Fimm tilnefningar til íþróttamanns Grundarfjarðar 2017

Knattspyrnumaðurinn Þorsteinn Már Ragnarsson var kjörinn íþróttamaður Grundarfjarðar árið 2016

Fimm tilnefningar bárust til kjörs á íþróttamanni Grundarfjarðar fyrir árið 2017 og verða úrslitin gerð kunn á aðventudegi kvenfélagsins Gleym mér ei sunnudaginn 3. desember. Tilnefningar bárust frá blakdeild UMFG, körfuknattleiksdeild UMFG, knattspyrnudeild UMFG, Golfklúbbnum Vestarr og Skotfélagi Snæfellsness og eru eftirfarandi tilnefnd:

Svana Björk Steinarsdóttir - blakdeild UMFG

• Svana Björk er prúður og agaður leikmaður. Hún er fyrirmynd bæði innan vallar sem utan.
• Hún er lykilleikmaður hjá meistaraflokki UMFG sem keppir á Íslandsmótinu í blaki.
• Svana Björk var valin í verkefni á vegum unglingalandsliðsins U-19 og kom nýlega heim frá Kettering í Englandi þar sem U-19 kvk keppti á Norðurlandamóti og lenti í 5. sæti.

Rúnar Þór Ragnarsson - körfuknattleiksdeild UMFG

• Þrátt fyrir að Rúnar Þór sé tiltölulega nýbyrjaður að spila körfubolta hefur hann bætt við sig mjög góðum hraða.
• Á síðasta tímabili spilaði hann bæði með liði Snæfells í úrvalsdeild og með liði Grundarfjarðar í 3. deild á venslasamningi.
• Í úrvalsdeildinni spilaði hann alla leiki og var lykilmaður í liði Grundarfjarðar sem komst í undanúrslit í 3. deild.
• Á þessu tímabili er hann eingöngu að spila með Snæfelli í 1. deild þar sem hann hefur með miklum aukaæfingum spilað sig inn í byrjunarliðið.
• Við í körfuknattleiksdeildinni teljum Rúnar vera vel að þeim heiðri kominn að hrifsa verðlaunin úr höndum bróður sín

 Þorsteinn Már Ragnarsson - knattspyrnudeild UMFG

• Þorsteinn var lykilmaður í liði Víkings Ólafsvík í Pepsideild karla í knattspyrnu í sumar.
• Liðið háði erfiða baráttu fyrir tilverurétti sínum í deildinni en svo fór að lokum að þeir töpuðu þeirri baráttu og féllu.
• Þorsteinn spilaði 21 leik í sumar og skoraði í þeim þrjú mörk. Einnig bar hann fyrirliðabandið í nokkrum af þessum leikjum.
• Þorsteinn er mikil og góð fyrirmynd fyrir unga knattspyrnuiðkendur enda hæglátur og dagfarsprúður drengur.
• Eftir tímabilið voru mörg lið á eftir Þorsteini og í haust samdi hann við Pepsideildarlið Stjörnunnar í Garðabæ.

Helga Ingibjörg Reynisdóttir - Golfklúbburinn Vestarr

• Helga Ingibjörg náði þeim árangri í sumar að verða Vesturlandsmeistari kvenna.
• Hún lækkaði forgjöf sína um heila fimm en hún fór úr 34,2 í byrjun sumars niður í 29,2 í lok sumars. Glæsilegur árangur.
• Helga varð punktameistari Vestarr á meistaramóti klúbbsins í sumar.
• Hún er virkur félagi í Vestarrr og formaður skálanefndar ásamt því að vera í mótanefnd.
• Helga er góður félagi og vel að titlinum komin.

Guðmundur Andri Kjartansson - Skotfélag Snæfellsness

• Guðmundur Andri er tilnefndur sem íþróttamaður ársins af Skotfélagi Snæfellsness.
• Guðmundur Andri er mjög virkur skotmaður, stundar reglulegar skotæfingar og hefur verið að ná mjög góðum árangri.
• Hann hefur tekið þátt í öllum mótum sem haldin voru af félaginu á árinu, að einu móti undanskildu, og vann til verðlauna á þeim öllum.
• Guðmundur Andri situr í stjórn Skotfélags Snæfellsness og gegnir þar starfi ritara. Hann er mjög virkur í starfi félagsins og hefur komið að skipulagningu og tekið þátt í flestum þeim viðburðum sem skipulagðir hafa verið af félaginu á árinu, hvort sem það eru mót, skotvopnasýning, námskeið eða annað. Þá hefur hann lagt ómælda sjálfboðavinnu í uppbyggingu á æfingasvæði félagsins.
• Guðmundur Andri hefur vaxið mikið sem skotíþróttamaður undanfarin ár og er öðrum yngri skotmönnum fyrirmynd hvað það varðar.