Fréttir & tilkynningar

Handverkshópurinn mun hittast í húsi bókasafnsins að Borgarbraut 16 á morgun fimmtudag 22. október klukkan 20.00. Allir velkomnir. 

Í síðustu spurningu var spurt hvenær dvalarheimilið Fellaskjól var opnað, en rétt svar við þeirri spurningu var árið 1988 og voru 58 af 101 sem tóku þátt með það rétt. 

110. fundur bæjarstjórnar Grundarfjarðarbæjar verður haldinn í Samkomuhúsinu mánudaginn 19.október 2009 kl.16.15. Fundir bæjarstjórnar eru opnir og eru allir velkomnir að koma og hlýða á það sem fram fer.

Stjórn FSSF kveður Stefán; f.v. Erla Friðriksdóttir, bæjarstjóri Stykkishólmsbæjar, formaður, Stefán Jóhann, Sigríður Finssen, forseti bæjarstjórnar Grundarfjarðarbæjar og Kristinn Jónasson, bæjarstjóri Snæfellsbæjar.   Við næstu mánaðarmót lætur Stefán Jóhann Sigurðsson, skrifstofustjóri Félags- og skólaþjónustu Snæfellinga, af störfum. Af því tilefni var efnt til kveðjusamsætis í Félagsheimilinu Röst á Hellissandi.  Margir lögðu leið sína þangað til að heiðra Stefán Jóhann á þessum tímamótum í lífi hans.  Stefán Jóhann hefur gengt starfi skrifstofustjóra FSSF allt frá stofnun byggðasamlagsins fyrir hart nær 10 árum en stofnunin fagnar áratugarafmæli sínu næsta vor.

Síðasti opnunardagur sundlaugar verður á föstudaginn 16. oktober 2009. 

Rökkurdagar eru menningarhátíð Grundfirðinga og ætíð haldnir á haustin. Rökkurdagar hefjast að þessu sinni fimmtudaginn 22. október og þeim lýkur laugardaginn 31. Dagskráin er fari að taka á sig mynd þó er enn nóg rými fyrir aðila sem vilja gera eitthvað skemmtilegt. Þeir sem vilja taka þátt geta haft samband við markaðsfulltrúa á skrifstofu Grundarfjarðarbæjar. Bent er á að til að allir atburðir komist inn á dagskrá skal tilkynna þátttöku fimmtudaginn 15. október í síðasta lagi.   Fræðslu- og menningarmálanefnd  

Bæjarstjórn Grundarfjarðar samþykkti eftirfarandi ályktun á fundi þann 8. október 2009 þar sem bæjarstjórnin harmar framkomnar hugmyndir stjórnvalda sem hafa neikvæð áhrif á landsbyggðina:   ,,Bæjarstjórn Grundarfjarðar skilur og tekur undir það að allir landsmenn þurfi að taka á sig auknar byrðar vegna ástandsins í samfélaginu, en mótmælir því harðlega að vegið sé að landsbyggðinni umfram höfuðborgarsvæðið.

Frétt á vef Skessuhorns 8. október 2009: Hér er verið að æfa klippingu bíls eftir slys. Ljósm. sk.Sameiginleg æfing slökkviliða á Snæfellsnesi fór fram í Grundarfirði í síðustu viku. Að sögn Garðars Svanssonar varaslökkviliðsstjóra í Grundarfirði tóku 34 slökkviliðsmenn, frá Grundarfirði, Stykkishólmi og Snæfellsbæ þátt í æfingunni sem stóð í fjóra tíma og heppnaðist mjög vel. Garðar segir að leitast sé við að hafa eina sameiginlega æfingu á ári en einnig fáist liðin við stærri útköll þegar þau verða eins og t.d. í Grundarfirði í lok ágústsmánaðar.   „Ég held það hafi komið vel fram á þessari æfingu hvað við eigum öflug slökkvilið og vel tækjum búin,“ sagði Garðar. Á æfingunni var æfð reykköfun, slökkvistarf úr stiga og um borð í báti, en slökkviliðin fengu Hring SH til afnota í því skyni. Þá var einnig æfð björgun úr bíl, þar sem bíllinn var klipptur og nutu slökkviliðsmenn þar aðstoðar sjúkrafluningamanna.

108. fundur bæjarstjórnar Grundarfjarðarbæjar verður haldinn í Samkomuhúsinu fimmtudaginn 8.október 2009 kl.16.15. Fundir bæjarstjórnar eru opnir og eru allir velkomnir að koma og hlýða á það sem fram fer.

Nú er farið að hausta og haustlitir orðnir allsráðandi í landslaginu, veður síbreytileg, snjóföl niður í miðjar hlíðar og gaman að stunda útiveru. Þátttökugjald kr. 500 fyrir 16 ára og eldri.   Ferðafélag Snæfellsness býður upp á tvær haustferðir nú í október.