Viltu verða íþrótta- og tómstundafulltrúi eða leikskólastjóri í Grundarfirði?

Grundarfjarðarbær er á miðju norðanverðu Snæfellsnesi. Í Grundarfirði og nágrenni er fjölskrúðug náttúra og gott mannlíf, atvinnuvegir og félagsstarf er fjölbreytt og samfélagið fjölskylduvænt. Hér er leikskóli, grunnskóli, tónlistarskóli og framhaldsskóli. Í Grundarfirði er aðstaða fyrir störf án staðsetningar, t.d. fyrir maka.
Ferðatími til/frá höfuðborginni er um 2 klst. og samgöngur eru góðar.

Viltu vera með í skemmtilegri uppbyggingu?

Grundarfjarðarbær auglýsir laus til umsóknar nýtt og spennandi starf íþrótta- og tómstundafulltrúa og starf skólastjóra Leikskólans Sólvalla.  

Leitað er að kraftmiklum stjórnendum með forystu- og skipulagshæfileika, jákvætt viðhorf og metnað til að taka þátt í uppbyggingu og umbótum í skóla- og tómstundastarfi.  

Íþrótta- og tómstundafulltrúi

Um er að ræða nýtt og spennandi starf við að þróa og stýra íþrótta- og tómstundamálum, forvörnum og lýðheilsuverkefnum á vegum Grundarfjarðarbæjar og að leiða stefnumörkun um verkefni sviðsins með fagnefndum og bæjarstjórn.

Í starfinu felst fagleg og rekstrarleg ábyrgð á starfsemi íþróttamannvirkja og aðstöðu, á félagsmiðstöð unglinga og á skipulögðu íþrótta- og tómstundastarfi sem bærinn kemur að.

Íþrótta- og tómstundafulltrúi er starfsmaður þeirra nefnda sem starfssviðinu tilheyra og leiðir jafnframt samstarf við félagasamtök og hefur umsjón eða aðkomu að ýmsum viðburðum.

Hér má lesa nánar um stofnun hins nýja starfs.  

Menntunar- og hæfnikröfur til íþrótta- og tómstundafulltrúa:

• Háskólamenntun sem nýtist í starfi er kostur, s.s. á sviði kennslu, íþrótta eða tómstunda

• Farsæl reynsla af íþrótta- og tómstundastarfi er kostur, sem og af rekstri, stjórnun og stefnumótun 

• Leiðtogahæfileikar, frumkvæði, metnaður og sjálfstæði í vinnubrögðum

• Lipurð í mannlegum samskiptum og hæfni til að eiga uppbyggileg samskipti við viðkvæma hópa, er skilyrði

• Færni í að tjá sig, í töluðu og rituðu máli er skilyrði

• Að nálgast verkefni á frumlegan hátt og vera úrræðagóð(ur) við lausn þeirra er mikill kostur

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Sjá einnig á alfred.is þar sem sækja skal um starfið.

Skólastjóri Leikskólans Sólvalla

Leikskólinn Sólvellir er þriggja deilda leikskóli fyrir börn á aldrinum 12 mánaða til 5 ára. Í dag eru nemendur milli 40-50. Sérstök fimm ára deild er rekin undir Grunnskóla Grundarfjarðar og er samstarf gott á milli skólanna.

Leikskólastjóri hefur faglega forystu um kennslu og þróun skólastarfs, stýrir og ber ábyrgð á daglegum rekstri, mannauð og starfsemi leikskólans, í samræmi við lög og stefnu bæjarstjórnar.  

Menntunar- og hæfnikröfur til leikskólastjóra:

• Kennaramenntun (leyfisbréf) og kennslureynsla er skilyrði

• Viðbótarmenntun á sviði stjórnunar- og/eða menntunarfræða er æskileg

• Reynsla af rekstri, stjórnun og stefnumótun er kostur

• Leiðtogahæfileikar, frumkvæði, metnaður og sjálfstæði í vinnubrögðum

• Færni í mannlegum samskiptum og þverfaglegu starfi er skilyrði

• Færni í að tjá sig, í töluðu og rituðu máli er skilyrði 

Hér má skoða vef Leikskólans Sólvalla. 

Staðan er laus frá 1. október nk. Launakjör eru samkvæmt kjarasamningi Sambands íslenskra sveitarfélaga og KÍ, Félags stjórnenda leikskóla.

Sjá einnig á alfred.is þar sem sækja skal um starfið.

Nánar

Umsóknum um störfin ásamt fylgigögnum skal skilað í ráðningakerfi Alfreðs - alfred.is í síðasta lagi 26. september nk.

Fylgja skal kynningarbréf, ferilskrá og samantekt með hugmyndum umsækjanda um þróun faglegs starfs og nálgun sína í starfi. 

Störfin henta hvaða kyni sem er.  Á síðari stigum umsóknarferlis verður farið fram á sakavottorð í samræmi við viðeigandi lög. 

Nánari upplýsingar veitir Björg Ágústsdóttir, bæjarstjóri, í síma 430 8500 eða með tölvupósti gegnum netfangið bjorg@grundarfjordur.is 

Öllum umsóknum verður svarað þegar ákvörðun um ráðningu liggur fyrir.