Fréttir & tilkynningar

Vatnslaust verður á utanverðri Grundargötu, vestan Sæbóls, á morgun laugardag milli kl. 8-12 vegna tenginga.

Þá er hinu árlega Borgarnesmóti í fótbolta lokið. Grundfirðingar fóru með 4 lið: 2 kvennalið, annað í 5. flokki og hitt í 4. flokki. Og svo 1 lið í 6. flokki og 1 í 7. flokki.   Krakkarnir stóðu sig með mikilli prýði og sérstaklega á laugardeginum þegar veðrið var hreint ömurlegt, grenjandi rigning og rok. En þau létu það auðvitað ekki á sig fá og spiluðu leikina sína vel.  

Bæjarstjórn Grundarfjarðar hefur samþykkt að sækja um byggðakvóta til sjávarútvegsráðuneytisins skv. auglýsingu ráðuneytisins um úthlutun byggðakvóta 2005.   Sveitarstjórnir eru umsóknaraðilar fyrir byggðarlögin innan sveitarstjórnarumdæmanna og annast samskipti við ráðuneytið vegna úthlutunarinnar.  

Á góðri stund í Grundarfirði, okkar árlega bæjarhátíð, verður nú haldin í 8. sinn dagana 22.- 24. júlí nk. Uppsetning dagskrárliða verður að mestu með hefðbundnu sniði, þó alltaf sé um einhverjar breytingar milli ára.  

Færeyskir dagar hafa verið haldnir í Ólafsvík síðan 1998 og verður dagskráin sífellt fjölbreyttari. Samkvæmt áreiðanlegum heimildum á vefsíðu Snæfellsbæjar er löngu ákveðið að ávallt skuli vera sól á færeyskum dögum.   Dagskrá hátíðarinnar

Laugardaginn 2. júlí 2005, kl. 14.00 opnar sýning í Norska húsinu í Stykkishólmi tileinkuð samfelldum veðurathugunum á Íslandi í 160 ár. Magnús Jónsson veðurstofustjóri  opnar sýninguna og þá verða einnig vígð 19. aldar útihitamælir og úrkomumælir sem Veðurstofa Íslands hefur sett upp við Norska húsið. Sýningin er opin daglega frá kl. 11.00 til 17.00 og stendur til 1. ágúst 2005.   

Sundlaugin verður lokuð í dag til kl. 15:30 af óviðráðanlegum orsökum.  

Af óviðráðanlegum orsökum verður sundlaugin lokuð á laugardag. Opið á sunnudag kl. 12:15-18.

Vinnuskóli bæjarins tók til starfa í liðinni viku. Krakkarnir vinna að margvíslegum umhverfisverkefnum, en skipt er í tvo hópa, tvö þriggja vikna tímabil.   Tryggvi Hafsteinsson leiðbeinir ungum vinnumanni

Í gær kom í fyrsta skipti til heimahafnar báturinn Jakob Einar SH 101. Báturinn er í eigu Sigurjóns Fannars Jakobssonar. Fyrr í sumar bættist báturinn Sproti SH 51 einnig í flotann. Hann er í eigu Freys Jónssonar. Jakob Einar og Sproti eru báðir gerðir út á kuðungsveiðar. Aflinn er verkaður hjá Sægarpi ehf. hér í Grundarfirði. Grundarfjarðarbær óskar eigendum og áhöfn bátanna innilega til hamingju!   Jakob Einar SH 101   Sproti SH 51