarfjarðarvelli.   Sunnudagur 3 júní Kl 08:00 Fánar dregnir að hún Kl 14:00 Messa í Grundarfjarðakirkju,sr. Aðalsteinn Þorvaldsson messar, karlakórinn Kári syngur. Að messu lokinni verður stutt minningarathöfn um Krossnes slysið en í ár eru 20 ár síðan sá atburður gerðirst, Kl 15:00 Kaffsala á vegum kvenfélagsins Gleym mér ei  í samkomuhúsinu.   Vonumst til að sem flestir sjái sér fært að mæta og skemmta sér með okkur og gera þessa helgi sem skemmtilegasta. Sjómannadagsráð  

Tímatafla UMFG sumarið 2012 er komin inn á vefinn.   Hér er tímataflan    

Fyrsta moltan sem unnin er úr úrgangi frá brúnu tunnunum er komin á gámastöðina. Moltan er staðsett fyrir utan girðinguna.   Lengst af vetri áttum við ekki von á að motlan yrði nýtileg þar sem talsvert var um plast í henni. Moltan var hreinsuð og stendur nú öllum Grundfirðingum til boða endurgjaldslaust.   Molta er jarðvegsbætir og blanda þarf hana með jarðvegi, ekki setja hana óblandaða í garða og beð.

Á þriðjudögum í sumar verður golfkennsla í boði fyrir alla nemendur Grunnskólans í Grundarfirði. Einar Gunnarsson PGA golfkennari sér um æfingarnar sem henta bæði þeim sem hafa æft golf og einnig þeim sem vilja byrja í golfi. Fyrsti æfingadagurinn er þriðjudagurinn 12. júní. Kennt verður frá kl. 16:00 til 17:00 Æfingarnar eru þátttakendum að kostnaðarlausu Endilega drífið ykkur á golfæfingu krakkar! Kylfur og áhöld á staðnum fyrir þá sem ekki eiga slíkt.   Barnanámskeið fyrir börn 6 ára til 16 ára. Tvö vikunámskeið verða í boði í sumar, kennt mánudaga til föstudaga frá 18. júní til 22. júní og 16. júlí til 20.júlí. Kennt er frá kl. 13:00 til 15:00. Hámarksþátttökufjöldi er 12 þátttakendur. Verð: Stök vika 5.000 kr Báðar vikurnar 9.000 kr.   Allar nánari upplýsingar veitir Einar Gunnarsson PGA golfkennari í síma 894-2502.  

OPIÐ til 31. maí 2012:  Bókasafnið er opið milli kl. 15:00 - 18:00 mánudaga - fimmtudaga.   Breyttur sumartími. Undanfarin ár hefur bókasafnið verið opið yfir sumartímann alla fimmtudaga kl. 13-18. Í ár verður fyrirkomulag eftirfarandi: 

Forsetakosningar fara fram laugardaginn 30. júní nk. Viðmiðunardagur kjörskrár vegna forsetakosninganna er 9. júní. Tilkynningar um lögheimilisbreytingar þurfa að berast Þjóðskrá í síðasta lagi 8. júní.   Lögheimilisflutning er hægt að tilkynna til bæjarskrifstofunnar sem er opin virka daga kl. 10-14 en einnig er það hægt á vef Þjóðskrár.   Flutningstilkynning á vef Þjóðskrár.  

Vegna ákvörðunar Landsbanka Íslands hf. um að loka útibúi bankans í Grundarfirði samþykkir bæjarráð samhljóða svohljóðandi ályktun:   „Lokun Landsbankans er alvarlegt áfall fyrir viðskiptavini hans og samfélagið allt. Ákvörðunin er ekki tekin vegna rekstrar útibúsins hér, heldur vegna hagræðingaraðgerða í heildarstarfsemi bankans. Lögmál útrásartímanna lifa enn góðu lífi í bankaheiminum og lítið virðist hafa breyst. Í banka í eigu ríkisins, banka sem þykist hafa markað sér stefnu um samfélagslega ábyrgð, er krafan um arðsemi enn öllu æðri og ekki hikað við að kippa burt einni af grunnstoðum samfélaga. Bæjarráð lýsir mikilli vanþóknun með þessa ákvörðun Landsbanka Íslands.“  

Bæjarstjóri, forseti bæjarstjórnar og formaður bæjarráðs áttu fund í morgun með talsmönnum Landsbanka Íslands hf. vegna ákvörðunar bankans um að loka útibúinu í Grundarfirði.   Á fundinum var talsmönnum bankans gerð grein fyrir alvarleika þessarar ákvörðunar, bæði fyrir bankann og samfélagið.   Bæjarráð Grundarfjarðar mun funda um málið í dag og senda frá sér ályktun.    

    Krakkar úr 4. bekk grunnskólans tóku sig til ásamt   kennaranum sínu í morgun og löbbuðu um bæinn og týndu rusl. Þau komu svo við í þvottahúsinu hjá Bibbu og fengu þar hressingu.  Duglegir krakkar þarna á ferð.