Fréttir & tilkynningar

Sorphirða verður í dag. Því miður hefur ekki verið hægt að taka sorp undanfarna daga vegna veðurs. 

105. fundur bæjarstjórnar Grundarfjarðar verður haldinn í samkomuhúsinu, þriðjudaginn 19. maí klukkan 16.15. Eru allir velkomnir að koma og hlýða á það sem fram fer. Fundarboð og dagskrá má finna hér.

Góðir Grundfirðingar   Verið er að kanna möguleika ýmiss konar starfi í sumar. Ef næg þátttaka fæst getum við reiknað með að þetta verði að veruleika.   Það sem um ræðir: 1. Smíðavöllur fyrir börn á aldrinum 8-13 ára. 2. Skólagarðar fyrir börn á aldrinum 8-13 ára. 3. Matjurtagarður fyrir þá sem vilja rækta sitt eigið grænmeti.   Þeir sem hafa áhuga á einhverju ofantöldu látið vita á bæjarskrifstofunni fyrir helgi.

  Framkvæmdir hefjast við sundlaugina í dag, miðvikudag og munu standa í 3-4 vikur. Stefnt er að því að opna hana aftur þann 17. júní.    

 Í gær, þriðjudag sammæltist bæjarstjórna Grundarfjarðar um eftirfarandi ályktun vegna boðaðra aðgerða ríkisstjórnarinnar í fiskveiðistjórnun:   Sjávarútvegur er undirstaða atvinnurekstrar í Grundarfirði. Áríðandi er að halda aflaheimildum í byggðarlaginu og standa vörð um störf. Í stjórnarsáttmála ríkisstjórnarinnar er gert ráð fyrir víðtækum breytingum á fiskveiðistjórnunarkerfinu sem munu hafa áhrif á afkomu þeirra sem starfa við sjávarútveginn. Bæjarstjórn Grundarfjarðar varar alfarið við áformum ríkisstjórnarinnar um að fyrna aflaheimildir útgerða sem stefnir atvinnuöryggi og velferð íbúa Grundarfjarðar í mikla óvissu. Nauðsynlegt er að skapa vinnufrið um sjávarútveg með því að ná sátt um stjórn fiskveiða. Allar breytingar á fiskveiðistjórnun ber að gera með varúð og í fullu samráði við hagsmunaaðila. Óvissa um starfsgrundvöll sjávarútvegsins og illa ígrundaðar breytingar á fiskveiðistjórnunarkerfinu hafa strax neikvæð áhrif á samfélagið og fyrirtæki munu óhjákvæmilega halda að sér höndum hvað varðar uppbyggingu, viðhald og þróun rekstrar.   Bæjarstjórn Grundarfjarðar, 12. maí 2009

Helgina 15. – 16. maí næstkomandi verður boðið upp á 5Rytma námskeið í Grundarfirð og í tengslum við það verður sýnd heimildarmynd um nýjan skilning á mannslíkamanum og heilsu.

Félags- og skólaþjónusta Snæfellinga auglýsir laust til umsóknar starf félagsráðgjafa við stofnunina.   Nánari upplýsingar má finna hér.

Hér má sjá auglýsingu.  

Bæjarstjórn Grundarfjarðarbæjar vill með auglýsingu þessari kanna hvort til staðar séu áhugasamir aðilar sem hefðu hug á að setja upp líkamsræktarstöð í Grundarfirði.  Í boði er, ef samningar takast, húsnæði á neðri hæð í íþróttahúsi bæjarins sem er rúmlega 180 fermetrar að stærð.  Íþróttahúsið er að Borgarbraut 19. 

Á vegum Grundarfjarðarbæjar hefur á liðnu ári verið unnið að stefnumótun í ferðaþjónustu. Verkefnið hófst með því að haldnir voru opnir samráðsfundir með áhugasömum bæjarbúum, ferðaþjónustuaðilum og fleirum. Ráðgjafarfyrirtækið ALTA stýrði fundunum og vann stefnumótunina m.a. úr þeim efnivið sem þannig fékkst, auk þess sem fulltrúar bæjarins og ferðaþjónustuaðilar hafa lagt sitt af mörkum. Bæjarstjórn mun taka stefnumótun til endanlegrar afgreiðslu innan skamms en afrakstur vinnunnar verður kynntur á fundi sem haldinn verður í Sögumiðstöðinni fimmtudaginn 7. maí kl. 20:00.