Fréttir & tilkynningar

Þrír skátar úr skátafélaginu Erninum í Grundarfirði tóku við Forsetamerki Íslands úr hendi Hr. Ólafs Ragnars Grímssonar forseta Íslands á Bessastöðum þann 29. september síðastliðin. Það voru þau Anna Júnía Kjartansdóttir, Jón Þór Magnússon og Sonja Sigurðardóttir.   Sjá nánar hér.  

Fyrsti fundur vetrarins  verður í dag þriðjudaginn 2. oktober kl.17.00 í verkalýðsfélags húsinu. Fundurinn er eins og undanfarandi ár ætlaður þeim sem hafa greinst með krabbamein. Verum dugleg að mæta og styrkjum hvort annað í baráttunni.  

Hafin er vinna við gerð fjárhagsáætlunar Grundarfjarðarbæjar fyrir árið 2013. Auglýst er eftir styrkumsóknum frá einstaklingum og/eða félagasamtökum.   Þeir sem hafa hug á að senda inn styrkumsókn fyrir árið 2013 eru hvattir til að senda tölvupóst á netfangið: grundarfjordur@grundarfjordur.is  eigi síðar en mánudaginn 15. október 2012.   Skrifstofustjóri   

Leikskólinn Sólvellir  auglýsir eftir starfsmanni við þrif í leikskólanum.  Um er að ræða 75% stöðu, vinnutími 10:15 – 16:15.   Hæfniskröfur: Reynsla af samskiptum við börn æskileg, færni í mannlegum samskiptum, frumkvæði í starfi, jákvæðni, sveigjanleiki og áhugasemi, sjálfstæð og skipulögð vinnubrögð og góð íslenskukunnátta. Starfið hentar jafnt konum og körlum.   Ráðning er frá 8. október 2012.   Launakjör eru samkvæmt kjarasamningi Sambands íslenskra sveitarfélaga og Starfsmannafélags Dala- og Snæfellsness (SDS).   Við ráðningu skal liggja fyrir sakavottorð eða heimild leikskólastjóra til að afla upplýsinga úr sakaskrá.   Nánari upplýsingar um starfið veitir Matthildur Guðmundsdóttir í síma 438 6645 eða með því að senda fyrirspurnir á leikskoli@grundarfjordur.is. Umsóknir berist til leikskólastjóra á eyðublöðum sem hægt er að nálgast í leikskólanum eða á heimasíðu Grundarfjarðarbæjar.  

Grundarfjarðarbær auglýsir eftir jákvæðum og samskiptahæfum leiðbeinanda í félagsmiðstöð. Vinnutími er 1-2 kvöld í viku, auk ferða.   Launakjör eru samkvæmt kjarasamningi Sambands íslenskra sveitarfélaga og Starfsmannafélags Dala- og Snæfellsness (SDS).   Umsóknarfrestur er til föstudagsins 5. október 2012. Sótt er um á vefsíðu bæjarins, http://www.grundarfjordur.is/default.asp?Sid_Id=29005&tId=11   Nánari upplýsingar veitir Ragnheiður D. Benidiktsdóttir, forstöðumaður félagsmiðstöðvar í síma 690 6559.   Grundarfjarðarbær  

Fimmtudaginn 27. september er bókasafnið lokað vegna Landsfundar Upplýsingar, Félags bókasafns- og upplýsingafræða. Sjá venjulega opnunartíma.

Foreldrafélag Leikskólans Sólvalla boðar til aðalfundar Í DAG  þriðjudaginn 25.september kl. 20:00  í húsnæði leikskólans.   Dagskrá fundar: 1.     Skýrsla um starfsemi félagsins 2.    Lögð fram breytingatillaga á lögum foreldrafélagsins 3.    Ársreikningur 4.    Kosning nýrrar stjórnar 5.    Önnur mál  

  Skólastarfið hefur farið vel af stað hjá okkur, nemendur og kennarar brosandi út að eyrum. Í vetur eru 100 nemendur skráðir í skólann í 1. – 10. bekk.  Á yngsta stigi, 1. – 4. bekk eru 45 nemendur,  26 drengir og 19 stúlkur,  á miðstigi,  5. – 7. bekk eru 28 nemendur, 7 drengir og 21 stúlka,  á elsta stigi eru  28 nemendur, 10 drengir og 17 stúlkur.   Tveir nýir kennarar hafa bæst í starfsmannahópinn en það eru þau Helga Guðrún Guðjónsdóttir aðstoðarskólastjóri og umsjónarkennari í 6. og 7. bekk  og Jóhannes Guðbjörnsson íþróttakennari og umsjónarkennari í 6. og 7. bekk.  Bjóðum við þau hjartanlega velkomin til starfa í skólanum okkar.

Minnum á að lokaskiladagur ljósmynda í ljósmyndasamkeppni Grundarfjarðar 2012 er 30. september.   Sjá nánar fyrirkomulag og reglur keppninnar.  

Félags-og skólaþjónustan auglýsir.   Liðveisla Okkur vantar starfsfólk í félagslega liðveislu ungs fólks með fötlun í Grundarfirði, Snæfellsbæ og Stykkishólmi. Vinnutími virka daga, tímasetning skv. samkomulagi.   Skammtímavistun á Gufuskálum Okkur vantar karlmann í vaktavinnu í Skammtímavistun fatlaðra ungmenna á Gufuskálum í Snæfellsbæ. Vinnutími  önnur hver helgi tímabilið september - maí   ·        Lágmarksaldur starfsmanna  er 18 ára ·        Umsækjendur skulu hafa hreint sakavottorð ·        Laun skv. kjarasamningi sveitarfélganna og SDS     Umsóknir berist til Svanhvítar Sjafnar Skjaldardóttur, ráðgjafa FSS Klettsbúð 4, 360  Snæfellsbæ eða netfangið svanhvit@fssf.is.             Forstöðumaður