Ferðalag yfir Breiðafjörð (ekki með Baldri)

Í dag kom pósturinn með pakka til okkar í Leikskólanum Sólvöllum.

Pakkinn vakti að vonum mikla athygli þar sem hann var svolítið skrítinn í laginu. 

Þegar pakkinn var opnaður kom í ljós bolti og á hann límt bréf þar sem stóð meðal annars að þessi bolti hefði fundist um miðjan janúar í fjörunni við Haga á Barðaströnd.  Og þar sem hann var merktur Leikskólinn Sólvellir þá sendi Haraldur í Haga okkur boltann, sem verður hafður inni hér eftir.