Þorri heldur á vit nýrra verkefna

Þorvarður Sigurðsson þjónustustjóri Kaupþings í Grundarfirði, betur þekktur sem Þorri, hefur tekið við starfi fyrirtækjafulltrúa í Árbæjarútibúi Kaupþings. Þorri flutti í Grundarfjörð árið 1973 og hóf störf við Samvinnubankann sem var til húsa þar sem nú er vídeóleigan Kósý. Í því húsi bjó hann einnig til að byrja með. Árið 1990 flutti hann sig yfir götuna í Búnaðarbankann. Þar stóð hann af sér samruna og ýmsar nafnabreytingar alveg til ársins í ár. Við Grundfirðingar óskum honum velfarnaðar og gæfu.