Fréttir & tilkynningar

  Bókasafnsdagurinn 2013   Lestur er bestur - spjaldanna á milli   Bókasafn.is, nýr vefur bókasafna á Íslandi hefur verið opnaður.  

Eftirfarandi grein bitist í Jökli í dag:   Í síðasta tölublaði Jökuls var grein eftir bæjarstjórann í Snæfellsbæ þar sem hann bar saman gjaldskrár leikskóla á Snæfellsnesi. Þar var tekið ímyndað dæmi um kostnað foreldra við leikskóla í fjögur ár, fjóra tíma á dag. Gallinn við þessa framsetningu er sá að afar fáir nýta þjónustuna á þennan hátt, um 3% leikskólabarna að meðaltali á Vesturlandi. Samanburðurinn er því marklaus í allt að 97% tilvika.  

Félag eldri borgara í Grundarfjarðarbæ hefur starfsemi sína eftir sumarfrí með opnu húsi í Samkomuhúsinu, sunnudaginn 8. september, kl. 15:00. Spjall og kaffi. Borgarfjarðarferðin 13. september kynnt. Nýir meðlimir velkomnir. Stjórnin 

Menningar- og tómstundanefnd Grundarfjarðarbæjar hefur ákveðið að veita viðurkenninguna Helgrindur í ár. Viðurkenningin hefur verið veitt til þeirra sem þótt hafa skara fram úr í ástundun og/eða störfum að menningarmálum í Grundarfirði.  Viðurkenningin verður veitt á Rökkurdögum sem haldnir verða dagana 7. - 14. nóvember.  

Hljómsveitin var stofnuð í kjölfar heimsóknar Hr. Ólafs Ragnars Grímsonar til Frakklands fyrr á þessu ári. Forsetinn er verndari hljómsveitarinnar.   Tilgangur FIFO er að kynna franska og íslenska tónlist ásamt því að beina sjónum að fransk-íslenskum tengslum sem lýsa sér meðal annars í vinabæjarsambandi Grunarfjarðar og Paimpol. Þá er það einnig tilgangur hljómsveitarinnar að varpa ljósi á mikilsverða sögulega atburði sem tengja ríkin saman.   Hljómsveitin mun flytja þrjú verk og hefjast tónleikarnir klukkan 18.00 í sal Framhaldsskóla Snæfellinga. Við hvetjum Grundfirðinga til að mæta og njóta þessa einstaka listviðburðar. Enginn aðgangseyrir.

Á síðasta fundi menningar- og tómstundanefndar var ákveðið að halda forvarnardag og er markmiðið að gera forvarnardaginn að árlegum viðburði. Þann 9. september næstkomandi ætlum við að halda daginn í fyrsta sinn.   Lögreglan fræðir nemendur í leik- og grunnskóla um umferðaröryggi Vís gefur nemendum endurskinsmerki  Emil Einarsson, sálfræðingur Félags- og skólaþjónustu Snæfellinga, ræðir við nemendur Fjölbrautaskóla Snæfellinga um einkenni kvíða og depurðar Emil Einarsson flytur fræðsluerindi um kvíða. Erindið hefst kl 20.00 í Bæringsstofu. Það er Kvenfélagið Gleym mér ei sem býður bæjarbúum upp á erindið Við vonum að sem flestir bæjarbúar njóti þeirrar fræðslu sem í boði verður á þessum fyrsta forvarnardegi okkar.    

1. september síðastliðinn tók gildi nýr útivistartími fyrir börn og unglinga eftir lengri útivistartíma í sumar.   Börn, 12 ára og yngri, mega ekki vera á almannafæri eftir kl. 20:00 nema í fylgd með fullorðnum.   Börn, 13 til 16 ára, skulu að sama skapi ekki vera á almannafæri eftir kl. 22:00, enda séu þau ekki á heimferð frá viðurkenndri skóla-, íþrótta- eða æskulýðssamkomu.   Aldurstakmörkin miðast við fæðingarár.   Mikilvægt er að foreldrar og forráðamenn  sýni samstöðu og  gæti þess að börn þeirra virði útivistartímann.  

Vinna við verkefnið „Föt sem framlag“ ungbarnapakkana 0 – 12 mánaða, til Hvíta- Rússlands heldur áfram fimmtudaginn 05.09.2013. kl 13:00, í salnum við bókasafnið á Borgarbraut.   Allir velkomnir að kíkja til okkar eða leggja hönd á plóg við þetta verkefni.      Okkur vantar sérstaklega efni í teppi, (gamla náttsloppa, stórar fleece peysur) eða annað sem breyta má, falleg sængurver og handklæði. Einnig eru vel þeginn öll föt á ungbörn, samfellur, peysur, húfur, buxur, þykka sokka.   Munið eftir verkefni Rauðakrossins „Föt sem framlag“  þegar hafist verður handa við vorhreingerningarnar, koma má með efnin/fötin á fimmtudaginn eða á Markaðinn til Steinunnar sem mun veita þeim viðtöku.    

Aðalfundur Dvalarheimilisins Fellaskjóls vegna ársins 2012 verður haldinn að Fellaskjóli 10. september nk. og hefst kl.20.30. í kaffistofu heimilisins.   Dagskrá: Venjuleg aðalfundastörf. Aðildarfélög eru hvött til að senda fulltrúa á fundinn, allir velkomnir.   Grundarfirði 2.sept. 2013 Stjórnin.    

Foreldrafundur verður haldinn í Fjölbrautaskóla Snæfellinga þriðjudaginn 3. september kl. 20:00 – 21:30. Fundurinn er haldinn í húsnæði Fjölbrautaskólans og verður sendur í fjarfundi til framhaldssdeildar á Patreksfirði.