Umsjónarmaður sumarnámskeiða og sumarstörf fyrir námsmenn

Umsóknarfrestur vegna neðangreindra starfa er til og með 19. maí nk.

 

Endurauglýst starf þar sem ekki bárust umsóknir: 

Sumarnámskeið – umsjónarmaður

Grundarfjarðarbær óskar eftir að ráða umsjónarmann sumarnámskeiða fyrir börn; 2 vikur í júní og 2 vikur í ágúst. Starfið felst í utanumhaldi og umsjón námskeiðanna.

Umsjónarmaður námskeiðanna þarf að vera hugmyndaríkur, hafa getu til að vinna sjálfstætt, góða hæfni í mannlegum samskiptum, auk reynslu og ánægju af að vinna með börnum. Sakavottorðs er krafist. 
Starfstímabil er 2.-19. júní og 4.-14. ágúst. Vinnutími er kl. 9:00-12:00 og 13:00-16:00, auk undirbúningstíma.

Átaksverkefni – sumarstörf fyrir námsmenn með lögheimili í Grundarfjarðarbæ

Grundarfjarðarbær auglýsir laus til umsóknar ný störf; sumarstörf fyrir námsmenn, með stuðningi Vinnumálastofnunar.

Leitað er að áhugasömu fólki með ríka þjónustulund og metnað til að skila góðu starfi. Umsækjendur þurfa að vera 18 ára á árinu eða eldri, hafa verið í námi á vorönn 2020 og að vera skráð í nám á haustönn 2020. Starfstímabil er tveir mánuðir á tímabilinu júní-ágúst 2020.

Laus eru til umsóknar eftirfarandi sumarstörf:

 

Menning og sögulegt efni

 

Átaksverkefni í flokkun og skráningu ljósmynda

Starfið felst í skráningu og flokkun ljósmynda úr safni Bærings Cecilssonar í Sögumiðstöð.  

 

Átaksverkefni í skráningu, merkingu og hreinsun muna

Starfið felst í skrásetningu, merkingu og hreinsun safngripa í Sögumiðstöð.  

 

Átaksverkefni í uppsetningu sýninga og menningarviðburða

Starfið felst í uppsetningu eða aðkomu að sýningum og menningarviðburðum í Sögumiðstöð og víðar.   

 

Átaksverkefni í skönnun fundargerðarbóka

Starfið felst í skönnun fundargerðarbóka bæjarins frá 1906-2000 í Ráðhúsi.  

 

Átaksverkefni í yfirferð og afskráningu bókakosts

Starfið felst í yfirferð og afskráningu á bókakosti skólabókasafns í Gegni.  

 

Átaksverkefni í skönnun og innslætti

Starfið felst í skönnun og innslætti dagbókarhandrita sr. Jens V. Hjaltalín prests á Setbergi 1882-1918.

 

Upplýsingar, kynning og miðlun

 

Átaksverkefni í að vinna efni um bæinn og í þróun upplýsingagjafar um bæinn

Starfið felst í að vinna efni um Grundarfjörð fyrir Wikipediu. Einnig í þróun upplýsingagjafar um bæinn og þjálfun við að veita upplýsingar í upplýsingamiðstöð og víðar.  

 

Átaksverkefni við móttöku skemmtiferðaskipa

Starfið felst í móttöku skemmtiferðaskipa, gæslu leiðsögn o.fl.  

 

Umhverfismál; fegrun, ræktun náttúruvernd, byggingamál

 

Átaksverkefni í fegrun bæjarins

Störf sem felast í hreinsun og förgun gamalla girðinga, göngustígagerð, merkingu gönguleiða o.fl.  

 

Átaksverkefni í gróðursetningu

Störfin felast í gróðursetningu trjáa og trjárækt, grisjun o.fl. í samstarfi við Skógræktarfélag Eyrarsveitar.  

 

Átaksverkefni í endurbótum á golfvelli

Starfið felst í snyrtingu og endurbótum á golfvelli í samstarfi við Golfklúbbinn Vestarr.  

 

Átaksverkefni í gerð matjurtagarða

Starfið felst í aðkomu að gerð matjurtagarða í sveitarfélaginu, gerð leiðbeininga og stuðningi við grenndargarða og ræktun.  

 

Átaksverkefni í garðvinnu fyrir eldri borgara

Starfið felst í garðvinnu fyrir eldri borgara og öryrkja.  

 

Átaksverkefni í skráningu og uppmælingu

Starfið felst í skráningu og uppmælingu fasteigna í dreifbýli.  

Launakjör eru samkvæmt kjarasamningi Sambands íslenskra sveitarfélaga og Starfsmannafélags Dala og Snæfellsness.

Umsóknarfrestur vegna allra starfanna er til og með 19. maí nk.

Sótt er um gegnum vefsíðu Grundarfjarðarbæjar, laus störf, hlekkur hér.

Umsækjendur tilgreini þau störf sem þeir telja henta sér best.  

Námsmenn yngri en 17 ára, sem enn eru án vinnu, eru beðnir um að leggja inn umsókn, þó átaksverkefnið miðist við 18 ára aldur. Við viljum gjarnan fá að vita stöðuna. 

Nánari upplýsingar eru veittar á bæjarskrifstofu í síma 430 8500. Einnig er hægt að senda fyrirspurnir á netfangið grundarfjordur@grundarfjordur.is