Úrslit ljósmyndasamkeppninnar 2021

F.v. Bent Marínósson gestadómari, Guðmundur Pálsson og Linda María Nielsen, úr menningarnefnd.

Þann 22. desember nk. verða úrslit úr ljósmyndasamkeppni Grundarfjarðarbæjar 2021 tilkynnt á rafrænan hátt hér á heimasíðu Grundarfjarðarbæjar.

Þátttakan í keppninni var mjög góð í ár, en alls voru sendar inn rúmlega 50 myndir.

Þema keppninnar í ár var "litagleði". Grundarfjarðarbær skartaði sínum bestu litum í þessari keppni sem glöggt auga ljósmyndaranna náði að festa á filmu.

Í ár var dómnefndin skipuð, úr menningarnefnd, Lindu Maríu Nielsen, varaformanni nefndarinnar, Guðmundi Pálssyni og gestadómara sem að þessu sinni var Bent Marinósson tónlistarkennari í Tónlistarskóla Grundarfjarðar og sérlegur áhugamaður um ljósmyndun.

Valdar hafa verið topp 8 bestu myndirnar sem við birtum hér, en meðal þeirra eru myndirnar sem verma fyrsta, annað og þriðja sætið. Haft verður samband við sigurvegara ljósmyndasamkeppninnar á næstu dögum og þeim færður vinningur fyrir þátttöku sína þann 22. desember.

Við þökkum öllum sem tóku þátt og sendu inn myndir.

Menningarnefnd

Hér að neðan eru 8 efstu myndirnar. Vinsamlega athugið að myndirnar eru ekki í sérstakri röð.