Umsjónarmaður sumarnámskeiða í ágúst

Mynd Tómas Freyr Kristjánsson, 2019.

Vegna breyttra aðstæðna auglýsir Grundarfjarðarbær eftir umsjónarmanni sumarnámskeiða fyrir börn í tvær vikur í ágúst, þ.e. frá 9.-13. ágúst og 16.-20. ágúst.  Starfið felst í utanumhaldi og umsjón námskeiðanna. 

Vinnutími er kl. 9-12 og 13-16, auk undirbúningstíma.

Til greina kemur að skipta vikunum tveimur á milli tveggja umsjónarmanna (t.d. annar fyrir hádegi og hinn eftir hádegi, eða annar fyrri vikuna og hinn seinni vikuna). 

Umsjónarmaður námskeiðanna þarf að vera hugmyndaríkur, hafa getu til að vinna sjálfstætt, hæfni í mannlegum samskiptum, auk þess að hafa ánægju af að vinna með börnum. Hann þarf auk þess að hafa hreint sakavottorð. 

Við erum með aðstoðarfólk tiltækt á námskeiðunum.

Sækja má um til og með 26. júlí nk. og helst sem allra fyrst gegnum vefsíðu Grundarfjarðarbæjar, laus störf, hlekkur hér.

Nánari upplýsingar veitir bæjarstjóri í síma 430 8500 eða 898 6605. Einnig er hægt að senda fyrirspurnir á netfangið grundarfjordur@grundarfjordur.is eða bjorg@grundarfjordur.is