Fréttir & tilkynningar

Um helgina var Sóley Einarsdóttir sundkennari hjá okkur. Krökkunum var skipt í tvo hópa og voru tvær æfingar á dag hjá hvorum hóp. Krakkarnir tóku miklum framförum á þessum stutta tíma og var Sóley ánægð með þau. Veðrið hefði mátt vera betra en krakkarnir létu það nú ekki á sig fá og var mæting á æfingarnar góð, en krakkarnir voru frekar þreytt eftir helgina enda ekki vön að vera á tveimur klukkutíma sundæfingum á dag. Við tókum nokkra myndir á æfingunum og látum þær fylgja með hér fyrir neðan. Það er ljóst að ef krakkarnir verða áfram jafn dugleg í sundinu og nú um helgina þá verðum við ekki í vandræðum með að byggja upp jafn öfluga sunddeild og var hér fyrir nokkrum árum. Emil Robert

Fyrri dagur sjóstangaveiðimóts Sjóstangaveiðifélags Reykjavíkur (SJÓR), sem haldið er hér í Grundarfirði, gekk vel fyrir sig. Keppendur eru á milii 50 og 60 og var róið á 13 bátum. Aflinn hefði mátt vera meiri að sögn nokkurra keppenda á bryggjunni í dag, þegar mannskapurinn var að tínast í land. Veður var með eindæmum gott, sól og blíða. Alls eru haldin 8 mót í sumar sem teljast til Íslandsmeistarakeppni í sjóstöng, auk svipaðs fjölda innanfélagsmóta á vegum sjóstangaveiðifélaganna. Síðari dagur mótsins er laugardaginn 7. maí.   Löndun á bryggjunni   

Vegna sundnámskeiða opnar sundlaugin ekki fyrr en kl. 14 á laugardag og sunnudag. Opið er til kl. 18 báða dagana.   Sundlaugin er opin mánudaga til föstudaga kl. 16:00-21:00 og um helgar kl. 12:15-18:00. Frá og með 23. maí lengist opnunartími. Sumartími verður nánar auglýstur síðar.

Helgi Helgason og Gunnar P. Gunnarsson fara yfir stöðu málaUndanfarið hafa Helgi Helgason heilbrigðisfulltrúi Vesturlands og Gunnar Pétur Gunnarsson umsjónarmaður fasteigna hjá Grundarfjarðarbæ verið á ferð um sveitina til þess að gera skoðun á ástandi og frágangi rotþróa en slík skoðun hefur þegar verið gerð í þéttbýlinu. Auk skoðunar á sveitabæjum var einnig gerð skoðun á einstökum sumarhúsum.  

Mikið líf var við höfnina í morgun milli kl. 05:00 og 06:00 þegar árrisulir sjóstangveiðimenn fóru til veiða. Sjóstangveiðifélag Reykjavíkur heldur sitt árlega félagsmót hér í Grundarfirði í dag og á morgun og mættu á milli 50 og 60  þátttakendur, konur og karlar, á bryggjuna í morgun. Kl. 06:00 voru 13 bátar ræstir út í einu.  

Föstudaginn 6. maí nk. verður Hrannarstígur lokaður frá Grundargötu að Fossahlíð vegna vinnu við klæðningu/slitlag frá kl. 10:00 og fram eftir degi.   Verkstjóri

Frumkvæði að því að leikskóli var stofnaður í Grundarfirði átti Rauðakrossdeildin hér, sem réðst í verkefnið „Leikskóli“ árið 1976. Þá var ákveðið að byggja leikskóla að Sólvöllum 1 og voru það Rauðakrossdeildin og sveitarfélagið sem stóðu að byggingunni.  

Á næstu mánuðum er ætlunin að kynna starfsemi einstakra stofnana Grundarfjarðarbæjar, með því að taka fyrir eina stofnun í hverjum mánuði. Hugsunin er að miðla upplýsingum, vonandi til fróðleiks og gamans í bland. Jafnvel þó allir viti af því að leikskóli, grunnskóli og áhaldahús starfi í þessum bæ, þá er örugglega ýmislegt sem varpað getur frekara ljósi á starfsemina í viðkomandi stofnun. Forstöðumaður hverrar stofnunar eða starfsemi tekur saman vikulega fróðleiksmola sem eru birtir á vef Grundarfjarðarbæjar og hefur Vikublaðið Þeyr tekið vel í að birta þetta jafnframt í blaðinu. Allar ábendingar og athugasemdir við þetta tiltæki eru vel þegnar, um leið og minnt er á vef bæjarins, www.grundarfjordur.is   Leikskólinn Sólvellir er stofnun maímánaðar og mun að auki standa fyrir opnum degi 24. maí til kynningar á starfseminni.  

Gámatöðin verður lokuð á morgun, uppstigningardag.   Gámastöðin er opin virka daga kl. 16:30-18:00 og kl. 10:00-12:00 á laugardögum. 

Franskir nemendur frá Paimpol eru nú í heimsókn í Grundarfirði og verða til 11. maí.  Heimsóknin er liður í samstarfsverkefni á milli skólanna sem byggist á verkefnavinnu, tölvusamskiptum og gagnkvæmum heimsóknum. Frakkarnir gista heima hjá 9. bekkingum sem þeir hafa verið í tölvusamskiptum við í vetur. Nemendur 9. bekkjar Grunnskóla Grundarfjarðar fara til Frakklands þann 30. maí nk. og verða þeir á heimilum Frakkanna fyrri hluta ferðarinnar en fara síðan til Parísar og verða þar í 3 daga. Áætluð heimkoma er 12. júní.  Það má búast við að Frakkarnir setji svip á bæinn þessa daga og að sjálfsögðu tökum við vel á móti þeim. Meðfylgjandi myndir voru teknar á Hótel Framnesi þar sem hópurinn, Íslendingar og Frakkar, snæddi saman.