Fréttir & tilkynningar

Vinna við verkefnið „Föt sem framlag“ ungbarnapakkana 0 – 12 mánaða, til Hvíta- Rússlands heldur áfram miðvikudaginn 08.04.2013. kl 13:00, í salnum við bókasafnið á Borgarbraut.   Allir velkomnir að kíkja til okkar eða leggja hönd á plóg við þetta verkefni.      Okkur vantar sérstaklega efni í teppi, (gamla náttsloppa, stórar fleece peysur) eða annað sem breyta má, falleg sængurver og handklæði. Einnig eru vel þeginn öll föt á ungbörn, samfellur, peysur, húfur, buxur, þykka sokka.   Munið eftir verkefni Rauðakrossins „Föt sem framlag“  þegar hafist verður handa við vorhreingerningarnar, koma má með efnin/fötin á miðvikudaginn eða á Markaðinn til Steinunnar sem mun veita þeim viðtöku.    

Aðalsafnaðarfundur Setbergssóknar verður haldinn miðvikudaginn 15. maí n.k. í Safnaðarheimili Grundarfjarðarkirkju kl. 20:00   Dagskrá: Venjuleg aðalfundarstörf   Vonumst til að sjá sem flesta   Sóknarnefndin  

Umsóknarfrestur um starf menningar- og markaðsfulltrúa Grundarfjarðarbæjar er liðinn. 10 sóttu um starfið og er verið að vinna úr umsóknum.  

Aðalfundur Skotgrundar verður haldinn miðvikudaginn 8. maí kl. 20:00 í félagshúsnæði félagsins.  Dagskrá fundarins og aðrar upplýsingar má finna á heimasíðu félagsins www.skotgrund.123.is  

Dagur eldri borgara verður á fimmtudaginn 9. maí, uppstigningardag. Dagskrá dagsins er eftirfarandi:   1. Messa í Grundarfjarðarkirkju kl. 11:oo.     Kór eldri borgara sér um sönginn     Ritningarlestur og ræða í höndum eldri borgara   2. Opið hús verður kl. 15:00 í Samkomuhúsinu.      Kaffisala með góðu meðlæti.      Kór eldri borgara syngur.      Starfsemi félagsins verður kynnt i máli og myndum.   Allir velkomnir Stjórn Félags eldri borgara    

Alla útsenda reikninga frá Grundarfjarðarbæ er nú hægt að nálgast í bæjargátt gegnum island.is. Notendur skrá sig inn með veflykli ríkisskattstjóra. Linkur á bæjargáttina er hér á forsíðu heimasíðu  Grundarfjarðar undir "Gott að vita".  

Ársreikningur Grundarfjarðarbæjar fyrir árið 2012 var staðfestur við síðari umræðu í bæjarstjórn 30. aprí sl.   Mikil umskipti hafa orðið í rekstri sveitarfélagsins á síðustu árum en unnið hefur verið markvisst að því að snúa langvinnum hallarekstri við, lækka skuldahlutfall og bæta lausafjárstöðu sveitarfélagsins.  

Mánudaginn 6. maí 2013 kl. 17.00 verður opinn fundur í Fjölbrautaskóla Snæfellinga, Grundarfirði, um reynslu Norðmanna af stofnun svæðisgarða þar í landi.    Nú er staddur hér á Snæfellsnesi Norðmaðurinn Eivind Brenna sem er reyndur sveitarstjórnarmaður og einn af þeim sem stóðu að stofnun fyrsta norska svæðisgarðsins, í Valdres. Eivind er líka stjórnarformaður Samtaka norskra svæðisgarða og hefur frá mörgu að segja.  Snæfellingar eru hvattir til að nýta tækifærið og hlusta á Eivind segja frá því hvernig Norðmenn sáu leið til að efla atvinnulíf og samfélag á afmörkuðum svæðum, með samstarfi á grunni svæðisgarða.   Eivind flytur erindi sitt á ensku en möguleiki er á að þýtt verði á íslensku.    Nánari upplýsingar um fundinn er að finna á vef svæðisgarðsins    Allir velkomnir! Stýrihópur svæðisgarðs    

Tónleikar kirkjukórsins verða í Grundarfjarðarkirkju fimmtudaginn 2. maí kl. 20:00. Fjölbreytt lagaval. Enginn aðgangseyrir. Allir velkomnir og fögnum sumri með söng.   Kirkjukórinn    

Helgina 11.-12. maí 2013 verður hreinsunardagur í Grundarfirði. Allir eru hvattir til hreinsunar á sinni lóð og nánasta umhverfi. Gámastöðin verður opin lengur laugardaginn 11. maí eða frá kl. 12:00-16:00. Götur verða svo sópaðar mánudaginn 13. maí.   Tökum höndum saman og gerum bæinn okkar snyrtilegan fyrir sumarið.   Grundarfjarðarbær