Fréttir & tilkynningar

 Bæring Cecilsson var Grundfirðingum vel kunnugur á síðustu öld enda lét hann sig sjaldan vanta með myndavélarnar sínar þegar eitthvað var um að vera í bænum. Eftir Bæring liggja tugir þúsunda ljósmynda sem Grundarfjarðarbæ voru afhentar til varðveislu í maí 2003, rúmu ári eftir andlát Bærings og var við það sama tækifæri opnuð Bæringsstofa í Sögumiðstöðinni til minningar um hann. Bæringsstofa er safn með munum og myndum úr eigu Bærings auk þess að vera bíó- og fyrirlestrarsalur.  Í dag klukkan 18:00 verður ljósmyndasafnið www.baeringsstofa.is opnað með formlegum hætti í Bæringsstofu og eru allir velkomnir þangað við þetta tækifæri. Í kjölfar opnunarinnar verður unnt að skoða um 1.500 myndir úr safni Bærings á vefnum og munu fleiri myndir bætast við á næstu misserum.  

Hafin er vinna við gerð fjárhagsáætlunar Grundarfjarðarbæjar fyrir árið 2017.   Auglýst er eftir styrkumsóknum frá einstaklingum og/eða félagasamtökum.   Þeir sem hafa hug á að senda inn styrkumsókn fyrir árið 2017 sendi beiðni þess efnis á netfangið grundarfjordur@grundarfjordur.is Í umsókn skal koma fram fjárhæð þess styrks sem óskað er eftir ásamt stuttri greinargerð.   Umsóknarfrestur er til og með laugardagsins 15. október 2016.     

  Menningarhátíðin Rökkurdagar er nú haldin í fimmtánda sinn í Grundarfirði og stendur að þessu sinni yfir dagana 12.- 22. október. Hátíðin hefst á þeim ánægjulega viðburði að ljósmyndavefurinn www. baeringsstofa.is verður opnaður með viðhöfn í Bæringsstofu og er þar með langþráður draumur bæjarbúa að verða að veruleika.

Tilkynning:   Vegna vinnu í aðveitustöð Grundarfirði gætu orðið rafmagnstruflanir í stutta stund á tímabilinu kl: 10.00 til 16.00 í dag. Rarik biðst velvirðingar á óþægindum sem af þessu stafa. Bilanasími 5289390  

Bókasafn Grundarfjarðar í Sögumiðstöðinni verður opið í vetur kl. 13-17. Ath. breyttan tíma.   Nýjar bækur eru að tínast inn og verða birtar myndir á facebooksíðunni jafnóðum.         Líkið við Facebook síðuna og hafið vefsíðuna í bókmerki.   Tímaritin

Norðurljósaspá gerir ráð fyrir líflegum norðurljósadansi í kvöld. Virkni þeirra var mikil í gærkvöldi og spár benda til þess að hún verði ekki minni í kvöld.   Til þess að norðurljósin sjáist enn betur verður slökkt á götuljósum í bænum í kvöld. Vonandi verða veðurguðirnir hagstæðir þannig að unnt verði að fylgjast með ljósadýrð himinhvolfanna.   Góða skemmtun!  

    Hafin er vinna við gerð fjárhagsáætlunar Grundarfjarðarbæjar fyrir árið 2017.   Auglýst er eftir styrkumsóknum frá einstaklingum og/eða félagasamtökum.   Þeir sem hafa hug á að senda inn styrkumsókn fyrir árið 2017 sendi beiðni þess efnis á netfangið: grundarfjordur@grundarfjordur.is. Í umsókn skal koma fram fjárhæð þess styrks sem óskað er eftir ásamt stuttri greinargerð.   Umsóknarfrestur er til og með laugardagsins 15. október 2016.     

Bókasafn Grundarfjarðar er opið í september kl. 9-17 og í vetur frá 3. október er opið kl. 13:00-17:00 mánudaga til fimmtudaga. Bókasafnið er aðgengilegt meðan Kaffi Emil er opið. Hér má sjá myndir sem sýna aðkomu og aðstöðu bókasafnsins í Sögumiðstöðinni. Myndasýningar eru alltaf í Bæringsstofu og barnadeild framan við Þórðarbúð. Verið velkomin.

    Nánari upplýsingar og skráning á kynningarfundinn er á vef Ferðamálastofu.  

    Næstkomandi laugardag, 17. september verður réttað í fyrsta sinn í nýrri rétt í Kolgrafafirði. Réttin er í landi Hrafnkelsstaða og nefnist Hrafnkelsstaðarétt. Vígsluathöfn hefst klukkan 16 og í beinu framhaldi af vígslunni hefjast réttirnar. Hrafnkelsstaðarétt var smíðuð af sjálboðaliðum úr Búnaðarfélagi Eyrarsveitar og starfsmönnum Grundarfjarðarbæjar. Smíðin gekk hratt og vel fyrir sig enda harðduglegt fólk þarna á ferð.