Jólakort Grundarfjarðarbæjar 2024

Alda Líf, 1. bekk, og Steinunn Cecilía, 9. bekk Grunnskóla Grundarfjarðar, teiknuðu jólamyndirnar 2024.

Jólakort Grundarfjarðarbæjar 2024

Líkt og sex síðastliðin ár tóku nemendur Grunnskóla Grundarfjarðar þátt í því skemmtilega verkefni að teikna jólamyndir fyrir "Jólakort Grundarfjarðarbæjar 2024".

Afraksturinn var góður, hátt í 40 teikningar bárust frá nemendum á öllum aldri. Fallegar, jólalegar, fyndnar og skemmtilegar myndir sem margar hverjar höfðu skemmtilega sögu að segja. Starfsfólk bæjarskrifstofu var fengið í lokadómnefndina, og valið var erfitt í ár líkt og undanfarin ár og óvenju jafnt, þannig að ákveðið var að veita tveimur myndum verðlaun. Myndirnar eru mjög ólíkar, einlægar og fallegar,  hvor á sinn hátt. 

Það voru þær Steinunn Cecilía Steinarsdóttir í 9. bekk og Alda Líf Bjarnadóttir í 1. bekk sem gerðu jólamyndir ársins 2024!

Björg Ágústsdóttir bæjarstjóri hitti listakonurnar báðar, rétt fyrir jólin, og veitti þeim viðurkenningu fyrir myndirnar sínar.