29.12.2003
Stjórnsýsla - fréttir

Menntamálaráðherra hefur skipað Guðbjörgu Aðalbergsdóttur í embætti skólameistara Fjölbrautaskóla Snæfellinga til fimm ára frá 1. janúar 2004 að telja. Guðbjörg hefur starfað við Fjölbrautaskóla Suðurnesja frá árinu 1994 og hefur gengt starfi áfangastjóra frá 1998. Átta umsóknir bárust um embættið sem sendar voru skólanefnd Fjölbrautaskóla Snæfellinga til umsagnar og tillögugerðar skv. 2. mgr. 11. gr. laga um framhaldsskóla nr. 80/1996. Skólanefndin mælti í umsögn sinni til menntamálaráðherra einróma með því að Guðbjörgu yrði veitt embættið.

Aftur í fréttayfirlit