Jólagluggaleikur 2024

Jólagluggaleikur 2024 

Leitum að jólagluggum í desember með allri fjölskyldunni. Hérna koma leiðbeiningar fyrir jólagluggaleik Bókasafns Grundarfjarðar. Við hvetjum alla til að taka þátt og eiga góða stund saman við að finna gluggana. Hægt er að taka göngutúr eða bíltúr til að finna gluggana.

Leikurinn er hvetjandi fyrir samveru og útiveru í desember. Skjalið inniheldur 2 stk af blöðum með samtals 20 gluggum. Hægt er að taka þetta allt í einu eða taka t.d. tvo göngutúra með sitthvort blaðið og dreifa þannig leiknum. Eftir að bæði blöðin eru útfyllt má hefta þau saman og skila í jólakassann uppi á bæjarskrifstofu til 17. desember, merkta með nafni og símanúmeri. Þann 18. desember nk. verða þrír þátttakendur dregnir út og fá verðlaun séu þeir með alla gluggana rétta. 

Einnig langar okkur að þakka öllum þeim fyrirtækjum og stofnunum sem tóku þátt og lögðu metnað í gluggana sína í ár. Það verða því líka veitt verðlaun fyrir flottasta gluggann! 

Leiðbeiningar

• Prentaðu skjalið eða fáðu eintak uppi á bæjarskrifstofu til að fylla út, merkja með nafni og símanúmeri
• Þá getur þú farið um bæinn og fundið jólagluggana í fyrirtækjum eða stofnunum 
• Skrifaðu hvar þú finnur hvern glugga á línuna fyrir neðan myndina af honum á blaðið 
• Engin stofnun eða fyrirtæki á meira en einn glugga
• Hver gluggi er innan bæjarmarka 
• Aðeins má skila inn einu eintaki á hvern einstakling
• Þegar skjalið er útfyllt (2 blöð) má skila því inn í jólakassann uppi á bæjarskrifstofu, Borgarbraut 16
• Það má skila inn blöðum frá 2. desember til og með 17. desember
• Þrír vinningshafar verða dregnir út þann 18. desember nk. og hljóta þeir skemmtileg verðlaun
• Einnig verða veitt verðlaun fyrir besta gluggann! 

Jólagluggaleikur 2024, til að prenta

Góða skemmtun og takk fyrir að taka þátt!