Fréttir & tilkynningar

Sprautað verður í hádeginu kl. 12–13. í þessari viku, 23. – 27.sept. 2013 Tímapantanir á heilsugæslustöðinni í síma 432 1350    

Íslenska Gámafélagið auglýsir eftir hressum krökkum til að aðstoða við að taka rusl á þriðjudögum eftir skóla. Upplýsingar gefur Ólafur Ingi í síma 840-5727.  

Hér má sjá frétt sem birtist í Fréttablaðinu og á Vísir um vinabæjarheimókn frá Paimpol.   Alda Hlín Menningarfulltrúi   Smellið á myndina til að lesa fréttina.      

Umhverfis- og auðlindaráðherra hefur falið Umhverfisstofnun að gera viðbragðsáætlun vegna hugsanlegs síldardauða í Kolgrafafirði. Síðasta vetur drápust um 52 þúsund tonn af síld í firðinum. Viðbragðsáætlunin snýst um að takmarka það tjón sem hlýst ef sagan frá því í fyrra endurtekur sig.   Sjá umfjöllun á vef RÚV. Hlusta á umfjöllun í Speglinum.

Þessa dagana er unnið að breytingum á heimasíðu sveitarfélagsins. Útilitið mun verða það sama að mestu en aðgangur að upplýsingum um starfsemi og þjónustu Grundarfjarðarbæjar á að verða betri. Við biðjum notendur síðunnar að sýna okkur þolinmæði á meðan unnið er að lagfæringum.

Bæjarstjóri Paimpol, Jean-Yves de Chaisemartin,  heimsótti Grundarfjörð í tilefni 10 ára afmælis vinasambandsins og sinfóníutónleikanna sem halndir voru hér síðastliðinn sunnudag. Í för með honum voru starfsmenn bæjarksrifstofu Paimpol ásamt Anne Smith sem er opinber listamaður franska sjóhersins. Gestirnir höfðu í nógu að snúast og á dagskránni var meðal annars heimsókn í Eldfjallasafnið þar sem Haraldur eldjfallafræðingur hitti gestina og svaraði ótal spurningum, þá var farið og bragðað á hákarli á Bjarnarhöfn ásamt ógleymanlegri hringferð um Snæfellsnesið.  

Eins og íbúar hafa kannski tekið eftir þá hefur Hrannarstígur nú fengið franskt undirheiti og ber nú einnig nafnið Rue de Paimpol. Þetta er gert sem virðingarvottur við vinabæ okkar í Paimpol en þess má geta að þar er gata sem ber undirheitið Rue des Islandais Grundarfjörður.  

Fransk- íslenska vinahljómsveitin (FIFO) hélt sína allra fyrstu tónleika sunnudaginn 15. september í Fjölbrautaskóla Snæfellinga. Tónleikarnir tókust með eindæmum vel og það var ekki að sjá að þessir hljófæraleikarar hefðu fyrst komið saman tveimur dögum áður. Stórkostlegir tónar runnu frá hljómsveitinni. Á efnisskrá voru fjölbreytt verk, meðal annars eftir Þorkel Sigurbjörnsson og Albert Roussel. Fjöldi fólks kom og naut þessa viðburðar og var tónleikagestum boðið í léttar veitingar að tónleikum loknum. Grundarfjarðarbær vill koma á fram þakklæti til allra sem lögðu hönd á plóg og gerðu þennan einstaka menningarviðburð að veruleika. 

Félags- og skólaþjónusta Snæfellinga auglýsir eftir starfsfólki í tímabundna heimaþjónustu í Grundarfirði. Um er að ræða afleysingar til og með 1. nóvember n.k. þegar nýtt fyrirkomulag þjónustunnar tekur gildi.   Liðveisla ungmenna Einnig auglýsum við eftir umsóknum um starf í liðveislu fatlaðra ungmenna í Grundarfirði. Afar hentugt með skóla eða sem aukavinna.  

Dagana 14.-16. september fáum við í heimsókn gesti frá vinabæ okkar Paimpol í Frakklandi. Í för er m.a. bæjarstjórinn Jean-Yves de Chaisemartin. Það er okkur mikil ánægja að taka á móti þessum góðu gestum en tilgangur heimsóknarinnar að efla enn frekar tengsl Grundarfjarðar og Paimpol.