Fréttir & tilkynningar

Bæjarskrifstofan hefur undanfarnar vikur tekið við tilkynningum um skemmdir sem urðu í ofsaveðrinu á Þorláksmessu.  Ljóst er að víða hefur orðið talsverð eyðilegging og í öllum tilfellum eru óþægindi og fyrirhöfn í nokkrum mæli.  Rúðubrot eru áberandi bæði á bílum og í húsum.  Þó nokkur tilfelli eru um skemmdir á lakki bíla og sömuleiðis á veggjum og þökum húsa.  Tjón hafa verið tilkynnt við eftirtaldar götur í Grundarfirði:  Borgarbraut, Eyrar-veg, Fagurhól, Fagurhólstún, Fellasneið, Grundargötu, Hrannarstíg, Nesveg, Smiðjustíg, Sólvelli, Sæból og Ölkelduveg.  Þetta liggur fyrir samkvæmt þeim tilkynningum sem borist hafa og ljóst að nyrðri og vestari hlutar bæjarins hafa orðið fyrir allnokkru tjóni.  Í dreifbýlinu er vitað um skemmdir á bæjunum Kverná og Nausti I.  Þeir sem lentu í þessum skakkaföllum, hafa leitað til

Á fundi bæjarráðs Grundarfjarðar þ. 25. janúar sl. var samþykkt að halda áfram undirbúningsferli að bygginu íþróttamiðstöðvar í bænum.  Samþykkt var að kalla til ráðgjafar "rýnihóp" sem ætlað er að laða fram sem flest sjónarmið um það hvernig starfsemi og fyrirkomulag verður í íþróttamiðstöðinni.  Gert er ráð fyrir að í rýnihópnum verði m.a. fulltrúar eftirtalinna aðila; leik- og grunnskóla, fjölbrautaskóla, eldri borgara, ungmennafélagsins, almennings, ferðaþjónustunnar, fræðslu- og menningarmálanefndar, íþrótta- og tómstundanefndar, bæjarstjórnar og bæjarstjóri.  Gert er ráð fyrir að Hrönn Pétursdóttir, sem var verkefnisstjóri við mótun og uppbyggingu fjölbrautaskólans, muni vinna með rýnihópnum að verkefninu.

Ánægjulegur áfangi hefur náðst í starfsemi Grundarfjarðarhafnar.  Frá og með 1. janúar 2007 er höfnin skilgreind sem tollhöfn.  Fyrir 2 - 3 árum var farið að sækja um það til fjármálaráðherra að höfnin öðlaðist þennan sess.  Málið tafðist nokkuð á meðan reglugerð um vörslu og tollmeðferð vöru var í endurskoðun, en nú er niðurstaða fengin.  Þetta mun gagnast útflutningsfyrirtækjum í Grundarfirði og einnig efla stöðu hafnarinnar sem inn- og útflutningshafnar.  Verið er að kanna til hlýtar þessa dagana á hvern hátt starfsemi hafnarinnar verður sem best aðlöguð að þessari nýju stöðu.  Hafnarstjórninni og hafnarverðinum er óskað til hamingju með þennan áfanga.

 Hjá tónlistarskólanum er mikið að gerast á næstunni og nú er í gangi miðvetrarmat. Í febrúar er svo þemavika og verður þemað að þessu sinni afrísk tónlist, síðan í lok febrúar verður skólamót tónlistarskólanna á vesturlandi, þar sem að Akranes, Borgarnes, Ólafsvík, Grundarfjörður Stykkishólmur og Búðardalur koma saman og kallast mótið „TónVest“. Mótið verður haldið í Stykkishólmi þetta árið og eru um það bil 10-12 nemendur frá tónlistarskólanum á Grundarfirði taka þátt.  

Það er óhætt að segja að það sé mikil uppbygging í Grundarfirði þessa dagana en nú eru um 22 nýjar íbúðir í byggingu eða á teikniborðinu í bænum. Það eru þrjú verktakafyrirtæki sem vinna að byggingu húsanna, en það eru Landsmenn byggingarverktakar ehf., Stafna á milli ehf. og Nesbyggð ehf. Í myndabankanum má sjá myndir frá framkvæmdum. Hægt er að smella hér til að komast beint að myndunum.  

Það eru komnar myndir inn í myndabankann frá 30 ára afmæli leikskólans sem var 4. janúar síðastliðinn. Hér má sjá myndirnar.

Leðurvinna   Farið verður í eiginleika og meðhöndlun á leðri og roði.   Nokkrir hlutir verða gerðir s.s belti, gríma eða skúlptúr, bókarkápa, lyklakippa, bókarmerki og lítið veski eða budda.

Vakin er athygli á því að í samræmi við markmið í fjölskyldustefnu Grundfirðinga var sl. sumar bætt við sérstökum tengli á vefsíðu Grundarfjarðarbæjar þar sem fram koma á einum stað upplýsingar um þjónustu og málefni sem varða eldri borgara í bæjarfélaginu. Þar er t.d. að finna hlekki sem vísa inn á upplýsingar um Heilsugæslustöðvar, Dvalarheimilið Fellaskjól, Grundarfjarðarkirkju, Tryggingastofnun Ríkisins og hinar og þessar reglur Grundarfjarðarbæjar. Sjá nánar með því að leita undir flipanum þjónusta hér efst á síðunni og þar er tengill á vinstri væng síðunnar - eldri borgarar. Hægt er að komast beint inn á síðuna með því að smella hér.

Samkvæmt breytingaskrá þjóðskrár fengu 844 landsmanna íslenskt ríkisfang árið 2006. Einstaklingum sem fengið hafa íslenskt ríkisfang hefur fjölgað ört á síðustu árum. Mest fjölgunin varð milli áranna 2003 og 2004 en þá fjölgaði einstaklingum sem öðluðust íslenskt ríkisfang úr 463 í 671.

Sameiginleg lið UMFG, Snæfells og Vík/Reynis tóku þátt á íslandsmótinu innanhúss undir merkjum Snæfellsness 7 lið hafa lokið keppni og komst ekkert þeirra í úrslit. Árangur liðanna er eftirfarandi 2. fl ka 3 sæti riðils 6 stig 2.fl kv 4. sæti riðils 0 stig 3.fl kv 5. sæti riðils 1 stig 3. fl ka 3. sæti riðils 3 stig 4.fl ka 5. sæti riðils 1 stig 4.fl kv 4.sæti riðils 4 stig 5.fl kv 4. sæti riðils 1 stig Nokkrir byrjunar örðuleikar hafa komið fram á þessu samstarfi en þeir verða lagaðir og við mætum ákveðin til leiks á komandi sumri með sterk lið. Foreldrar eru beðnir um að senda tölvupóst á netfangið umfg@grundo.is þar sem fram kemur nafn iðkanda, símanúmer og netfang. Þetta er gert til að auðvelda upplýsingaflæði til foreldra.