Fréttir & tilkynningar

    Í rafhlöðum eru spilliefni sem eru hættuleg bæði heilsu okkar og náttúrunni komist þau í snertingu við umhverfið. Það er því mikilvægt að engar rafhlöður endi í heimilissorpinu heldur sé komið til úrvinnslu til viðurkenndra aðila sem hafa þekkingu til að farga eða eyða rafhlöðunum, og þar með lágmarka umhverfis- og heilsuspjöll af völdum rafhlaðna.

  Fimmtudagur 1. mars 2007 Borun gengur vel. Dýpi í morgun kl. 7:15 var 1133 m. Skoltap kl. 6 var 7,3 l/s.   Miðvikudagur 28. febrúar Borun hófst á ný kl. 5:30 í morgun í 992 m. Skoltap kl. 6 mældist 6,4 l/s. Borað er með mótor en ekkert MWD-tæki er í strengnum. Dýpi kl. 10 var 1024 m og skoltap 10 l/s. Hitamæling gærdagsins er birt í dagskýrslu en þar er einnig að finna niðurstöður gýrómælinga.   Þriðjudagskvöld 27. febrúar 2007 Upptekt og hitamælingu lokið. Hitamælingin birtist hér. Æðin í 465 m er mjög geinileg í mælingunni en litla æðin í 425 m sést ekki.  Sjá má æð í 768 m en hún er ekki eins afgerandi og 465 m æðin.  Mikil hallabreyting verður á ferlinum í 890 m og önnur minni í 950 m. Hiti í botni var 62°C.

Í dag er haldið skólamót tónlistarskólanna á Vesturlandi.  Þar koma saman nemendur frá tónlistarskólum á Akranesi, Borgarnesi, Ólafsvík, Grundarfirði, Stykkishólmi og Búðardal.  Mót tónlistarskólanna nefnist „TÓN-VEST“. Tónlistarskólarnir hafa haldið álíka mót árlega og þetta árið er það haldið í Stykkishólmi.  Um það bil 10-12 nemendur frá Tónlistarskóla Grundarfjarðar taka þátt í mótinu.  Tón-Vest lýkur með samspili allra þátttakenda í hótelinu í Stykkishólmi og verður sú hljómsveit skipuð yfir eitt hundrað einstaklingum.

Þriðjudagskvöld 27. febrúar 2007 Upptekt og hitamælingu lokið. Hitamælingin birtist hér. Æðin í 465 m er mjög geinileg í mælingunni en litla æðin í 425 m sést ekki.  Sjá má æð í 768 m en hún er ekki eins afgerandi og 465 m æðin.  Mikil hallabreyting verður á ferlinum í 890 m og önnur minni í 950 m. Hiti í botni var 62°C.   Þriðjudagur 27. febrúar kl. 11:30 Borun stöðvuð í 992 m til krónuskipta. Framundan er skolun í 1 klukkustund og síðan upptekt. Að upptekt lokinni verða settar niður stangir og holan loftdæld og hitamæld.  Skoltap 6,4 l/s í 992 m kl. 11:30.   Þriðjudagur 27. febrúar 2007 Dýpi kl. 8 var 972 metrar. Skoltap kl. 6 var 9 l/s. Hiti úr BS-1 mældist 77.7°C nú í morgun. Vatnsborð í SN-124 var á 30 m dýpi í gær kl. 18. 

Brynjar Kristmundsson Íþróttamaður Grundarfjarðar 2006 keppti fyrir hönd Íslands með landsliði karla U16 nú um síðastliðna helgi. Var leikurinn einn af fjórum æfingaleikjum sem voru spilaðir, en spilaðir voru 2 karla leiki og  2 kvenna leikir við úrvalslið frá Noregi. Skemmst er frá því að segja að leikurinn sem Brynjar spilaði endaði með sigri Íslands 3-1.  

Óhætt er að segja að fylgst sé náið með borun Orkuveitu Reykjavíkur að Berserkseyri.  Eftirfarandi skilaboð voru á vef ÍSOR um stöðu borunarinnar í dag:   Mánudagur 26. febrúar 2007 Dýpi klukkan 13 í dag var 871 m. Engar breytingar hafa orðið í skoltapi. Borun gengur vel.   Sunnudagur 24. febrúar 2007 Dýpi kl. 11 var 674 m. Skoltap var komið niður í 6 l/s en hafði aukist í 8 l/s kl. 6 í morgun. Dæling ef hafin úr BS-1. Aukið skoltap stafar líklega af þrýstiléttingar á kerfinu vegna dælingar úr BS-1 . Gýrómælingar í 638 m gáfu 20,7° halla í stefnu 13,7°.  

Fimmtudaginn 22. febrúar sl. var styrkjum Menningarráðs Vesturlands fyrir árið 2007 úthlutað við athöfn að Görðum á Akranesi.  Þeir sem hlutu stærstu styrkina voru viðstaddir athöfnina og veittu þeim viðtöku.  Einnig voru viðstaddir sveitarstjórnarmenn og þingmenn kjördæmisins.  Styrkir þessir eru lyftistöng fyrir menningarlíf á Vesturlandi.  Hér má sjá heildarlista yfir styrkina árið 2007:  

Borun á Berserkseyri virðist ganga mjög vel.   Klukkan sjö í morgun var búið að bora 275 metra og var hitastigið í holunni orðið 30°C sem vonandi veit á gott.   Hér má sjá nýjar myndir af borstaðnum.   

  Á öskudaginn var hér mikið fjör í bænum og voru ýmsar kynjaverur á sveimi um bæinn. Krakkar gengu á milli verslana, fyrirtækja og stofnana og sungu fyrir starfsfólk og að launum fengu krakkarnir eitthvað gott í pokann.   Myndir  

Nú er komið að því að skrá alla ketti í þéttbýli Grundarfjarðar.   Skv. samþykkt  um kattahald í Grundarfjarðarbæ nr. 368/2006 þarf að óska eftir leyfi til kattahalds á þar til gerðum eyðublöðum á bæjarskrifstofu Grundarfjarðar. Þar fær eigandi kattar afhenta númeraða plötu með skráningarnúmeri kattarins, sem alltaf skal vera í ól um háls dýrsins. Leyfisgjald skal greiða árlega til bæjarsjóðs eftir gjaldskrá sem bæjarstjórn setur. Gjaldið er nú kr. 2.500 pr. kött en ekki er heimilt að hafa fleiri en tvo ketti eldri en þriggja mánaða á sama heimili. Skilyrði fyrir kattahaldi í fjöleignahúsum, er að hlutaðeigandi íbúðareigendur samþykki það og skal leggja fram skriflegt samþykki þar um við skráningu kattarins. Leigutaki þarf jafnan að framvísa samþykki leigusala síns.