Fréttir & tilkynningar

  Grundarfjarðarbær auglýsir eftir starfskrafti í tvö hlutastörf, annars vegar baðvörð í kvennaklefa og hins vegar baðvörð í karlaklefa Íþróttahúss Grundarfjarðar.    Baðverðir hafa umsjón með baðvörslu í kvenna- og karlaklefum íþróttahúss ásamt þrifum.   Vinnutími er frá kl. 16:00 mánudaga til fimmtudaga, frá 2½ til 4 klst. á dag. Starfshlutfall er um 35%.   Nánari upplýsingar veitir Aðalsteinn Jósepsson, forstöðumaður íþróttamannvirkja í síma 430 8564 eða á netfangi steini@grundarfjordur.is   Launakjör eru samkvæmt kjarasamningi Sambands íslenskra sveitarfélaga og Starfsmannafélags Dala- og Snæfellsness (SDS).   Umsóknarfrestur er til 20. ágúst 2013. Ráðið er í störfin frá 2. september 2013. Umsóknareyðublöð er að finna á vefsíðu Grundarfjarðarbæjar, www.grundarfjordur.is   Sækja um starf í íþróttahúsi  

Gönguferð á vegum Ferðafélags Snæfellsness. Gengið að Hrafnafossi að Svartahnjúk, þar sem enn má finna leifar af flaki herflugvélar sem fórst þarna árið 1941.    

Undanfarin ár hafa grunnskólanemendurnir okkar verið svo heppnir að fyrirtæki og stofnanir hér í bæ, hafa boðið þeim upp á ávexti á morgnana.

Gönguferð upp með Ytri-Búðá og upp Langahrygg undir Þröskuldadali. Göngufólk mun hittast við Sögumiðstöðina í Grundarfirði 6.ágúst kl. 19:30. Sjá Facebooksíðu Ferðafélags Snæfellsness.     

Grunnskóli Grundarfjarðar hefst miðvikudaginn 21. ágúst.  Nemendur mæta í skólann kl. 10.00 og fá afhenta stundaskrá og gögn.  Nánari upplýsingar varðandi stofuskipan og umsjónarkennara verða sendar til foreldra í næstu viku gegnum Mentor. Kennsla hefst skv. stundaskrá fimmtudaginn  22. ágúst.   Skólastjóri  

Bæjarhátíðin „Á góðri stund“ fór fram um liðna helgi, dagana 25.–28. júlí. Að loknum hverfaskreytingum á fimmtudegi bauð Samkaup bæjarbúum og bestum til grillveislu í hátíðartjaldi. Að loknu grilli steig Sólmundur Hólm á svið og fór með uppistand. KK og Maggi Eiríks fylgdu svo í kjölfarið. Það má samt segja að stjörnur kvöldsins hafi verið þær Gréta Sigurðardóttir og Kristbjörg Ásta Viðarsdóttir. Þær sungu nokkur lög og spiluðu á gítar við mikla hrifningu áhorfenda.    

   

    Börn og fullorðnir skemmtu sér vel á Kirkjutúninu í dag.

 

  Lúxusskemmtiferðaskipið Le Soleal lagðist að Grundarfjarðarhöfn í morgun. Skipið fór síma jómfrúarferð í júní fyrr á þessu ári og er því alveg nýtt. Um borð eru um það bil 200 farþegar.