Fréttir & tilkynningar

Þeir sem vilja losna við jólatré geta sett þau út við lóðarmörk hjá sér ekki síðar en fyrir hádegi mánudaginn 9. janúar, en starfsmaður áhaldahúss mun hirða þau upp eftir hádegi þennan dag.  

Við áramót þökkum við samferð á liðnu ári og óskum þess að nýtt ár megi færa okkur farsæld. Persónulega þakka ég Grundfirðingum góð og árangursrík samskipti á árinu 2011.   Á árinu voru haldnir tveir íbúafundir, sem báðir voru vel sóttir. Þar gafst tækifæri til beinnar samræðu við íbúa um málefni samfélagsins. Ljóst er að framhald verður á þessum fundum á nýju ári.  

Þrettándagleðin föstudaginn 6. janúar hefst við Netaverkstæði G.Run kl. 18:30 og gengið verður fylktu liði með kyndla að bílastæði grunnskólans þar sem ýmsar kynjaverur munu taka á móti fólki. Sungið verður og dansað. Fólk er hvatt til að koma með blys eða kyndil og að vera í búningum við hæfi.   Sjá auglýsingu hér!  

Flugeldamarkaður björgunarsveitanna verður með þrettándaopnun hjá Klakki kl. 16:00-19:00 föstudaginn 6. janúar.   Sjá auglýsingu hér!    

Um áramótin tók gildi ný samþykkt um hundahald í Grundarfirði. Fyrri samþykkt var frá árinu 2002 og var orðið aðkallandi að endurskoða hana. Ný samþykkt um hundahald er ítarlegri en sú eldri og eru hundaeigendur sérstaklega hvattir til að kynna sér hana vel.  

Á vefsíðu bókasafnsins sést hvaða bækur hafa komið inn nýjar árið 2011. Þar eru einnig leiðbeiningar um leit í bókakosti okkar á Gegni.is. Ég hef bætt við nokkrum nýjum titlum að hljóðbókum. Flestar eru á MP3 formi. Hægt er að fá aðstoð við að ná í frítt les- og hljóðefni á Netinu. Komið með eigin tæki til þess. Foreldrar. Gerið reglulega heimsókn á bókasafnið að venju. Lestur víkkar sjóndeildarhringinn.              Gleðilegt ár. Sunna.

Til íbúa Grundarfjarðar,   Um sjö  mánuðir eru nú liðnir frá því flokkun á sorpi hófst í Grundarfirði. Á þessum tíma hefur aðeins um helmingur þess sorps sem sótt er á heimili endað í urðun. En eins og íbúar Grundarfjarðar vita er það eingöngu það sem fer í gráu tunnuna sem er urðað.  

Þann 6. janúar næstkomandi verður Grunnskóli Grundarfjarðar 50 ára. Af því tilefni verður opið hús í skólanum frá kl. 08:00-12:30. Grundfirðingum er boðið að koma og sjá nemendur í leik og starfi, að skoða myndir úr skólalífinu og þiggja léttar veitingar.   Starfsfólk Grunnskóla Grundarfjarðar vonast til að sem flestir sjái sér fært að sækja skólann heim þennan dag og gleðjast með þeim á þessum tímamótum.  

Milli jóla og nýárs bauð bæjarstjórn Grundfirðingum sem stunda nám í háskólum eða framhaldsnám til starfsréttinda, til spjalls í Samkomuhúsinu. Fyrir ári síðan var sambærilegur fundur haldinn sem tókst afskaplega vel.  

Eftir glæsilega flugeldasýningu Grundfirðinga um áramótin eru allir, sem nutu þess að skjóta upp flugeldum og tertum, beðnir að taka höndum saman og hreinsa upp leyfar skoteldanna og koma þeim á gámastöðina.