Fréttir & tilkynningar

Fiskistofa hefur auglýst eftir umsóknum um byggðakvóta til fiskiskipa skv. ákvæðum reglugerðar nr. 1182/2011 um úthlutun byggðakvóta til fiskiskipa á fiskveiðiárinu 2011/2012.   Umsóknum skal skilað til Fiskistofu á eyðublaði sem er að finna hér.  Umsóknarfrestur er til og með 10. febrúar 2012.

Heimaleikur í Íþróttahúsinu Grundarfirði. Heimaleikur UMFG 3 fl. kvk. Fimmtudaginn 26.1 2012 kl: 20.00 (átta) UMFG– Stykkishólmur  

Snjómokstri verður hætt kl. 19 í kvöld vegna veðurs. Fram til kl. 19 verður reynt að halda helstu götum færum. Snjómokstur hefst ekki aftur fyrr en veður lægir.

  Lesum Eyrbyggju í febrúar og mars. Hittumst á bókasafninu fimmtudaginn 26. janúar  kl. 20 og ræðum saman um lesefnið og ákveðum tíma.  

Grundarfjarðarbær auglýsir tvær íbúðir bæjarins til leigu. Um er að ræða íbúð að Grundargötu 65 og Sæbóli 44. Íbúðin á Grundargötu er 88 ferm 4ra herbergja neðri hæð en íbúðin að Sæbóli er 89,5 ferm. þriggja herbergja parhús.   Nánari upplýsingar á bæjarskrifstofu í síma 430 8500.  

Sýningin er byggð á sögunni af Axlar-Birni og sækist eftir að nýta sér leikhúsformið til fulls til að segja sögu morðingjans. Áhorfendur taka virkann þátt í sýningunni sem er allt í senn blóðbað, sögustund með raðmorðingja og karíókíkvöld.   Í þessari sýningu er saga morðingjans sögð út frá hans sjónarhorni og lítur Björn og þessa kvöldstund í leikhúsinu sem sína eigin syndaaflaus. Góðir Hálsar fékk frábærar viðtökur í ágúst þegar hún var frumsýnd og fékk meðal annars 4 stjörnur hjá gagnrýnanda Fréttablaðins.  

Vikublaðið Jökull verður borinn í hús í dag. Vaskir skátar ætla að dreifa blaðinu þar sem póstþjónustan liggur niðri í dag og á morgun. 

Vegna óviðráðanlegra aðstæðna verður ekki borinn út póstur í Grundarfirði, fimmtudaginn 19. janúar og föstudaginn 20. janúar. Ef viðskiptavinir eru að bíða eftir áríðandi pósti þessa tvo daga er velkomið að koma í Landsbankann, samstarfsaðila póstsins í Grundarfirði og sækja þann póst. 

Eins og vonandi allir vita hafa sveitarfélögin á Snæfellsnesi státað af umhverfisvottun á starfsemi sinni frá árinu 2008. Til þess að viðhalda slíkri vottun er krafist vöktunar á auðlindanýtingu og ýmsum umhverfisþáttum auk stöðugra úrbóta í umhverfis- og samfélagsmálum.Árlega er starfsemin tekin út af óháðum aðila vegna endurnýjunar á vottun.  

Sú breyting verður á innheimtu fasteignagjalda í ár að vatnsgjald verður ekki innheimt með öðrum fasteignagjöldum eins og fram kemur í frétt hér að neðan.   Gjalddögum verður fjölgað úr 8 í 10, mánuðina febrúar til nóvember. Álagningarseðlar verða sendir til greiðenda í lok mánaðarins.