Fréttir & tilkynningar

Síðastliðinn mánudag kom Ingó, sem  keppti í Idolkeppninni og hefur verið kenndur við hljómsveitina Veðurguðina, í heimsókn í boði foreldrafélags skólans.  Hann heimsótti alla bekkina, spjallaði við þau og söng og spilaði á gítarinn.  Hann vakti almenna hrifningu nemenda sem voru mjög spenntir yfir komu hans. 

Á þessum fyrirlestri er lögð áhersla á detox (afeitrunar) mataræði og heilsusamlega lifnaðarhætti dags daglega. Kenndar ýmsar aðferðir sem auðvelt er fyrir hvern og einn að tileinka sér og setja inn í sína daglegu rútínu sem stuðlar að því að viðhalda daglegu líkamlegu heilbrigði.  

27. febrúar 2010. Kjörskrá vegna þjóðaratkvæðagreiðslu sem fram á að fara þ. 6. mars 2010, verður lögð fram skv. ákv. 26. gr. laga nr. 24/2000 með síðari breytingum þ. 27. febrúar 2010. Sjá nánar hér.  

Til stendur að bjóða upp á hjá Visku, smábátanámskeið sem gefur réttindi á 12 metra skip/báta. Það mun verða kennt í gegnum fjarbúnað fyrir þá sem þurfa. Hér má sjá auglýsingu. 

Northern Wave hvetur Grundfirðinga til að skrá sig í fiskisúpukeppni hátíðarinnar sem að fer fram laugardaginn 6. mars næstkomandi klukkan 20.00 á fiskmarkaði Grundarfjarðar. 

Í myndbandi sem finna má á www.youtube.com, er upplýst að nú safni „Grundfirska mafían“ liði.  Sannleikurinn í málinu er sá að Félag atvinnulífsins í Grundarfirði, vinnur að endurskipulagningu félagsins til að stuðla að gerjun, hugmyndaauðgi, samstarfi og samstöðu meðal atvinnurekenda í Grundarfirði.  Markmiðið er að nýta þau tækifæri sem gefast á breyttum tímum.  Yfirskrift verkefnisins er „Þeir fiska sem róa“ og það er styrkt af Vaxtarsamningi Vesturlands. 

Skessuhorn 22. febrúar 2010: Svipmynd af fundinum. Ljósm. SL.Um hundrað Vestlendingar mættu á þjóðfund sem haldinn var í Borgarnesi á laugardaginn. Fundurinn var liður í fundaröð sem forsætisráðuneytið stendur fyrir og fjallar um Sóknaráætlun 20/20 en í því felst að draga fram styrkleika og sóknarfæri þjóðarinnar og gera tillögur og áætlanir á grunni þeirra. Hrefna B. Jónsdóttir framkvæmdastjóri SSV sá um boðun á fundinn. Hún segir mikla vinnu hafa legið á bak við boðunina, en viðtökur þeirra sem valdir voru með handahófskenndu úrtaki úr þjóðskrá voru fremur dræmar. “Við sendum út 300 bréf samkvæmt úrtaki úr þjóðskrá og það skiluðu sér aðeins 30 af þeim. Við fórum því í að hringja út til að ná því takmarki okkar að fá 80-90 þátttakendur, en grunnurinn var hópur sem var handvalinn auk um 10 starfsmanna ráðuneyta.”

Góðverkadagar verða haldnir um land allt dagana 22. til 26. febrúar. Fjöldi fyrirtækja, framhaldsskóla, grunnskóla og leikskóla mun taka þátt í Góðverkadögunum í ár. Markmið Góðverkadaga er að hvetja landsmenn til athafna og umhugsunar um að láta gott af sér leiða, sýna náungakærleik, vináttu, hjálpa öðrum og gera góðverk. Allir krakkar í skátastarfi kirkjunnar í Grundarfirði munu taka þátt í þessu átaki næstu viku. Hér má sjá heimasíðu Góðverkadaga.

Skessuhorn 19. febrúar 2010: Félagsheimilið Klif í Ólafsvík var fullt út úr dyrum í gærkveldi, þar sem haldinn var baráttufundur um sjávarútvegsmál. Um 300 manns mættu á fundinn sem öll sveitarfélög og hagsmunaaðilar atvinnulífsins á Snæfellsnesi stóðu að þá voru um 200 sem fylgdust með fundinum í beinni útsendingu í gegnum vef Snæfellsbæjar. Það var Fiskmarkaður Íslands í Snæfellsbæ sem hafði forgöngu um fundinn og þegar fólk mætti í Klif beið þess hlaðið veisluborð sem kvenfélagskonur í Ólafsvík höfðu útbúið í boði Fiskmarkaðarins. Hafði það áreiðanlega góð áhrif á fundarfólk að geta gengið að pönsum og kaffi milli framsöguerinda. Fyrirkomulag fundarins var þannig að sex ræðumenn töluðu um málefni greinarinnar og komu þeir hver úr sínum geira sjávarútvegsins. Varpaði það ljósi frá öllum hliðum á þessi brýnu hagsmunamál íbúa við sjávarsíðuna. 

Blak 22.02.2010 klukkan 19.30 styðjum við bakið á strákunum okkar og mætum á leikinn. Sjá auglýsingu hér.