Fréttir & tilkynningar

Íbúð fyrir eldri borgara að Hrannarstíg 18 er laus til umsóknar. Um er að ræða leiguíbúð með búseturétti og 20% hlutareign. Íbúðin er þriggja herbergja, 70,2 ferm.   Umsóknarfrestur er til 20. nóvember 2016.   Reglur vegna úthlutunar íbúða fyrir eldri borgara   Umsóknareyðublað    

  Mánudaginn 14. nóvember 2016 hefst Norræna bókasafnavikan í 20. skipti.  Lesum sama bókmenntatexta á sama tíma á öllum Norðurlöndunum. Upplesturinn hefst  kl. 17:00 í Sögumiðstöðinni, kl. fimm.  Athugið breyttan tíma frá fyrri árum. Sjá meira á síðu bókasafnsins.         Lesið á sama tíma fyrir börn og fullorðna.Myndasýning. Takið daginn frá ;-)

Mánudaginn 21. nóvember nk. (seinnipart dags) verður haldinn opinn íbúafundur í tengslum við endurskoðun aðalskipulags Grundarfjarðarbæjar. Á fundinum verður kynnt grunnvinna sem farið hefur fram og leitað til íbúa sveitarfélagsins um ýmis mikilvæg atriði sem snerta daglegt líf og framtíðaruppbyggingu. Fundurinn verður auglýstur og kynntur betur fljótlega, en íbúar eru hvattir til að taka tímann frá fyrir skemmtilegan fund!   Grundarfjarðarbær  

Vegna starfsmannadags er bæjarskrifstofan lokuð frá kl. 12:00 föstudaginn 4. nóvember 2016.    

  Færst hefur í vöxt að ferðamenn stöðvi bíla sína við brúna yfir Kolgrafafjörð (og jafnvel á henni), til að njóta fegurðar og náttúru fjarðarins. Bæjarstjórn Grundarfjarðar ákvað því, í samvinnu við landeigendur, að skipuleggja og hanna fallegan áningarstað við brúna þar sem heimamenn og gestir geta notið lífríkis og landslags. Markmiðið er að auka umferðaröryggi og bæta aðstöðu til áningar.    

    Minnt er á að skilafrestur á myndum í Ljósmyndasamkeppni Grundarfjarðar er til 10. nóvember. Hægt verður að skila inn myndum í keppnina til miðnættis fimmtudaginn 10. nóvember nk. og er þemað "líf og leikur".  Til mikils er að vinna því eigandi bestu myndarinnar fær að launum kr 50.000, 30.000 kr eru fyrir annað sæti og 20.000 kr fyrir það þriðja.  

199. fundur bæjarstjórnar Grundarfjarðar verður haldinn í Ráðhúsi Grundarfjarðar, 27. október 2016, kl.16:30.  

Á facebook bókasafnsins er hægt að sjá tilraun til að kynna íbúum hvað er í hillum safnsins. Það þarf ekki að vera notandi til að skoða myndasafnið.   Ársskýrsla bókasafnsins 2015 er komin út.    Breyttur tími opnunar bókasafnsins er kl. 13-17. Bókasafnið er einnig aðgengilegt þegar Sögumiðstöðin er opin almenningi og á Gegnir.is.    

Kjörfundur vegna alþingiskosninga í Grundarfirði verður í Samkomuhúsi Grundarfjarðar laugardaginn 29. október 2016.   Kjörfundur stendur yfir frá kl. 09:00 til kl. 22:00.   Hægt er að greiða atkvæði í Grundarfirði utan kjörfundar mánudaginn 24. október og miðvikudaginn 26. október 2016, kl. 17:00-19:00 á skrifstofu sýslumanns að Hrannarstíg 2, Grundarfirði.   Kjósendur þurfa að framvísa persónuskilríkjum.  

Kjörskrá vegna alþingiskosninga þann 29. október 2016 verður lögð fram 19. okt. 2016. Kjörskráin mun liggja frammi til skoðunar í Ráðhúsi Grundarfjarðar á opnunartíma skrifstofunnar, kl. 10:00-14:00.   Nánari upplýsingar um kosningarnar má finna á kosningavef innanríkisráðuneytisins.