Fréttir & tilkynningar

Þórir Bergmundsson, háls- nef- og eyrnalæknir, verður með móttöku á Heilsugæslunni Grundarfirði  þriðjudaginn 28. maí nk. Tekið er á móti tímapöntunum á Heilsugæslustöð Grundarfjarðar, í síma: 432-1350.  

Fjölbrautaskóli Snæfellinga auglýsir eftir fjármálastjóra í 50% stöðu til afleysingar frá 01.08.2013 - 01.02.2014. Laun greiðast samkvæmt stofnanasamningi skólans. Fjármálastjóri annast allar fjárreiður skólans. Í því er meðal annars fólgið að færa bókhald, gera fjárhags- og rekstraráætlanir, afstemmingar og fleira. Menntunar og hæfniskröfur: Háskólamenntun sem nýtist í starfi æskileg Reynsla af sambærilegum störfum æskileg Þekking af bókhaldi æskileg Skipulögð/lagður Góð tölvukunnátta Hæfni í mannlegum samskiptum. Ráðið verður í stöðuna frá 1. ágúst 2013. Umsóknir með ítarlegum upplýsingum um menntun og fyrri störf skulu hafa borist Jóni Eggerti Bragasyni skólameistara á netfangið joneggert@fsn.is Einnig er hægt að senda umsóknir í pósti: Fjölbrautaskóli Snæfellinga, Grundargötu 44, 350 Grundarfirði Umsóknarfrestur er til 30. maí 2013.

Boðið er upp á kartöflugarða á Kvíabryggju. Hafið samband við starfsfólk á Kvíabryggju. F.h. garðyrkjuvaktar kvenfélagsins, Sunna.      

Útskriftarhátíð Fjölbrautaskóla Snæfellinga verður haldinn laugardaginn 18. maí í hátíðarsal skólans í Grundarfirði. Hátíðin hefst kl. 14.00 og að henni lokinni verða kaffiveitingar í boði skólans. Allir velunnarar skólans eru velkomnir. Skólameistari.  

Opinn upplýsinga- og samræðufundur þriðjduagskvöldið 14. maí, kl. 20 í Samkomuhúsinu.   Meðal efnis: Ný störf menningar- og markaðsfulltrúa og skipulags- og byggingarfulltrúa Málefni Sögumiðstöðvar og tillögur að nafni á nýrri menningarmiðstöð með þátttöku fundarmanna. Fjármál, reiðhöll, vinabæjarsamskipti, framkvæmdir sumarsins ... ... og fleira það sem fundarmenn vilja ræða   Vonumst til að sjá sem flesta. Kaffiveitingar í boði.   Bæjarstjórn 

Helgina 11.-12. maí 2013 verður hreinsunarhelgi í Grundarfirði. Allir eru hvattir til hreinsunar á sinni lóð og nánasta umhverfi.   Þess er óskað að íbúar sópi gangstéttir fyrir framan húsið sitt og út á götu og týni upp rusl í kringum heimili sitt. Götusópur mun sópa götur bæjarins mánudaginn 13. maí.   Gámastöðin verður opin lengur laugardaginn 11. maí eða frá kl. 12:00-16:00. Gámur fyrir garðaúrgang er aðgengilegur allan sólarhringinn.   Tökum höndum saman og gerum bæinn okkar snyrtilegan fyrir sumarið.  

Kynningarfundur fyrir fagfólk, stuðningsfulltrúa og aðra Spjallfundur fyrir foreldra   Kynningarfundur fyrir fagfólk, stuðningsfulltrúa og aðra Kynningrafundur ADHD samtakanna verður haldinn á Ólafsvík mánudaginn 13. maí kl. 14:30 í Grunnskóla Snæfellsbæjar í samvinnu við Velferðarráðuneytið. Fundurinn er ætlaður starfsfólki leik-, grunn- og framhaldsskóla, sérfræðingum í skóla- og félagsþjónustu og öllum þeim sem starfa með börnum, ungmennum eða fullorðnum með ADHD.  

Skólaslit og vortónleikar Tónlistarskóla Grundarfjarðar verða í sal Fjölbrautaskóla Snæfellinga sunnudaginn 12.maí kl.17.   Vonumst til að sjá sem flesta  

Innritun fyrir skólaárið 2013-2014 fer fram dagana 02. - 17.maí 2013.   Nemendur Tónlistarskólans og Grunnskólans hafa nú þegar fengið afhent umsóknareyðublöð en einnig má nálgast eyðublöðin í Tónlistarskólanum og hjá ritara Grunnskólans. Vinsamlegast skilið umsóknum til bekkjakennara í Grunnskóla eða í Tónlistarskólann fyrir 17.maí n.k.   Vakin er athygli á því að nemendur sem eru að klára 2.bekk grunnskólans nú í vor eiga kost á því að hefja hljóðfæranám næsta haust.   Nánari upplýsingar eru veittar í Tónlistarskólanum í síma: 430-8560. Þórður Guðmundsson skólastjóri.    

Sundlaugin verður lokuð mánudaginn 13. maí vegna þrifa á kyndingu.   Forstöðumaður Íþróttamannvirkja.