- Þjónusta
- Stjórnsýsla
- Mannlíf
Deildarstjóri framhaldsdeildar FSN á Patreksfirði, 75% staða.
Starfsmaður framhaldsdeildar FSN á Patreksfirði, 75% staða.
Stuðningsfulltrúi við starfsbraut FSN í Grundarfirði 100% staða í 6,5 mánuði.
Laun greiðast samkvæmt kjarasamningi SFR og ríkisins.
Skólinn er framhaldsskóli með áfangasniði þar sem í boði eru stúdentsbrautir, almenn námsbraut og starfsbraut. Skólinn er með framhaldsskóladeild á Patreksfirði. Helstu áherslupunktar í kennsluháttum skólans eru nýting upplýsingatækni í skólastarfi, fjölbreyttar verkefnamiðaðar kennsluaðferðir og margs konar námsmat með sérstakri áherslu á leiðsagnarmat.
Starf deildarstjóra felst í yfirumsjón með deildinni í nánu samstarfi við skólameistara. Deildarstjóri skipuleggur daglegt starf í deildinni, hefur umsjón með félagsstarfi nemenda, skipuleggur námsferðir til Grundarfjarðar, hefur umsjón með ástundun nemenda, fylgist með námsframvindu, aðstoðar við námsval, tengiliður við foreldra/forráðamenn ólögráða nemenda. Deildarstjóri aðstoðar nemendur við námið. Æskilegt er að deildarstjórinn sé með framhaldsskólaréttindi sem stærðfræðikennari.
Ráðið er í stöðuna frá og með 1. ágúst 2011.
Starfsmaður vinnur undir stjórn deildarstjóra. Starfið felst m.a. í umsjón með daglegri starfsemi deildarinnar og aðstoð við nemendur, en þeir stunda dreifnám frá Fjölbrautaskóla Snæfellinga í Grundarfirði. Viðkomandi fylgir nemendum í námsferðir til Grundarfjarðar, en þangað er farið að jafnaði einu sinni í mánuði yfir skólamánuðina.
Ráðið er í starfið frá 15. ágúst 2011 til 15. maí 2012.
Stuðningsfulltrúi við starfsbraut FSN í Grundarfirði vinnur undir stjórn deildarstjóra. Um er að ræða afleysingu fram til febrúarloka 2012.
Ráðið er í stöðuna frá 15. ágúst 2011 til 29. febrúar 2012.
Leitað er að einstaklingum sem hafa góða skipulagshæfileika og eru liprir í samskiptum. Háskólamenntun er æskileg. Einnig er mikilvægt að umsækjendur séu fljótir að tileinka sér nýjungar og séu vel tölvufærir.
Umsóknir með ítarlegum upplýsingum um menntun og fyrri störf skulu hafa borist Jóni Eggerti Bragasyni skólameistara á netfangið joneggert@fsn.is eða Pétri Inga Guðmundssyni aðstoðarskólameistara á netfangið petur@fsn.is. Einnig er hægt að senda umsóknir í pósti: Fjölbrautaskóli Snæfellinga, Grundargötu 44, 350 Grundarfirði.
Umsóknarfrestur er til 16. maí 2011.
Umsóknir þurfa ekki að vera á sérstökum eyðublöðum. Öllum umsóknum verður svarað þegar ákvörðun um ráðningu hefur verið tekin. Nánari upplýsingar veitir skólameistari á netfanginu joneggert@fsn.is eða í síma 4308400/8917384 og aðstoðarskólameistari á netfanginu petur@fsn.is eða í síma 4308400/8683618. Á vef skólans www.fsn.is má einnig finna ýmsar upplýsingar um skólann.
Skólameistari