Fréttir & tilkynningar

Í tilefni að 30 ára afmæli Leikskólastarfs í Grundarfirði 4. janúar verður opið hús í Leikskólanum Sólvöllum fimmtudaginn 4. janúar frá 14:00 -16:30. Leikskólanemendur syngja fyrir gesti kl: 14:10 og aftur 15:45. Gestum er boðið upp á að skoða leikskólann og þiggja veitingar í starfsmannaálmu skólans. Verið velkomin Nemendur og starfsfólk Leikskólans Sólvalla

Athygli er vakin á að samkvæmt lögum um húsaleigubætur nr. 138/1997 skal endurnýja umsókn um húsaleigubætur árlega í upphafi árs og gildir umsóknin til ársloka. Umsækjendur um húsaleigubætur í Grundarfjarðarbæ eru minntir á að skila umsókn fyrir árið 2007 til Félags- og skólaþjónustu Snæfellinga, Klettsbúð 4, 360 Hellissandur, eða til bæjarskrifstofu Grundarfjarðar, fyrir 19. janúar nk. Húsaleigubætur eru greiddar eftir á fyrir hvern mánuð eins og lög um húsaleigubætur gera ráð fyrir.

Óhætt er að segja, að nýliðið ár hafi verið viðburðaríkt í Grundarfjarðarbæ.  Hér á eftir verður minnst á nokkur eftirminnileg atriði úr bæjarlífinu á liðnu ári.  Ekki ber að líta á þessi skrif sem tæmandi annál, frekar sem hugleiðingar um áramót.   Skipulagsmál: Framan af ári og reyndar árið allt var annríki hjá starfsfólki og kjörnum fulltrúum í Grundarfjarðarbæ vegna skipulagsmála og mótunar „Fjölskyldustefnunnar“.  

Flugeldasalan er opin í dag frá 13 til 21 og á gamlársdag frá 10-16. Salan er í björgunarsveitarhúsinu. Flottar bombur og gott verð.   Björgunarsveitin Klakkur

Bæjarskrifstofan verður lokuð,  þriðjudaginn  2. janúar 2007, vegna áramótatiltektar. Við óskum Grundfirðingum farsæls komandi árs.   Starfsfólk bæjarskrifstofu.

  Eðlilega hefur skapast mikil umræða í bænum um það hvernig tryggingar taka á málum sem upp koma í kjölfar ofsaveðurs eins og þess sem geisaði hér aðfararnótt og snemma morguns þ. 23. desember sl.  Hér á eftir verður minnst á nokkur atriði sem umræða hefur verið um:

Blakdeild UMFG heldur sitt árlega firmamót í íþróttahúsinu í dag, 28. desember, og hefst mótið kl. 17.30. Grundfirðingar eru hvattir til þess að mæta í stúkuna og taka þátt í fjörinu. Fimm lið eru skráð til leiks og er áætlað að mótið standi fram til kl. 22:00 í kvöld.  

Í byrjun desember tók nýr skrifstofustjóri, Indriði Indriðason, til starfa á bæjarskrifstofu Grundarfjarðar. Indriði er viðskiptafræðingur og tók við starfinu af Birni Steinari Pálmasyni sem sinnt hefur starfinu síðan 1. maí 2003. Í dag, 28. desember, hóf Andrés B. Guðnason, viðskiptafræðingur, störf sem aðalbókari/ritari á bæjarskrifstofunni. Hann tekur við af Helgu Hjálmrós Bjarnadóttur sem sinnt hefur starfinu síðan í maí 2004 og lætur af störfum þann 1. mars nk. Þeir Indriði og Andrés eru boðnir velkomnir til starfa hjá Grundarfjarðarbæ.

Sendum Grundfirðingum öllum, nær og fjær, hugheilar óskir um gleðileg jól með von um farsæld og gæfu á komandi ári 2007. Um leið eru færðar þakkir fyrir samstarf og viðskipti á árinu sem er að líða.   Bæjarstjórn og starfsfólk Grundarfjarðarbæjar.  

Milli  jóla og nýárs verður hefðbundinn opnunartími á gámastöinni, þ.e. virka daga kl. 16.30-18.00 og laugardaga kl. 10.00-12.00. Lokað er á jóladag, annan í jólum og á nýársdag.