Fréttir & tilkynningar

Illugi Gunnarsson býður Grundfirðingum að koma til fundar við sig og ræða um hvernig megi bæta menntun barna okkar. Hann ætlar að kynna hvítbók sína um menntun og hvernig megi bæta læsi og námsframvindu.   Fundurinn hefst kl 20.00 í Samkomuhúsinu. Allir velkomnir.   Nánari upplýsingar hér.  

Byrjum aftur eftir sumarfrí á morgun 17. september.   Sjá nánar hér.   

Grundarfjarðarbær efnir á ný til ljósmyndasamkeppni árið 2014. Þetta er í fimmta sinn sem bærinn blæs til ljósmyndasamkeppni og hefur þótt takast vel til. Á þennan hátt hefur bærinn fengið nýjar myndir til birtingar og þátttakendur sínar myndir birtar.   Myndefni samkeppninnar í ár er Fólk að störfum. Myndirnar verða að vera teknar innan sveitarfélagsmarka. Samkeppnin stendur til 30. september 2014 og má hver þátttakandi senda inn að hámarki fimm myndir.   Verðlaun verða veitt fyrir þrjár bestu myndirnar. Fyrstu verðlaun eru 50.000 kr., önnur verðlaun 30.000 kr. og þriðju verðlaun 20.000 kr.  

    Grundarfjarðarbær tekur þátt í Hreyfiviku (Move Week) dagana 29. september – 5. október næstkomandi. Hreyfivikan er unnin í samstarfi við UMFÍ. Markmið Hreyfiviku er að vekja athygli á því skipulagða starfi sem er til staðar í samfélaginu og hvetja fólk til að taka þátt í því. Meðal þess sem í boði verður hér eru opnar æfingar UMFG. Þá verða allir skipulagðir æfingatímar opnir og gefst börnum og fullorðnum tækifæri til þess að prufa ákveðna grein án endurgjalds. Grundarfjarðarbær hvetur félagasamtök, fyrirtæki, þjálfara og alla þá sem eru áhugasamir um hreyfingu að taka þátt í vikunni. Dagskráin er í vinnslu og eru bæjarbúar hvattir til þess að koma hugmyndum sínum á framfæri við menningar- og markaðsfulltrúa í netfangið alda@grundarfjordur.is  

Síðasti dagur Matthildar sem starfandi leikskólastjóri var síðastliðinn föstudag. Hún hættir nú að eigin ósk í þeirri stöðu. Matthildur hefur verið starfsmaður leikskólans frá upphafi, eða í tæp 38 ár og síðustu sex árin sem leikskólastjóri. Eyþór Garðarsson, forseti bæjarstjórnar og Sigurlaug Sævarsdóttir, staðgengill bæjarstjóra, færðu Matthildi blómvönd og þökkuðu henni vel unnin störf sem leikskólastjóra. Það er mikið lán fyrir Grundarfjarðarbæ að fá áfram að njóta starfskrafta hennar í 50% stöðugildi við leikskólann.      

Blóðbankabíllinn verður í Grundarfirði þriðjudaginn 16. september við Samkaup - Úrval frá kl.12-17.   

Bókasafnið og Upplýsingamiðstöðin í Sögumiðstöðinni verður opið mánudaga til fimmtudaga kl. 14:00 - 18:00. Allir velkomnir.  

Íbúð fyrir eldri borgara að Hrannarstíg 18 er laus til umsóknar. Um er að ræða leiguíbúð með búseturétti og 10% hlutareign. Íbúðin er tveggja herbergja, 57,5 ferm.    Umsóknarfrestur er til 21. september  2014.   Reglur vegna úthlutunar íbúða fyrir eldri borgara   Umsóknareyðublað   

Forvarnardagurinn var haldinn í annað skiptið í Grundarfirði í gær 9. september. Dagurinn var vel heppnaður og var þátttakan góð. Slökkviliðið vakti mikla lukku í leik- og grunnskólum Grundarfjarðar þegar meðlimir þess fræddu börnin um brunavarnir. Vís og Arion banki gáfu endurskinsmerki.   Þorlákur Árnason þjálfari og starfsmaður KSÍ hélt áhugaverðan fyrirlestur um markmiðasetningu og hæfileika fyrir nemendur fjölbrautaskólans.   Forvarnardeginum lauk svo með kynningarfundi CoDA í Bæringsstofu.    

177. fundur bæjarstjórnar Grundarfjarðar verður haldinn í Ráðhúsi Grundarfjarðar fimmtudaginn 11. september 2014, kl. 16:30.