Fréttir & tilkynningar

Árið 1965 gengu Grundfirðingar til atkvæðagreiðslu og ákváðu að leggja niður heitið Grafarnes og taka upp Grundarfjörður, sem heiti á þéttbýlinu.  

Eftirfarandi auglýsing um styrki til atvinnumála kvenna árið 2006 birtist á vef Byggðastofnunar 16. febrúar: Gengur þú með viðskiptahugmynd í maganum? Vinnumálastofnun/Félagsmálaráðuneyti auglýsir styrki til atvinnumála kvenna árið 2006. Heildarfjárhæð til úthlutunar er kr. 25.000.000.Umsóknarfrestur er til 20. mars 2006. Sjá nánar hér.   

Í september sl. samdi bæjarstjórn við Zeppelin arkitekta í Garðabæ, stofu í eigu Orra Árnasonar, um skipulagsvinnu fyrir bæinn. Um er að ræða umfangsmikil verkefni við deiliskipulagningu og tilteknar breytingar á gildandi aðalskipulagi.    

Nýtt á heimasíðu Bókasafns Grundarfjarðar Take a look at the information in the "Library service's" site. Hljóðbækur Safnfræðsla Bóka- og efnisskrá Eyrarsveitar Hið gullna jafnvægi. Samhæfing atvinnu og fjölskyldulífs.

Lögninni komið fyrir í skurðinum   Í gær, þann 13. febrúar, var verið að koma fyrir nýrri fráveituútrás við höfnina, sem kemur í stað þeirrar sem fyrir er, en hún lendir inní landfyllingunni sem búið er að bjóða út. Þessi nýja landfylling er frá ísverksmiðjunni að beinamjölsverksmiðjunni, norðan Stórubryggju.  

Fréttatilkynning frá Orkuveitu Reykjavíkur:   Ýmis atvik hafa orðið þess valdandi að framkvæmdir við hitaveitu í Grundarfirði munu taka lengri tíma en áformað var í upphafi.  Áform Orkuveitu Reykjavíkur um að klára verkefnið hafa hins vegar ekki breyst.   

Aðalfundur Eyrbyggja, hollvinasamtaka Grundarfjarðar verður haldinn laugardaginn 18. febrúar nk. kl. 17:00 í Eyrbyggju Sögumiðstöð, Grundargötu 35. Fundarefni: Venjuleg aðalfundarstörf, önnur mál.  

Franski útgerðarmaðurinn sem gerði fiskiskútur út frá Grundarfirði (Grundarkampi), verkaði þar saltfisk og átti þar eignir hét Sylvain Allenou. Hann var frá Paimpol á Bretagne-skaga í Frakklandi.  

Í dag kl. 11:00 voru opnuð tilboð í verkið „Gatnagerð í Hjaltalínsholti - botnlangi frá Fellabrekku“. Alls bárust fjögur tilboð í verkið. Kostnaðaráætlun verksins hljóðar upp á 8.444.400 kr. Komið hefur í ljós eftir opnun tilboða að liður 1.2 „girðing um vinnusvæði“ hefur fallið út í kostnaðaráætlun. Tilboðin sem bárust voru eftirfarandi:    

Landaður afli í janúar 2006 var 1573 tonn samanborið við 1671 tonn í janúar árið 2005. Gæftir voru erfiðar framan af mánuðinum en þær löguðust smám saman þegar líða tók á mánuðinn. 100 tonnum minna var landað nú í janúar heldur en í janúar í fyrra og munar þar mest um ýsuafla.   Tegundir 2006 2005 Þorskur 413.697 436.460 kg Ýsa 147.907 288.504 kg Karfi 41.347 34.598 kg Steinbítur 245.167 167.126 kg Ufsi 21.318 31.523 kg Beitukóngur 5.525 29.875 kg Rækja 0 0 kg Langa  1.427 2.061 kg Keila 3.756 727 kg Gámafiskur 632.750 650.668 kg Aðrar tegundir  60.770 29.696 kg Samtals 1.573.664 1.671.238 kg