Fréttir & tilkynningar

Grunnskóli Grundarfjarðar hefst miðvikudaginn 22. ágúst. Nemendur  2.-10. bekkjar mæta til umsjónarkennara kl. 10.00 en umsjónarkennari 1. bekkjar verður í sambandi við foreldra og boðar þá í viðtal ásamt barni þennan dag. Kennsla hefst skv. stundaskrá fimmtudaginn 23. ágúst.    Heilsdagsskólinn   Heilsdagsskólinn hefst fimmtudaginn 23. ágúst.  Skráning í heilsdagsskólann fer fram hjá ritara í síma 4308550 milli kl. 08.00 og 14.00.  Gjald fyrir hverja stund er kr. 240 og gjald fyrir síðdegishressingu er kr. 135.     Boðið verður upp á heitar skólamáltíðir frá og með 1. september.  Fram að þeim tíma er æskilegt að nemendur sem eru í skólanum eftir hádegi hafi með sér nesti.   Skólastjóri  

Nýnemar (nemendur sem útskrifuðust úr 10. bekk grunnskóla nú í vor): Nýnemar mæta á sérstakan kynningardag – nýnemadag – föstudaginn 17. ágúst kl. 10:00. Þar verður farið yfir helstu þætti skólastarfsins. Þeir nemendur sem eiga fartölvur eru beðnir um að koma með þær. Gert er ráð fyrir að dagskrá nýnemadags ljúki um kl. 14:00.   Rútur á nýnemadag frá Stykkishólmi (íþróttamiðstöð) kl. 09:30, frá Hellissandi (N1) kl. 09:30, frá Rifi kl. 09:33, frá Ólafsvík kl. 09:40. frá Bíldudal 9:30 og Tálknafirði 9:40. Heimferð frá FSN kl. 14:00   Stundatöfluafhending/birting verður 17. ágúst kl. 11:00 – 12:30.   Skólasetning og fyrsti kennsludagur á haustönn 2012 er miðvikudagurinn 22. ágúst kl. 8:30. Að lokinni skólasetningu hefst kennsla samkvæmt stundatöflu.   Töflubreytingar verða 23.-29. ágúst.   Enn eru nokkur pláss laus fyrir nemendur sem vilja stunda nám við Fjölbrautaskóla Snæfellinga.   

Ljósmyndasamkeppni Grundarfjarðar 2012 er enn í fullum gangi.   Þema samkeppninnar í ár er Fólkið í bænum. Myndirnar verða að vera teknar innan sveitarfélagsmarka og á tímabilinu apríl til september. Samkeppnin stendur til 30. september 2012 og má hver þátttakandi senda inn að hámarki fimm myndir. Sjá nánar í fyrri auglýsingu hér.   Verðlaun verða veitt fyrir þrjár bestu myndirnar. Fyrstu verðlaun eru 50.000 kr., önnur verðlaun 30.000 kr. og þriðju verðlaun 20.000 kr. Tilgangur keppninnar er að Grundarfjarðarbær komi sér upp góðu safni mynda úr sveitarfélaginu til að nota við kynningarstarf og annað sem viðkemur starfsemi bæjarins.   Myndir valdar af þátttakendum verða sýndar á ljósmyndasýningu sem haldin verður á Rökkurdögum í október 2012.  

Hjól hefur verið í óskilum hjá Áhaldahúsi Grundarfjarðar síðan á bæjarhátíðarhelginni "Á Góðri Stund". Eigandi hjólsins getur vitjað þess hjá starfsmönnum Áhaldahússins í síma 692 - 4343.  

Sumartími. Ágúst   2. ágúst Lokað 9. ágúst Opið kl. 13-18 16. ágúst Opið kl. 13-18 20. ágúst Vetraropnun hefst  Fyrirspurnir  má senda á bokasafn @ grundarfjordur.is.

Nýlega bættist nýtt skip við flota Grundfirðinga en það er Þórsnes II sem kemur frá Stykkishólmi. Þórsnes II er 233 bt og er smíðað á Akureyri 1975 og yfirbyggt 1988.   Það er Sægarpur sem kaupir skipið og er ætlunin að auka kuðungaveiði fyrirtækisins.      

Bæjarhátíð okkar Grundfirðinga, Á góðri stund, sem haldin var um helgina, tókst einstaklega vel. Áætða hefur verið að um 4.000 hafi verið á hátíðinni. Hátíðarfélagi Grundarfjarðar, öðrum skipuleggjendum, styrktaraðilum, bæjarbúum og öllum öðrum þátttakendum er þakkað fyrir þeirra framlag til að gera hátíðina eins glæsilega og raunin varð.   Bæjarstjóri  

Hundaeigendur eru vinsamlegast beðnir að virða það að bannað er að vera með hunda á almennum samkomuim í Grundarfirði, svo sem á bæjarhátíðinni um helgina.   Þess fyrir utan eiga allir hundar að sjálfsögðu að vera í taumi hvort sem um er að ræða á opnum svæðum, reiðstígum eða göngustígum. Sjá nánar 15. gr. samþykktar um hundahald.   Samþykkt um hundahald

Gengið hefur verið frá ráðningu Aðalsteins Jósepssonar í starf forstöðumanns íþróttamannvirkja og mun hann hefja störf innan tíðar.   Um er að ræða nýtt starf sem felur í sér yfirumsjón með öllum íþróttamannvirkjum bæjarins. Hingað til hefur umsjón með íþróttavöllum verið á hendi fleiri aðila sem hefur ekki reynst gott fyrirkomulag. Nú mun öll yfirumsjón með íþróttahúsi, sundlaug og íþróttavöllum vera hjá Aðalsteini.   Aðalsteinn er með stúdentspróf af íþróttabraut, hefur staðið í rekstri og starfað sem þjálfari.  

Bókasafnið  verður opið fimmtudaginn 26. júlí kl. 13-18 eða eitt til sex.   Kaffi á könnunni. Sögustóllinn fyrir þá sem vilja segja börnunum sögur. Vinaleg barnadeild. Verið velkomin