Fréttir & tilkynningar

Á síðasta fundi menningar- og tómstundanefndar var ákveðið að halda forvarnardag og er markmiðið að gera forvarnardaginn að árlegum viðburði. Þann 9. september næstkomandi ætlum við að halda daginn í fyrsta sinn.   Lögreglan fræðir nemendur í leik- og grunnskóla um umferðaröryggi Vís gefur nemendum endurskinsmerki  Emil Einarsson, sálfræðingur Félags- og skólaþjónustu Snæfellinga, ræðir við nemendur Fjölbrautaskóla Snæfellinga um einkenni kvíða og depurðar Emil Einarsson flytur fræðsluerindi um kvíða. Erindið hefst kl 20.00 í Bæringsstofu. Það er Kvenfélagið Gleym mér ei sem býður bæjarbúum upp á erindið Við vonum að sem flestir bæjarbúar njóti þeirrar fræðslu sem í boði verður á þessum fyrsta forvarnardegi okkar.    

1. september síðastliðinn tók gildi nýr útivistartími fyrir börn og unglinga eftir lengri útivistartíma í sumar.   Börn, 12 ára og yngri, mega ekki vera á almannafæri eftir kl. 20:00 nema í fylgd með fullorðnum.   Börn, 13 til 16 ára, skulu að sama skapi ekki vera á almannafæri eftir kl. 22:00, enda séu þau ekki á heimferð frá viðurkenndri skóla-, íþrótta- eða æskulýðssamkomu.   Aldurstakmörkin miðast við fæðingarár.   Mikilvægt er að foreldrar og forráðamenn  sýni samstöðu og  gæti þess að börn þeirra virði útivistartímann.  

Vinna við verkefnið „Föt sem framlag“ ungbarnapakkana 0 – 12 mánaða, til Hvíta- Rússlands heldur áfram fimmtudaginn 05.09.2013. kl 13:00, í salnum við bókasafnið á Borgarbraut.   Allir velkomnir að kíkja til okkar eða leggja hönd á plóg við þetta verkefni.      Okkur vantar sérstaklega efni í teppi, (gamla náttsloppa, stórar fleece peysur) eða annað sem breyta má, falleg sængurver og handklæði. Einnig eru vel þeginn öll föt á ungbörn, samfellur, peysur, húfur, buxur, þykka sokka.   Munið eftir verkefni Rauðakrossins „Föt sem framlag“  þegar hafist verður handa við vorhreingerningarnar, koma má með efnin/fötin á fimmtudaginn eða á Markaðinn til Steinunnar sem mun veita þeim viðtöku.    

Aðalfundur Dvalarheimilisins Fellaskjóls vegna ársins 2012 verður haldinn að Fellaskjóli 10. september nk. og hefst kl.20.30. í kaffistofu heimilisins.   Dagskrá: Venjuleg aðalfundastörf. Aðildarfélög eru hvött til að senda fulltrúa á fundinn, allir velkomnir.   Grundarfirði 2.sept. 2013 Stjórnin.    

Foreldrafundur verður haldinn í Fjölbrautaskóla Snæfellinga þriðjudaginn 3. september kl. 20:00 – 21:30. Fundurinn er haldinn í húsnæði Fjölbrautaskólans og verður sendur í fjarfundi til framhaldssdeildar á Patreksfirði.  

Grundarfjarðarbær efnir á ný til ljósmyndasamkeppni árið 2013. Þetta er í fjórða sinn sem bærinn blæs til ljósmyndasamkeppni og hefur þótt takast vel til. Á þennan hátt hefur bærinn fengið nýjar myndir til birtingar og þátttakendur sínar myndir birtar. 

Að frumkvæði fulltrúa Grundarfjarðarbæjar í stjórn Samtaka sveitarfélaga á Vesturlandi samþykkti stjórnin svohljóðandi bókun um heilbrigðismál á síðasta fundi sínum: "Stjórn SSV gagnrýnir viðvarandi niðurskurð á fjárveitingum til Heilbrigðisstofnunar Vesturlands og skorar á nýja ríkisstjórn og heilbrigðisráðherra að standa vörð um heilbrigðisþjónustu á landsbyggðinni , með sérstaka áherslu á heilsugæsluna."

Verð á skólamat lækkar um mánaðamótin úr 410 kr. í 324 kr. Lækkunin nemur 21%. Verð á skólamat í Grundarfirði er nú eitt það lægsta á landinu.   Jafnhliða verðlækkun mun fyrirkomulag á innheimtu skólamálsverða breytast. Nú verður einungis hægt að skrá nemendur í fullt fæði og innheimt fast mánaðargjald mánuðina september - maí, 4.900 kr.  

    Það var góð stemming í Sögumiðstöðinni í gær þegar tónleikagestir nutu magnaðra jazztóna quartets Arnar Inga Unnsteinssonar.  

Leikskólinn Sólvellir auglýsir eftir starfskrafti til að sinna aðstoð í eldhúsi. Vinnutími er kl. 8:00 - 14:00.   Nánari upplýsingar veitir Matthildur S. Guðmundsdóttir í síma: 438-6645 eða á netfangi matthildur@gfb.is   Launakjör eru samkvæmt kjarasamningi Sambands íslenskra sveitarfélaga og Starfsmannafélags Dala - og Snæfellsness (SDS).   Umsóknarfrestur er til 29. ágúst nk.   Sækja um starf í eldhúsi