Fréttir & tilkynningar

Í tilefni af stefnumóti Svæðisgarðsins í síðustu viku verður erlent safnefni uppi við næstu vikur og kynning veitt á þjónustu millisafnalána fyrir fólk með erlend móðurmál. Interlibrary loan service of mother languages in Iceland. Velkomin.  

  Kvikmyndahátíðin Northern Wave International Film Festival er á lista yfir þau tíu verkefni sem eiga möguleika á að hljóta Eyrarrósina árið 2016 fyrir framúrskarandi menningarverkefni á landsbyggðinni. Það er til mikils að vinna því handhafi Eyrarrósarinnar fær, auk nafnbótarinnar, 1.650.000 krónur auk flugferða frá Flugfélagi Íslands.

Laust er til leigu raðhús með bílskúr að Ölkelduvegi 1 í Grundarfirði. Húsið er í eigu Íbúðalánasjóðs, en framleigist af Grundarfjarðarbæ. Húsnæðið leigist í því ástandi sem það er.   Umsóknum skal skila inn á skrifstofu Grundarfjarðarbæjar eða á netfangið: grundarfjordur@grundarfjordur.is, eigi síðar en föstudaginn 12. febrúar nk.  

Dýralæknir verður í áhaldahúsinu fimmtudaginn 11. febrúar næstkomandi frá kl.13-17. Öllum hundaeigendum er skylt að mæta með hunda sína.  

Bréf til foreldra/forráðamanna.   

Kynning á þjónustu og viðburðum í bókasafninu í Sögumiðstöðinni. Fræðsluganga um bókasafnið, saga Grundarfjarðar rúllar í Bæringsstofu.Sérstök áhersla á erlend millisafnalán frá bókasöfnum á Íslandi. Svæðisgarðurinn kynnir samvinnuverkefni. Vöfflur og hressing.

   Bæjarstjórn Grundarfjarðar hefur ákveðið að bæjarfulltrúar verði með viðtalstíma annan hvern mánuð 3. miðvikudag mánaðarins.   Fyrsti viðtalstími bæjarfulltrúa verður miðvikudaginn 20. janúar nk. klukkan 17-18 í Ráðhúsi Grundarfjarðar.   Íbúar Grundarfjarðar eru hvattir til þess að nýta tækifærið og ræða við bæjarfulltrúa.   Bæjarstjóri  

    Símenntunarmiðstöðin á Vesturlandi býður upp á áhugavert námskeið fyrir heimafólk á Snæfellsnesi í átthagafræði, staðháttum, útivist, ferðamennsku, gestamóttöku, upplýsingaöflun og miðlun.   Námið fer að mestu fram í fjarnámi en þrjár námslotur verða að auki, á mismunandi stöðum á Snæfellsnesi.  

 

    Bæjarstjórn Grundarfjarðarbæjar horfir til framtíðar og fylgir svæðisskipulagi eftir með því að marka nánari stefnu í aðalskipulagi sínu um umhverfi fólks og fyrirtækja.   Grundarfjarðarbær hefur samið við ráðgjafarfyrirtækið Alta um endurskoðun aðalskipulags bæjarins. Skrifað var undir samning þar að lútandi föstudaginn 8. janúar sl., með hefðbundnum fyrirvara um samþykki bæjarstjórnar.