Fréttir & tilkynningar

    Þórdís Sigurðardóttir, bókasafns- og upplýsingafræðingur Grunnskóla Grundarfjarðar, hefur veitt nemendum útklippta Pokemon mynd í verðlaun fyrir hverja bók sem þeir ljúka við að lesa. Hún tók upp á þessu í tengslum við Bókasafnsdaginn 8. september síðastliðinn og síðan hefur bóklestur nemenda aukist verulega við skólann.  

Eins og fram hefur komið mun Greiðslustofa húsaleigubóta sjá um umsýslu húsaleigubóta frá næstu áramótum skv. nýjum lögum um húsaleigubætur sem þá taka gildi.   Markmið laga um húsnæðisbætur er að lækka húsnæðiskostnað efnaminni leigjenda með greiðslu húsnæðisbóta vegna leigu á íbúðarhúsnæði og draga úr aðstöðumun á húsnæðismarkaðnum.   Sjá nánar tilkynningu á vef velferðarráðuneytisins.   Sjá nánari upplýsingar á upplýsinga- og umsóknarvef Greiðslustofu húsaleigubóta.  

    Sigurður Heiðar Valgeirsson, nemandi í 9. bekk við Grunnskóla Grundarfjarðar, var meðal verðlaunahafa í netratleik í tengslum við hinn árlega forvarnardag sem forsetaembættið hefur staðið fyrir undanfarin ár. Netratleikurinn var ætlaður ungu fólki sem fætt er á árunum 1999-2002. Sigurði Heiðari er óskað hjartanlega til hamingju með verðlaunin.

    Það var Salbjörg Nóadóttir sem kom, sá og sigraði í Ljósmyndasamkeppni Grundarfjarðarbæjar þetta árið en hún hlaut bæði fyrstu og önnur verðlaun í keppninni. Sigríður Diljá Guðmundsdóttir hafnaði í þriðja sæti.      

    Íþróttamaður ársins var heiðraður á aðventudegi kvenfélagsins í samkomuhúsinu í gær, fyrsta sunnudag í aðventu. Hlutskarpastur í kjörinu varð knattspyrnumaðurinn Þorsteinn Már Ragnarsson sem lék vel með Víking Ólafsvík á síðustu leiktíð og var einnig fyrirliði liðsins.  

Þann 1. janúar 2017 munu ný lög um húsnæðisbætur taka gildi og mun þá Greiðslustofa húsnæðisbóta taka við því hlutverki að greiða húsnæðisbætur fyrir landið allt.Þjónustuskrifstofa þeirra er staðsett á Sauðárkróki og tók formlega til starfa 16. nóvember sl. og opnað var fyrir umsóknir þann 21. nóv. sl.   Við hvetjum leigjendur til þess að skila sem fyrst inn gögnum til Greiðslustofu svo færslan verði sem farsælust.   Sveitarfélögin munu greiða út húsaleigubætur vegna nóvember- og desembermánaðar og síðan tekur Greiðslustofa húsnæðisbóta við.   Frekari upplýsingar og reiknivél má finna á heimasíðu Greiðslustofu, www.husbot.is   Einnig veitir fulltrúi Félags- og skólaþjónustu Snæfellinga upplýsingar og ráðgjöf.   Berghildur Pálmadóttir.  

Fyrir 1. desember þurfa allir að vera með lögheimili sitt rétt skráð á þeim stað sem þeir hafa fasta búsetu.   Það er mikilvægt svo öll réttindi sem fylgja lögheimili séu tryggð.   Þeir sem eiga eftir að breyta lögheimili sínu eru hvattir til að ljúka því sem allra fyrst og í síðasta lagi fyrir næstu mánaðarmót.  

Munum eftir íbúafundinum í Samkomuhúsinu í dag kl 17:15! Íbúar Grundarfjarðarbæjar eru hvattir til að mæta á þennan fund svo að sjónarmið sem allra flestra komi fram við vinnu aðalskipulags bæjarins.    

Guðrún Guðmundsdóttir augnlæknir verður með móttöku á HVE Grundarfirði fimmtudaginn 8. desember n.k.   Þórir Bergmundsson háls,- nef og eyrnalæknir verður með móttöku á Heilsugæslunni Grundarfirði föstudaginn 9. desember n.k.  

Íbúafundur um aðalskipulag Grundarfjarðarbæjar. Mánudaginn 21. nóvember kl.17.15 í samkomuhúsinu.   Sjá nánar hér.