Ráðstefna um Ísland í Paimpol í október 2006
Þann 21. október 2006 var haldin ráðstefna um Ísland samtímans í bænum Paimpol á Bretagneskaga, vinabæ Grundarfjarðar. Að ráðstefnunni stóðu bæjarstjórn Paimpol, bókasafn bæjarins og Grunda.pol, vinabæjarsamtök Paimpol og Grundarfjarðar.
Að morgni sama dags var gata í Paimpol, sem helguð er frönskum sjómönnum sem stunduðu veiðar við Ísland frá miðri 19. öld, tileinkuð Grundarfirði við hátíðlega athöfn sem þjóðbúningar og sekkjapípuleikur settu svip á.
 |
| Skilti er sýnir nafn götu í Paimpol sem tileinkuð er Grundarfirði |