Fréttir & tilkynningar

Eigið þið barn með vandamál í skóla t.d. athyglisbrest, ofvirkni, þunglyndi, einelti eða annað sem íþyngir fjölskyldunni?   Miðvikudaginn 11. janúar 2006, kl. 20, munu koma talsmenn frá Sjónarhóli og ADHD samtökunum og halda fund í samkomuhúsinu með kennurum og foreldrum og að lokum er ráðgert að stofna stuðningshópa aðstandenda.   Félags- og skólaþjónustan, heilsugæslan og grunnskólarnir á Snæfellsnesi.

Í desember var gerð tilraun til að halda úti kafla um stofnun desembermánaðar. Það reyndist ekki skynsamlegt í auglýsingaflóði og önnum jólamánaðarins.   Tökum þá upp þráðinn þar sem frá var horfið og áhaldahús Grundarfjarðar verður stofnun janúarmánaðar.   

Eins og kunnugt er þurfti að fresta þrettándabrennunni sökum veðurs á þrettándanum 6. janúar. Í gærkvöldi var stefnt að því að kveikja í brennunni, en veðurguðirnir voru ekki hliðhollir og margt fór öðruvísi en að var stefnt.  Skrúðganga með álfakóng og álfadrottningu í broddi fylkingar lagði af stað frá Fellaskjóli kl. 20.00 og gekk að brennustað í námunni við iðnaðarsvæðið.    

Íþróttaárið í Grundarfirði byrjar vel. 3.fl karla er kominn í úrslit íslandsmótsins í knattspyrnu innanhúss. Strákarnir unnu þrjá leiki og gerðu eitt jafntefli. Þeir unnu lið Fjölnis, Grindavíkur og BÍ/Bolungavíkur en gerðu jafntefli við ÍR. Strákarnir spiluðu vel og sýndu mikinn baráttuhug í síðasta leiknum en hann urðu þeir að vinna til þess að vera öruggir áfram. Riðlakeppnin fór fram í Íþróttamiðstöðinni í Grafarvogi. Við óskum þeim til hamingju með árangurinn.

Bækur í bústaðinn og fríið. Aukabækur kosta 50-100 kr. Skiptibókamarkaður. Fullt af góðum bókum; ævisögur, skáldsögur úr sögusafni heimilanna, spennusögur og kiljur; Ævintýrabækurnar og Fimm bækurnar eftir Enid Blyton og fleiri og fleiri. Magnafsláttur.     Tilvalið í ódýran afmælispakka til afa og ömmu eða pabba og mömmu. Nú eða systur, bróður, vinar eða vinkonu. Alltaf opið frá kl. 15:00 virka daga.    

68. Stjórnarfundur Eyrbyggja 3. janúar 2006 kl. 20:00 að Dalvegi 2 í Kópavogi.   Viðstaddir: Hermann Jóhannesson, Ásthildur Kristjánsdóttir, Benedikt Gunnar Ívarsson, Guðlaugur Pálsson, Orri Árnason.   Dagskrá: 1. Hver er staðan á efnisöflun ? 2. Hver er staðan í fjármálum ? 3. Undirbúningur næsta aðalfundar. 4. Önnur mál.  

Gleðilegt ár og takk fyrir frábært íþróttaár. Af starfi félagsins er það helst að frétta að æfingar hefjast aftur 3. janúar. Íslandsmótin í fótbolta innanhúss fara fram nú í janúar og er einhver að frá okkur að spila nánast hverja helgi í janúar. Við höfum ekki fengið dagsetningu á héraðsmót HSH í fótbolta og frjálsum en vaninn er það sé fótboltamót í janúar og frjálsíþróttamót í febrúar.   Getraunastarfið er enn á fullu og verður Sögumiðstöðin áfram opin á laugardagsmorgnum. Hópleikurinn hefur tekist vel og eiga skipuleggjendur hans hrós skilið.   Stöðuna í leiknum getið þið séð hér fyrir neðan.  

Á nýliðnu ári voru 453 fréttir, þar af nokkrar tilkynningar með takmarkaðan líftíma, skrifaðar hér á vef Grundarfjarðarbæjar. Af þessum fréttum voru um 50 skrifaðar af Ungmennafélagi Grundarfjarðar. Þetta eru um 8,7 fréttir að meðaltali í hverri viku og hefur því verið skrifuð um 1,8 frétt á dag hvern virkan dag ársins. Innlit og umferð á bæjarvefnum jókst til muna á árinu 2005, frá fyrra ári. Notendum bæjarvefs er bent á að hægt er að senda fyrirspurnir beint í gegnum vefinn (neðst á forsíðu). Allar ábendingar um efni og útlit bæjarvefs eru vel þegnar.  

Á síðasta virka degi ársins 30. desember 2005 var fimm fyrirtækjum í Grundarfirði veitt viðurkenning fyrir góða umgengni um fasteignir og umhverfi sitt. Það var skipulags- og byggingarfulltrúi sem sendi fyrirtækjunum viðurkenningar fyrir hönd umhverfisnefndar bæjarins.   Þessir aðilar eru: Farsæll hf., Sólvöllum 16 FISK Seafood hf., við Nesveg Grundarfjarðarhöfn Guðmundur Runólfsson hf. Sólvöllum 2 Soffanías Cecilsson hf., Borgarbraut 1  

Fjöldi manns var mættur á stóru bryggjuna í Grundarfirði fyrir birtingu um kl. 10 á gamlársdagsmorgun þegar Hringur SH 153 nýtt togskip Guðmundar Runólfssonar hf. renndi upp að bryggjukantinum. Þar sem það var gamlársdagur þótti tilhlýðilegt að taka á móti því með flugeldasýningu.   Gunnar Kristjánsson fréttaritari Morgunblaðsins í Grundarfirði ritaði þessa frétt á mbl.is 31.12.2005.   Landfestar gerðar klárar við fyrstu komu í heimahöfn. Ljósm. Gunnar Kr.