Fréttir & tilkynningar

Laus eru til umsóknar sumarstörf í vinnuskóla, áhaldahúsi og sundlaug:   -          Áhaldahús. Umsækjendur þurfa að vera 18 ára eða eldri, hafa verkvit og áhuga til útiveru, vera reyklausir og sjálfstæðir í vinnubrögðum. Vinnutímabil er að jafnaði fá miðjum maí til loka ágúst.   -          Sundlaugarvarsla Umsækjendur þurfa að vera 18 ára eða eldri, standast hæfnispróf, vera reyklausir, hafa verkvit og getu til að vinna sjálfstætt. Vinnutímabil er frá miðjum maí til 19. ágúst.   -          Umsjón með vinnuskóla Um er að ræða 50% starf í tvo mánuði. Leitað er að einstaklingi 24 ára eða eldri sem hefur áhuga á að vinna með unglingum og færni til að stýra vinnuskólahóp. Viðkomandi þarf að vera góð fyrirmynd, reyklaus, skipulagður og sjálfstæður í vinnubrögðum og að hafa þekkingu á staðháttum.   Sótt er um á vef bæjarins http://grundarfjordur.is Umsóknarfrestur er til og með 23. apríl 2012. Áður innsendar umsóknir þarf ekki að endurnýja.   Nánari upplýsingar eru veittar í síma 430 8500.  

Spilavist eldri borgara verður í samkomuhúsinu miðvikudaginn 11. apríl klukkan 20:00. Allir hjartanlega velkomnir. Stjórn Félags eldir borgara í Grundarfriði. 

Eins og flestir Grundfirðingar vita er bærinn Paimpol á Bretaníuskaga í Frakklandi Frá stofnfundi Grundapolvinabær Grundarfjarðar.  Undanfarin 12 ár hefur verið unnið að ýmsum samstarfsverkefnum og heimsóknum milli Grundarfjarðarbæjar og Paimpol. Eftirminnileg er t.d. Skippers d‘Island siglingakeppnin sem kom við í Grundarfirði 2006 og heimsókn grunnskólabarna 2005. Síðast komu fulltrúar frá Paimpol í heimsókn 2010 þegar „Paimpol garðurinn“ (áður Steinatjörn) var vigður. Í vikunni komu nemendur og kennarar frá skipstjórnarskóla í Paimpol í heimsókn og skoðuðu þeir fiskvinnslufyrirtæki o.fl.   Vinabæjarfélag GRUNDA.POL í Frakklandi var stofnað fyrir nokkrum árum síðan. Undanfarið hefur undirbúningsnefnd, skipuð Eyþóri Björnssyni og Johönnu Van Schalkwyk, verið að vinna að stofnun sambærilegs félags í Grundarfirði. Nefndin hélt tvo fundi og var leitað eftir viðhorfum fólks til stofnunar sérstaks félags til að styðja við vinabæjasamskiptin. Óskað var eftir hugmyndum um markmið og leiðum í starfsemi slíks félags. 2. apríl 2012, kom svo loksins að því að stofnað var áhugamannafélag í Grundarfirði sem ber heitið: Grundapol á Íslandi - vinabæjarfélag Paimpol og Grundarfjarðarbæjar.

Síðasta karlakaffið á þessum vetri er í dag þriðjudaginn 3. apríl í verkalýðsfélagshúsinu Borgarbraut 2, klukkan 14:30-16:00.

Dagana 2.-5. apríl verða góðir gestir í heimsókn í Grundarfirði en það eru nemendur og kennarar úr sjómannaskóla í Paimpol, vinabæ okkar í Frakklandi.   Á þriðjudag og miðvikudag munu þeir skoða sig um í bænum og munu m.a. fræðast um starfsemi G.Run, Fisk Seafood og Soffaníasar Cecilssonar hf. Að auki munu þeir líta við í Sögumiðstöinni.   Vegna heimsóknarinnar verður franska fánanum flaggað í fánaborg við heilsugæsluna, gestum okkar til heiðurs.

Áhugamenn um Grundapol!   Loksins er komið að því að stofna Grundapol í Grundarfirði formlega!Stóri dagurinn er í dag 2. april, kl. 20.  Fundarstaður er í Sögumiðstöðinni. Dagskrá fundarins: 1. Samantekt frá undirbúningsnefnd2. Drög að samþykktum 3. Kosning stjórnar 4. Léttar veitingar   Ef þú hefur áhuga á að vera í stjórn eða varastjórn Grundapol, endilega láttu vita af þér. Gaman er að skoða vefsíðu systurfélagsins í Frakklandi – mest allt á frönsku, en samt gaman að skoða!   f.h. Undirbúningsnefndar Johanna og Eyþór  

Hið árlega páskabingó Félags eldri borgara verður haldið í Samkomuhúsinu klukkan 16:00 þann 31 mars n.k. Glæsilegir páskaeggjavinningar eins og öll síðustu ár.   Stjórn Félags eldri borgara í Grundarfirði.

Spilavist eldri borgara sem átti að vera í kvöld 28. mars er frestað af óviðráðanlegum ástæðum fram yfir páska. Stjórn Félags eldri borgara í Grundarfirði.  

Ljósm. Karl SmáriTökur eru nú hafnar á heimildamynd um flugslysið í Kolgrafafirði þegar bresk flugvél fórst þar á stríðsárunum. Myndin er byggð á rannsóknum og skrifum Karls Smára Hreinssonar. Umfjöllun Karls Smára birtist í 7. hefti ritanna „Fólkið, Fjöllin og Fjörðurinn. Upptökur hófsust hér á Snæfellsnesi um síðustu helgi. Það er kvikmyndagerðamaðurinn Hjálmtýr Heiðdal sem sér um gerð myndarinnar ásamt Karli Smára. Þeim til aðstoðar er Ingi Hans Jónsson hjá Sögumiðstöðinni.

Minnum á karlakaffið í Verkalýðsfélagshúsinu að Borgarbraut 2, frá klukkan 14:30 - 16:00 í dag þriðjudag.