Fréttir & tilkynningar

W23 hópurinn stendur fyrir vísindavöku laugardaginn 13. nóvember í félagsheimilinu Klifi í Ólafsvík. Stendur dagskráin frá 13:00-15:30. Þarna mun W23 hópurinn kynna starfsemi sína og náttúrufarsrannsóknir á Snæfellsnesi. Þarna verður margt áhugavert í boði fyrir alla aldurshópa og upplagt fyrir fjölskylduna alla að skella sér.   Hér má finna dagskrá.  

Föstudaginn 13. nóvember verður ljóðasýning í Þjóðgarðinum Snæfellsjökli og hjá Vör.   Nánar hér.

111. fundur bæjarstjórnar Grundarfjarðarbæjar verður haldinn í Samkomuhúsinu fimmtudaginn 12.nóvember 2009 kl.16.15. Fundir bæjarstjórnar eru opnir og eru allir velkomnir að koma og hlýða á það sem fram fer.

Opinn fundur um minkaveiðiátak verður á Ráðhúsloftinu, Hafnargötu 3 í Stykkishólmi, þriðjudaginn 17. nóvember nk. kl. 13-15. Á fundinum verður farið yfir minkaveiðiátakið sem hefur staðið yfir á Snæfellsnesi og í Eyjafirði s.l. þrjú ár. Þar verður kynnt framvinda átaksins og hvernig það hefur gengið. Einnig verða umræður um átakið og hvað tekur við að því loknu.  Allir velkomnir.  

Hið gríðar vinsæla Pub Quiz eða Kráarviska, heldur áfram í kvöld 10. nóv. á Kaffi 59. Spurningakeppnin hefst kl 21:00 og er þemað að þessu sinni almenn viska eða "common knowledge"   Þetta kostar aðeins 500 kr á mann og rennur allur aðgangseyrir óskiptur til Meistaraflokks Grundarfjarðar í knattspyrnu. Endilega mætið, styðjið strákana og umfram allt, skemmtið ykkur vel.   Meistaraflokksráð.  

Heimaleikur UMFG karla mánudaginn 9.11. kl. 20.30. UMFG - Afturelding í íþróttahúsi Grundarfjarðar. Mætum öll og styðjum strákana til sigurs.

Upplestur við kertaljós mánudaginn 9. nóv. kl. 17:30. Sjá meira á vefsíðu Norrænu bókasafnavikunnar. 

Fyrir 1. desember þurfa allir að vera með lögheimili sitt skráð á þeim stað sem þeir hafa fasta búsetu.  Þetta er mikilvægt svo öll réttindi sem fylgja lögheimili séu tryggð.  Skorað er á þá sem eiga eftir að tilkynna um flutning og nýtt lögheimili að ljúka því sem allra fyrst og í síðasta lagi fyrir næstu mánaðamót. 

Frétt á vef Skessuhorns 2. nóvember 2009: Bæjar- og sveitarstjórnarfulltrúar fimm sveitarfélaga á Snæfellsnesi komu saman til fundar á Hellissandi síðastliðinn fimmtudag. Héraðsnefnd Snæfellinga boðaði til fundarins en tilefnið var ályktun bæjarstjórnar Grundarfjarðar frá því í byrjun september þar sem óskað var eftir viðræðum um sameiningu sveitarfélaga á Snæfellsnesi. “Það kom berlega fram á þessum fundi að ekki er almennur vilji bæjar- og sveitarstjórnarfulltrúa til að skoða sameiningarmál að sinni. Það voru sérstaklega bæjarfulltrúar í Snæfellsbæ og Stykkishólmi sem höfðu lítinn áhuga,” segir Sigríður Finsen forseti bæjarstjórnar í Grundarfirði. Hún segir að formleg ákvörðun bæjarstjórnanna liggi hins vegar ekki fyrir, en af umræðum á fundinum hafi mátt ráða að ekki verði farið í sameiningarviðræður að frumkvæði bæjarfulltrúa þessara sveitarfélaga.

Íþróttahúsið verður lokað á morgun föstudaginn 30. okt eftir hádegi vegna vinnu við loftræstikerfi hússins.   Þetta eru æfingar í frjálsum hjá Kristínu Höllu   Fótbolti 5-4-3 flokkur kvenna hjá Adda   Stubbabolti hjá Röggu   4-3 flokkur  karla hjá Tomma   2 - meistaraflokkur kvenna hjá Tomma   Við biðjumst velvirðingar á óþægindum sem þetta kann að valda.