Fréttir & tilkynningar

Nemendur í 7.-10. bekk hlustuðu á Halldór Björnsson í skólanum í morgun. Þar lagði hann áherslu á hvað þarf til að ná árangri í lífinu.   Halldór Björnsson þjálfari U-17 landsliðs karla í knattspyrnu er staddur í Grundarfirði í dag. Í morgun ræddi hann við nemendur í 7.-10. bekk Grunnskóla Grundarfjarðar um hvað þarf til að ná árangri í íþróttum og lífinu almennt.   Í kvöld kl 20 verður Halldór með fyrirlestur í Sögumiðstöð þar sem hann fjallar um hvað þarf til að ná árangri í knattspyrnu, fyrirmyndir, undirbúning fyrir landsliðsæfingar og hæfileikamótun og fleira. Allir eru velkomnir á fyrirlesturinn og þá sérstaklega knattspyrnuiðkendur, foreldrar og þjálfarar.  

   Ferðaþjónustuaðilar með vetraropnun eru sérstaklega boðnir velkomnir á þennan fund þar sem farið verður yfir málefni vetrarferðaþjónustu á Snæfellsnesi. Öll fyrirtæki sem skráð eru á Snæfellsnesi, eru með gilt starfsleyfi í viðkomandi grein og bjóða upp á þjónustu fyrir ferðamenn á lágönn, geta verið með í því kynningarefni sem búið verður til. Lágönn telst til tímabilsins frá 1. október til 1. maí. Verkefnið er þátttakendum að kostnaðarlausu.  

    Það var vel mætt til árlegrar þrettándabrennu Grundarfjarðarbæjar í Hrafnkelsstaðabotni í Kolgrafarfirði og þar voru jólin kvödd með glæsibrag. Grundfirðingar láta ekki smá vindhviður á sig fá og mættu kappklæddir og galvaskir til þessarar fínu brennu.

      Heilbrigð sál í hraustum líkama!   Hreystivika verður haldin í Grundarfirði vikuna 11.-17. janúar, þriðja árið í röð. Tilgangur hreystivikunnar er að vekja athygli á og efla almennt heilbrigði og hreysti bæjarbúa, jafnt líkamlegt sem andlegt. Á baksíðu Jökuls er dagskrá vikunnar sem er samsett með það í huga að sem flestir finni eitthvað við sitt hæfi.    

Augnlæknir Guðrún Guðmundsdóttir augnlæknir verður með móttöku á HVE Grundarfirði fimmtudaginn 28. janúar n.k. tekið er á móti tímapöntunum á Heilsugæslustöð Grundarfjarðar, sími 432 1350.    

Frá áramótum mun kostnaður við flutning og dreifingu á raforku til hitunar íbúðarhúsnæðis hjá þeim sem búa á svæðum þar sem ekki er hitaveita lækka verulega og verða niðurgreiddur að fullu frá og með 1. apríl 2016. Þetta er í samræmi við breytingu á lögum um niðurgreiðslur húshitunarkostnaðar sem iðnaðar- og viðskiptaráðherra beitti sér fyrir og samþykkt var á Alþingi sl. vor.     Frá 1. janúar munu niðurgreiðslur á kostnaði við flutning og dreifingu raforku nema um 90% - og frá og með 1. apríl munu niðurgreiðslurnar greiða að fullu fyrir dreifingu raforku sem notuð er til húshitunar. Með þessu er stigið stórt skref til jöfnunar húshitunarkostnaðar um land allt hjá notendum sem ekki eiga kost á hitun húsnæðis með jarðvarma.    Spennandi verður að sjá hversu mikil breytingin verður á reikningum heimilanna. Hér er væntanlega um að ræða fyrsta skrefið í því að jafnahúshitunarkostnað á svokölluðum köldum svæðum.   Þetta kemur fram á vef Atvinnuvega- og Nýsköpunarráðuneytisins.    

    Miðvikudaginn 6. janúar kveðja Grundfirðingar jólin með þrettándabrennu í Hrafnkelsstaðabotni í Kolgrafarfirði. Kveikt verður í brennunni klukkan 18 að viðstöddum álfum og öðrum vættum.   Flugeldasýning verður við brennuna í boði björgunarsveitarinnar Klakks og Hótel Framnes býður upp á heitt kakó í samstarfi við Foreldrafélag Grunnskólans.   Mætum öll og kveðjum jólin saman!    

 

Bókasafnið í Sögumiðstöðinni er opið um hátíðarnar sem hér segir: Þorláksmessa til kl. 21:00 Aðfangadagur  - Lokað Mánudagur 28. - miðvikudagur 31. des. opið kl. 14:00-18:00 Gamlársdagur - Lokað Opnað á nýju ári 4. janúar:         Mánudagar-fimmtudagar kl. 14:00-18:00   Myndasýning í Bæringsstofu - Jólaþorpið í Þórðarbúð - Afþreying Kaffi, te og svalandi vatn með klaka. Hægt er að flétta körfur og búa til músastiga, lita og hekla snjókorn.  

  Opnunartími bæjarskrifstofu yfir jól og áramót:   24. desember – lokað 25. desember – lokað 28. desember – opið kl 10-14 29. desember – opið kl 10-14 30. desember – opið kl 10-14 31. desember – lokað 1. janúar - lokað