Viltu verða leikskólastjóri eða bæjarverkstjóri í Grundarfirði?

Frá Grundarfirði

Vilt þú taka þátt í skemmtilegri uppbyggingu með okkur?

Í Grundarfirði búa tæplega 900 manns. Sjá nánar um okkur. Náttúra og umhverfi eru einstök og alla helstu grunnþjónustu er að finna á svæðinu. Metnaðarfullar framkvæmdir eru í gangi um uppbyggingu á gönguvænu umhverfi, blágrænum regnvatnslausnum og á opnum svæðum í bænum. Unnið er að innleiðingu barnvæns sveitarfélags, unnið eftir nýrri menntastefnu bæjarins frá 2023 og áætlun með skýrum viðmiðum um gæði skólastarfs.

Bæjarverkstjóri

Við leitum að metnaðarfullum og drífandi stjórnanda sem er tilbúinn að leiða umhverfisframkvæmdir bæjarins og taka þátt í spennandi endurnýjun innviða á komandi árum, ekki síst í gatna- og fráveitumálum.

Starfssvið

Bæjarverkstjóri starfar í þjónustumiðstöð bæjarins og stýrir daglegum rekstri og viðhaldi gatna- og umferðarmannvirkja, fráveitumannvirkja, umhirðu opinna svæða, vetrarþjónustu o.fl.

Bæjarverkstjóri, ásamt öðru starfsfólki þjónustumiðstöðvar, gegnir mikilvægu hlutverki í að umhverfi og ásýnd sveitarfélagsins sé til fyrirmyndar.

Helstu verkefni og ábyrgð:

• Hefur umsjón með daglegum rekstri og stjórnun í þjónustumiðstöð, undirbúningi, viðhaldi og verklegum framkvæmdum.
• Sér um ýmiss konar þjónustu og skal sjá til þess að sem best tengsl séu við aðrar stofnanir bæjarins, íbúa, verktaka og aðra sem samskipti eiga við þjónustumiðstöð. 
• Stýrir rekstri og viðhaldi gatna- og umferðarmannvirkja, fráveitumannvirkja, opinna svæða og leiksvæða.
• Stýrir snjómokstri og hálkuvörnum og tekur þátt í snjómokstri og hálkuvörnum á stígum, gangstéttum o.fl. með tækjum þjónustumiðstöðvar.
• Stýrir grasslætti, umhirðu gróðurs og grænna svæða, annast samskipti við sláttuverktaka og aðra þjónustuaðila, aðstoðar vinnuskóla við umhverfisverkefni.
• Hefur umsjón með viðhaldi bæjargirðingar og fjárréttar bæjarins, með efnistöku- og efnislosunarsvæðum í eigu bæjarins og fleiri eignum og aðstoðar við ýmsa þætti í sorpþjónustu.
• Hefur umsjón með viðhaldi tækja og fasteigna sem undir þjónustumiðstöð heyra, umsjón með sumarstarfsfólki og öðru starfsfólki á verksviði þjónustumiðstöðvar. 
• Starfar með starfsmanni eignaumsjónar í þjónustumiðstöð og leysir hann af í styttri tíma.
• Undirbúningur við gerð fjárhagsætlana, rekstrar- og starfsáætlana og eftirfylgni þeirra og önnur tilfallandi verkefni.

Menntunar- og hæfniskröfur

• Iðnmenntun sem nýtist í starfi er kostur
• Bílpróf er skilyrði, vinnuvélaréttindi eru kostur
• Frumkvæði, metnaður til að gera vel, þjónustulund og sjálfstæði ásamt góðum samskiptahæfileikum eru skilyrði
• Færni í að tjá sig á íslensku, í töluðu og rituðu máli, er skilyrði
• Almenn tölvukunnátta er skilyrði   
• Annað nám sem nýtist í starfi, reynsla af verkstjórn, viðhaldi eða verklegum framkvæmdum er skilyrði
• Reynsla af rekstri, stjórnun og mannaforráðum er kostur

Um 100% starf er að ræða og æskilegt er að viðkomandi geti hafið störf sem fyrst.

Launakjör eru samkvæmt kjarasamningi Sambands íslenskra sveitarfélaga við viðeigandi stéttarfélag.

Skólastjóri Leikskólans Sólvalla

Við leitum að metnaðarfullum og drífandi stjórnanda sem er tilbúinn að leiða virka skólaþróun og faglegt starf með áherslu á framþróun, lausnaleit og styrkingu leikskólastigsins í samvinnu við skóla- og nærsamfélagið.

Á Leikskólanum Sólvöllum eru nú um 40 börn á aldrinum 12 mánaða til 4 ára. Sérstök fimm ára leikskóladeild er rekin undir Grunnskóla Grundarfjarðar og er samstarf gott á milli skólanna.

Spennandi skólaþróun 

Leikskólinn hefur í samstarfi við Ásgarð skólaráðgjöf unnið að uppbyggingu innra starfs, stjórnun og mótun skólanámskrár og hefur leikskólastjóri góðan aðgang að styrkri ráðgjöf og handleiðslu frá ráðgjöfum Ásgarðs. Unnið er í samræmi við nýja menntastefnu bæjarins (2023) og þriggja ára innleiðingaráætlun þar sem sett voru skýr viðmið um gæði skólastarfs.  

Starfssvið

Leikskólastjóri hefur faglega forystu um kennslu og þróun skólastarfs, stýrir og ber ábyrgð á daglegum rekstri, mannauð og starfsemi leikskólans. Starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla og menntastefnu Grundarfjarðarbæjar. 

Menntunar- og hæfniskröfur 

• Kennaramenntun (leyfisbréf) og kennslureynsla er skilyrði
• Viðbótarmenntun á sviði stjórnunar- og/eða menntunarfræða er kostur
• Reynsla af rekstri, stjórnun og stefnumótun er kostur
• Leiðtogahæfileikar, frumkvæði, metnaður og sjálfstæði í vinnubrögðum
• Færni í mannlegum samskiptum og þverfaglegu starfi er skilyrði
• Færni í að tjá sig á íslensku, í töluðu og rituðu máli, er skilyrði

Um 100% starf er að ræða og æskilegt er að viðkomandi geti hafið störf sem fyrst.

Launakjör eru samkvæmt kjarasamningi Sambands íslenskra sveitarfélaga og Félags stjórnenda leikskóla.

Umsækjendur þurfa að hafa hreint sakavottorð skv. ákvæðum laga sem um starfið gilda.

-----

Umsóknarfrestur um bæði störfin er til og með sunnud. 15. september 2024.

Áhugasamir einstaklingar, óháð kyni, eru hvattir til að sækja um.

Nánari upplýsingar veitir Björg Ágústsdóttir, bæjarstjóri, í síma 430 8500 eða með því að senda fyrirspurnir á bjorg@grundarfjordur.is Umsóknir sendist einnig á framangreint netfang.

Umsóknum um starfið skal fylgja greinargott yfirlit um menntun, fyrri störf, meðmælendur
og annað sem umsækjandi telur máli skipta og varpað getur ljósi á færni hans til að sinna starfinu.

Deildarstjóri, leikskólakennari

Sjá einnig auglýsingu um deildarstjóra/leikskólakennara - á Leikskólann Sólvelli, með því að smella hér. 

Bæjarstjóri Grundarfjarðarbæjar