Leikskólabörn í vettvangsferð

Þriðjudaginn 1. apríl bauð Sigurður Heiðar Valgeirsson, nemandi í leikskólanum,  elstu börnunum  úr leikskólanum í heimsókn  út í hesthús til að skoða þrjú nýfædd lömb. Heimsóknin gekk mjög vel. Börnin sýndu mikinn áhuga á kindunum og afkvæmum þeirra. Krakkarnir fengu að gefa hey og leika sér í hlöðunni. Einnig  sáu þau hund og kött sem þeim fannst gaman að leika við.  

Þeim var einnig boðið upp á kleinur og muffins sem þau gerðu góð skil. Á heimleiðinni kíktu þau líka í hesthúsið til Bjarna og skoðuðu hestana hennar Brynju Gnár. Veðrið var einstaklega gott og nutu börnin þess að ganga út í hesthús í veðurblíðunni.