Fréttir & tilkynningar

Dagskrá helgarinnar er fjölbreytt og skemmtileg og alir ættu að finna eitthvað við sitt hæfi.  Góða skemmtun.   Til hamingju með daginn sjómenn.   Föstudag: Kl.17:30 Golfmót G.Run skráning á golf.is eða á staðnum. Keppt verður með Texas Greensome fyrirkomulagi vanur/óvanur. Sjá einnig upplýsingar á golf.is Kl.23:30 Ball í samkomuhúsinu hljómsveitin Í Svörtum Fötum leikur fyrir dansi.    

    Það er orðinn fastur liður að fulltrúar frá sjómannadagsráði mæti í Leikskólann Sólvelli og hiti upp fyrir helgina.  Í morgun í góðu  veðri mættu Gummi og Steinar.   

Skessuhorn 4. júní 2010: Sjómannadagurinn verður haldinn hátíðlegur í Grundarfirði um helgina sem og annarsstaðar í sjávarplássum. Það eru nokkrir ungir Grundfirðingar sem sjá um dagskrána að þessu sinni, þar á meðal Jón Frímann Eiríksson sem Skessuhorn ræddi við. Hann segir að dagskráin hefjist á föstudeginum með hinu árlega golfmóti G.Run. Á laugardeginum verða farnar skemmtisiglingar í boði útgerða og síðan hefst hátíðardagskrá á bryggjunni kl. 13.30. Þar verður keppni milli áhafna, vinnustaða og saumaklúbba en keppt verður í brautinni frægu, bætningu og pokahnút. Seinni part dags, eða klukkan 16, verður knattspyrnuleikur á Grundarfjarðarvelli, en þar eigast við Grundarfjörður og KB. Þetta er jafnframt fyrsti heimaleikur hins nýskipaða Grundarfjarðarliðs. 

Siggi Hösk og hljómsveit  heldur tónleika í Ólafsvíkurkirkju n.k. föstudagskvöld, 4. júní og hefjast þeir kl. 20.30. Efnisskrá tónleikanna inniheldur ný lög úr smiðju Sigga.  Textar allra laganna eru eftir Braga heitinn Jónsson, fyrrum bónda að Hoftúnum í Staðarsveit.  Bragi, sem notaði gjarnan skáldaheitin „Refur bóndi“, gaf út nokkrar ljóðabækur um ævina enda hagyrðingur góður.

Af mbl.is, 3. júní 2010.   Í dag fer fram þjóðar- og markaðsátak fyrir innlenda ferðaþjónustu. Stefnt er að því að virkja íslenskan almenning til að vekja athygli erlendra ferðamanna á landi og þjóð. Átakið nefnist Þjóðin býður heim og er framkvæmt til að sporna við þeim skaða sem eldgos og öskuský hafa valdið ferðamannaþjónustu landsins.   Á vef Ferðamálastofu má sjá ýtarlega umfjöllun um átakið og þar er einnig hægt að nálgast myndband sem gert hefur verið við lag Emilíönu Torrini sem fólk er hvatt til að dreifa sem víðast til að vekja athygli á landi og þjóð.   Vefsíða Ferðamálastofu www.inspiredbyiceland.com  

Búið er að setja inn tímatöflu UMFG fyrir sumarið 2010. Töfluna má skoða undir flipanum "íþróttir" og einnig hér. 

L-listi Samstöðu fékk meirihluta í sveitarstjórnarkosningunum í gær.  L-listinn fékk 294 atkvæði og fjóra menn kjörna.  D-listi sjálfstæðismanna og óháðra fékk 235 atkvæði og þrjá menn kjörna.  Ný bæjarstjórn tekur við þ. 13. júní n.k.   Eftirtaldir fulltrúar L og D lista skipa nýju bæjarstjórnina:   L - Sigurborg Kr. HannesdóttirL - Gísli ÓlafssonL - Ásthildur Erlingsdóttir L - Eyþór Garðarsson D - Þórður MagnússonD - Rósa GuðmundsdóttirD - Þórey Jónsdóttir

    Í gær var útskriftarhátið elstu nemendanna í Leikskólanum Sólvöllum. Þetta eru Arnar Breki, Bjargey, Gabríel Ómar, Íris Birta, Leó, Margrét Helga, Ólafur Birgir og Sóldís Hind.  Nemendur sungu og lesin voru nokkur gullkorn.  Þá settu nemendur upp útskriftarhatta sem þau höfðu málað og fengu Ferlimöppurnar sínar afhentar. Fulltúar frá Bæjarstjórn og Foreldrafélaginu afhentu nemendum rósir. Síðan var farið í skrúðgöngu í Kaffi 59 í flatbökuveislu.  Eitt gullkorn: Við matarborðið voru börnin að ræða helsta gagn og nauðsynjar.  Ein stelpan segir allt í einu ,,það er hægt að prenta peninga".  ,,Já", sagði þá einn strákurinn ,,maður fer bara á peningar.is". Hér má sjá fleiri myndir frá hátíðinni.

Kjörfundur vegna sveitarstjórnarkosninga verður haldinn laugardaginn 29. maí n.k. Kjörstaður er í Samkomuhúsi Grundarfjarðar. Kjörfundur stendur frá kl. 10:00 til kl. 22:00. Athygli er vakin á því að kjósendur geta þurft að gera kjörstjórn grein fyrir sér með því að framvísa persónuskilríkjum með mynd. Talning atkvæða fer fram fyrir opnum dyrum í Samkomuhúsinu og hefst um það bil klukkustund eftir að kjörfundi lýkur.    Grundarfirði, 25. maí 2010 f.h. kjörstjórnar Grundarfjarðarbæjar Mjöll Guðjónsdóttir, formaður  

Sameiginlegur framboðsfundur framboða D og L lista til bæjarstjórnar verður í kvöld í samkomuhúsi Grundarfjarðar. Hefst fundurinn kl. 20:00 og mun hann standa til 21:30 .