Fréttir & tilkynningar

Síðastliðin laugardag hreinsuðu skátar fjörur Grundarfjarðarbæjar. Vikunni á undan gengu skátarnir í hús og söfnuðu áheitum fyrir fjöruhreinsuninni og voru viðbrögð bæjarbúa mjög góð.

Hafin er vinna við gerð fjárhagsáætlunar Grundarfjarðarbæjar fyrir árið 2012. Auglýst er eftir styrkumsóknum frá einstaklingum og/eða félagasamtökum.   Þeir sem hafa hug á að senda inn styrkumsókn fyrir árið 2012 eru hvattir til að senda  tölvupóst á netfangið: sigurlaug@grundarfjordur.is  eigi síðar en mánudaginn 31. október 2011.   Skrifstofustjóri  

  Leiksýningin Sköllótta söngkonan, leikstýrð af Kára Viðarssyni, verður sýnd næstu daga í Samkomuhúsi Grundarfjarðar. Hér má sjá auglýsingu á sýningum félagsins.  

Hin álega sameiginlega skemmtun eldri borgara á Snæfellsnesi, NESBALLIÐ, verður að þessu sinni haldið í samkomuhúsinu í Grundarfirði laugardaginn 15. október n.k. og hefst kl 18;00 með móttöku og síðan matarveislu, skemmtiatriðum og dansi, sem hið kunna Þotuliðið sér um. Það er félag eldri borgara í Grundarfjrðarbæ sem sér um ballið að þessu sinni og er það fyrir 60 ára og eldri, en Kvenfélagið Gleym Mér Ei, Lionsklúbbur Grundarfjarðar og Rauðakrossdeild Grundarfjarðar sjá um matargerð og framreiðslu á honum. Þátttöku er hægt að bóka hjá Óla Jóni Ólasyni í síma 864 2419  

    Fálkaskátar (10-12 ára) í Skátafélaginu Erninum - Æskulýðsfélagi Setbergssóknar í Grundarfirði vilja gera vel fyrir samfélag sitt. Fimmtudaginn 6. október nýttu þeir fundartímann sinn til að sópa, moka og gera fínt í kringum leikskólann Sólvelli og leiktæki barnanna því flest hafa þau taugar til gamla leikskólans síns.  

  Laugardaginn 1. okt. síðastliðinn voru fjórir grundfirskir skátar úr Skátafélaginu Örninn - Æskulýðsfélagi Setbergssóknar í stórum hóp skáta í Bessastaðakirkju að taka við Forsetamerki skátahreyfingarinnar úr hendi hr. Ólafs Ragnars Grímssonar. Forsetamerkið er eina viðurkenningin sem forsetinn afhendir reglulega fyrir utan Fálkaorðuna, og er það æðsta viðurkenningin sem rekkaskátar geta unnið að í skátastarfi sínu. Það voru grundfirðingarnir Alexandra Geraimova, Sigurún Ella Magnúsdóttir, Guðbjörg Soffía Magnúsdóttir og Marta Magnúsdóttir sem voru sæmdar Forsetamerkinu fyrir framúrskarandi frammistöðu sína í skátastarfi í Grundarfirði.   

Mánudaga til föstudaga er opið frá 8-11 - mánudaga og fimmtudaga 16:00-20:00 Þriðjudaga,miðvikudaga og föstudaga 16:00-18:30 laugardögum 10:00-12:00     

Mikið er rætt um lestur barna og unglinga þessa dagana. Bókasafnið styður við lestur með framboði bóka og tímarita. Lesið fyrir börnin fram eftir aldri og gerið heimsókn á bókasafnið að reglulegum viðburði í fjölskyldunni. Foreldrar! Virkjum afa, ömmur, frændur og frænkur. Kíkið á nokkrar myndir af nýlegum eða athyglisverðum bókum.     OPIÐ     Lestur.is      Rafbækur  MYNDIR   Lestur Þrautir   Hljóð- bækur   Hljóðbækur eða aðstoð við að finna þær fyrir þá sem ekki treysta sér til að lesa. Verið velkomin. Sunna.  

Ákveðið hefur verið að lengja opnunartíma sundlaugarinnar til 14. október en áður hafði verið ákveðið að hún lokaði 30. september.   Daglegur opnunartími verður óbreyttur, þ.e. kl. 7-8:30 mánudaga-föstudaga.

140. fundur bæjarstjórnar Grundarfjarðar verður haldinn á bæjarskrifstofunni, fimmtudaginn 29. september 2011, kl. 16:30. Um er að ræða aukafund.   Dagskrá fundarins: 1. Fundargerð hafnarstjórnar. 2. Samþykkt um hundahald í Grundarfjarðarbæ. 3. Kjör fulltrúa á aðalfund SSV.